د سویډن پولیسو د سه شنبې په ورځ (۲۰۱۸م کال د جولای ۳۱مه) ویلي دي چې دوی د غلو په لټه کې دي، کوم چې د شترینګنیس کلیسا، ته ورننوتي او دوه تاجه او نور توکي چې د سلطني قدرت سمبول ګڼل کیږي غلا کړي دي.
ویل شوي دي چې غلا د سه شنبې په ورځ ماسپښین شوې ده، چې هغه مهال د دیارلسمې میلادي پیړۍ دغه ستره کلیسا د لیدونکي پر مخ پرانیستې وه. زیاته شوې ده چې دغو دوو تنو خوندي صندوقونه مات کړي او دغه ځای ته څیرمه د جهیل له لارې تښتیدلي دي.
یوه عیني شاهد د «افتون بلدیت» نومې سویډنۍ ورځپاڼې ته ویلي دي: «ما یوه کوچنۍ سپينه کښتۍ ولیده چې دوو کسانو ور ټوپ کړل او په بیړه ولاړل.»
په مطبوعاتي اعلامیه کې پولیسو ویلي دي چې دوی په وچه، سمندر او هوا له لاري لټون پیل کړی دی خو د سه شنبې تر ماښامه د غلو په نیولو نه دي توانیدلي.
یو غلا شوی تاج د ملکې کریستینا دی، چې د چارلس نهم دوهمه میرمن وهانځور: Strängnäs Stift د پولیسو ویاند توماس اګنیفیک، دغه غله د مسلکي کسانو په توګه یاد کړي او ویلي یي دي چې ښایي هغوی د پيښې په ځای کې کومې نخښې پریښي وي.
غلا شوي شیان له سرو زرو، مرغلرو او نورو ګرانبیو توکي جوړ دي چې یو وخت يې د چارلس نهم او د هغه په میرمنې کریستینا پورې اړه درلوده. چارلس نهم په اوولسمه میلادي پیړۍ کې پر سویډن واکمني کړې ده. هغوی په کلیسا کې ښخ دي، چې د پلازمېنې ستاکهلم لویدیځ لور ته په ۵۸ کیلومترۍ کې پرته ده.
د کليسا مشر کريستوفر لوندگرين له یوې ځایي سویډنۍ ورځپاڼې سره په خبرو کي ویلي دي چې دغه توکي بیمه شوي ول خو پر دې یي ټینګار کړی دی چې له مادي ارزښته د دغو توکوي کلتوري ارزښت ډیر زیات دی. د هغه په خبره دغه توکي په بشپړه توګه ساری نه لري په سویډن کې مشهور دي او ښایي په نړۍ کې هم شهرت ولري.
دارکو یانوویچ
زموږ له آرشیف څخه:
کوم پاچا لري تر ټولو زياتي پيسې؟
کله چي د شاهي کورنيو ذکر کيږي نو زيات وخت دا پوښتنه هم مطرح کيږي چي څومره پيسې او جايدادونه لري. د فوربس مجلې په ۲۰۱۱ کال د ۱۰ تر ټولو زياتو شمتنو پاچهانو ليسټ خپور کړی ؤ. دغه لس تر ټولو بډای پاچهان دلته وپېژنۍ: انځور: Reuters/O. Harris ۱۰ ـ د عمان سلطان قابوس بن سيد سلطان قابوس بن سيد ويل کيږي چي ۷۰۰ مليونه ډالره شتمنۍ لري او د نړۍ د شتمنو پاچهانو په ليسټ کي په لسم نمبر دی.
انځور: Getty Images/AFP ۹ ـ آغا خان شاه کريم الحسيني آغا خان چي د خپلي مذهبي فرقې مشر دی، پر کوم دولت پاچهي نه کوي خو پېرويان يې ورته تر پاچا زیات عزت ورکوي. د خپل دين دغه پنځم پېشوا تقريبا ۸۰۰ مليونه ډالره شتمنۍ لري.
انځور: Fars ۸ ـ د موناکو پاچا البېر دويم موناکو په اروپا کي يو کوچنی هيواد دی. د فوربس مجلې د ۲۰۱۱ کال د راپور پر اساس دغه پاچا د ۱۰۰۰ مليونو يا يو مليارد ډالرو په ارزښت شتمنۍ لري.
انځور: AP ۷ ـ د قطر امير تميم بن حمد آل ثاني د قطر د شاهي کورنۍ په هکله فوربس ليکلي ول چي ۲،۴ مليارده ډالره شتمنۍ لري.
انځور: XtravaganT/Fotolia ۶ ـ د ليشتن شتاين پاچا هانس آدم دويم د ليشتن شتاين پاچا هانس آدم دويم د فوبس د راپور پر اساس په ۲۰۱۱ کال د ۳،۵ ملياردو ډالرو په ارزښت شتمۍ درلودې.
انځور: picture-alliance/dpa/A. Balzarini ۵ ـ د دوبۍ امير محمد بن راشد المخدوم د متحده عربي اماراتو لومړی وزير او د دوبۍ امير محمد بن راشد المخدوم په هکله فوربس ليکلي چي په ۲۰۱۱ کال يې د ۴ ملياردو ډالرو په ارزښت شتمنۍ درلودې.
انځور: Getty Images/F. Nel ۴ ـ د ابو ظبي امير خليفة بن زايد آل نهيان د متحده عربي اماراتو ولسمشر او د ابوظبي د امارت امير خليفة بن زايد آل نهيان په هکله فوبس ليکلي چي په ۲۰۱۱ کال کي يې د ۱۵ ملياردو ډالرو په ارزښت شتمنۍ درلودې.
انځور: Solar Impulse/Revillard/Rezo.ch ۳ ـ د سعودي عربستان وفات سوی پاچا شاه عبدالله بن عبدالعزيز په ۲۰۱۱ کال لا چي کله د سعودي عربستان د هغه وخت پاچا شاه عبدالله بن عبدالعزير ژوند ؤ، نو په هکله يې د فوربس مجلې ليکلي ول چي ۱۸ مليارده ډالره شتمنۍ لري. اوس د سعودي پاچا شاه سلمان بن عبدالعزيز دی. خو د تيلو د بعيو د کمېدو له کبله سعودي عربستان او د پاچا کورنۍ د تاوانونو سره مخامخ ده.
انځور: Reuters/Brendan Smialowski ۲ ـ د برونای سلطان حسن البلقيه د فوربس د ۲۰۱۱ کال د راپور له مخي د برونای د سلطان حسن البلقيه شتمنۍ تر ۲۰ ملياردو ډالرو څخه زيات ارزښت لري.
انځور: Reuters/O. Harris ۱ ـ د تاېلند مړ سوی پاچا بوميبول أدولياديج د تاېلند پاچا د ۲۰۱۶ کال د اکتوبر په ۱۳مه مړ سو. د دغه پاچا په هکله فوربس مجلې په ۲۰۱۱ کال ليکلي ول چي شتمنۍ يې ۳۰ ملياردو ډالرو ته رسيږي.
انځور: AP
