ويل کيږي چي کښتۍ د څووارا په شمال د اوبو په ۲۲مايله واټن کي ډوبه سوې ده.
د ايټاليا ساحلي ساتونکو ويلي دي چي تر اوسه پوري ئې د دغي کښتۍ نزدې ۱۰۰ کسان ژغورلي دي. او لټون دوام لري.
تيره ورځ د کډوالو نړيوال سازمان يو داسي راپور خپور کړ چي پکښې راغلي ول، يوازي د ۲۰۱۵م کال له پيل راهيسي په مديترانه کي تر ۲۰۰۰ زيات کډوال وژل سوي دي.
په مديترانه سمندر کي د مهاجرو د کښتيو نزدې ټولي پيښي له ليبيا څخه د ايټاليا سيسلي ټاپو ته پر لار رامنځ ته سوي دي.
دغه کډوال د انساني قاچاقبرانو له خوا په کوچنيو کښتيو کي اروپا ته د ځان رسولو په خاطر د سمندر وژونکو څپو ته په غېږ ورکول کيږي او اکثره وخت ئې ډېر لږ کسان هدف ته رسيږي.
انځورونه: له يمنه جيبوتي ته تېښته
په سوونو يمنيان په دغه هيواد کي د وسله وال کړکېچ له کبله د عدن له لاري جيبوتي ته تښتېدلي دي. جيبوتي د مځکي پرمخ يو له فقيرو هيوادونو څخه دئ. په دغه انځوريز راپور کي په دغه غريب هيواد کی د يمنيانو ژوند انځور سوی.
انځور: DW/A. Stahl
ډېر يمنيان چي جيبوتي ته ځي لومړی د دغه هیواد مرکز ته رسيږي چيري چي د دغه هيواد دوه پر دريمه برخه انسانان ژوند کوي او ۵۰ سلنه ئې بې کاره دي. له هغه ځايه بيا دوی د دغه هيواد شمال لوېديځ ته انتقالېږي.
انځور: DW/A. Stahl
ملگرو ملتونو د مرکز په نوم کډوالو ته يو کمپ جوړ کړی دئ. دغه کمپ د جيبوتي هيواد په بندري ښار اوبوک کي جوړ سوی دئ او ټول يمني کډوال دغه کمپ ته انتقاليږي.
انځور: DW/A. Stahl
په دغه کمپ کي ډيري يمنۍ کورنۍ له خپلو کوچنيانو سره هم ژوند کوي. دا چي د دغو کوچنيانو کوچنيوالی به څرنگه تيريږي روښانه نه ده. خو لږ تر لږه دوی دلته خوندي دي.
انځور: DW/A. Stahl
خو کوچنيان خپل ساتيري کوي او په کمپ کي فوټبال کوي. د ملگرو ملتونو د معلوماتو له مخي په يمن کي نزدې ۸ ميليونه کوچنيان او تازه ځوانان د جنگونو عواقبو گواښلي دي. په يمن کي درملو او د څښاک پاکو اوبو ته لاس رسی ډېر ستونزمن دی. خو په دغه کمپ کي دوی ته ور رسيږي.
انځور: DW/A. Stahl
په دغه ساحل کي د ورځي له خوا هوا ډېره گرمه وي چي حتي ۴۰ درجو ته رسيږي. د شپې له خوا هم هوا تر ۳۰ درجې نه کميږي.
انځور: DW/A. Stahl
د جون مياشتي په لومړيو کي ملگرو ملتونو اټکل وکړ چي په يمن کي نزدې ۱۶ ميليونه انسانان مرستو ته اړتيا لري. دا د دغه هيواد د نقوس دوه پر دريمه برخه ده.
