دغه خبره د نوموړي سازمان یوې ویاندې «کریستینا نیکولا او» نن د جمعې ورځ(۲۰۱۶ م کال د جولای اوله نیټه) په آتن کي کړې ده. د هغې په خبره «دا هغه کسان دي چي په یونان کي یې پناه نه ده منل سوې.»
دغه مهاجر چي د مراکش، پاکستان، افغانستان، بنگله دیش، شمالي افریقا او نورو اسیايي هیوادونو دي اکثریت یې وختي لا ستانه سوي دي.
د کډوالو نړيوال سازمان مهاجرو ته د امنیتي چارواکو په ملاتړ د بيرته ډاډمن تگ زمینه برابروي. پر دې سربیره له هغوی سره یو لږ انداز ه مالي مرسته هم کوي.
مخکې تردې چي هغوی الوتکي ته د بیرته تگ په خاطر پورته سي،۵۰۰ یورو ورکول کيږي، څو په خپل ټاټوبي کي ورسره د نوي پیل له پاره لمړنی مرسته سوې وي.
له بلي خوا بیا د یونان ساحلي ساتونکو د المان خبري آژانس ته ویلي دي چي په لسونو مهاجرو په تیرو اوونیو کي هڅه وکړه، چي له یونان څخه پخپل مسئولیت بیرته ترکیې ته ولاړ سي.
ویل کیږي چي قاچاقبرانو هغوی ته وعده ورکړې وه چي د یوه مدیترانه اي هیواد له لاري به یې مرکزي اروپا ته رسوي.
انځورونه: په اتن کې د افغان مهاجرو سړې شپې
د یونان د پلازمېني اتن په ویکتوریا پارک کې ډېر افغان مهاجر سختي شپې او ورځي تيروي. هغوی دې ته په تمه دي چې د مقدونيا سرحد ورته پرانیستل شي، څو وکولای شي خپل هدف ته ځان ورسوي.
انځور: DW/R. Shirmohammadiډېر هغه افغان مهاجر چې اروپا ته د یونان له لاري رسېدلي دي، د اتن ښار له ویکتوریا پارک سره اشنایي لري. په دې پارک کې د مهاجرو له پاره د شپې تیرول یوه بد خوب ته ورته دی.
په وروستیو ورځو کې چې مقدونيا خپله پوله د افغان مهاجرو پر مخ تړلې ده، ویکتوریا پارک یووار بیا له افغان مهاجرو ډک دی.
ځینې کډوال بیا د هوا د سړښت او شرایطو د خرابوالي له کبله د شپې هیځ نه ویده کیږي.
ډېر هغه ماشوم مهاجر چې له خپلو کورنیو سره په دې پارک کې وخت تیروي، ناروغه دي. که سړي د شپې دې پارک ته ولاړ شي نو په هره برخه کې به د ماشومانو ټوخی اوریدل کیږي.
کله نا کله بیا دې سیمې ته د مهاجرو ضد ډلي هم راځي او د مهاجرو د زورولو لامل کیږي.
ښخې په ځانګړې توګه د شپې له خوا له ډیرو ګواښونو سره مخامخ وي. د هغوی ډېری له ويري نه ویديږي.
په دې سیمه کې ډېر پولیس حضور لري چې ښيي د اتن چارواکي د ویکتوریا پارک د امنیت په اړه اندېښنه لري.
