فرانسوي رسنیو خبر ورکړی چې د موریس په نامه یو چرګ د فرانسې په اولیرون ټاپو کې ګاونډیو ته د مزاحمت او سهار مهال د لوړو بانګونو (آذانونو) له کبله محاکمه کیږي. د لي فیګارو په نامه د یوې فرانسوۍ رسنۍ د رپوټ په حواله یوه تقاعد شوي سړي او میرمنې یې چې په دې ټاپو کې د رخصتیو د تیرولو په موخه کور لري، شکایت کړی چې د نوموړي چرګ لوړ بانګونه یا آذانونو دوی سهار مهال له خوبه راپاڅوي. د اولیرون په نامه دغه سیمه د فرانسې په غربي ساحل کې د بوردو په نامه ښار ته څیرمه پرته ده.
د پنجشنبې په ورځ هغه مهال چې دغه دوسیه په محکمه کې تر اروزنې لاندې وه، د موریس په نامه دغه چرګ او ادعا کوونکي په محکمه کې موجود نه وو. د فرانسې د خبري آژانس په حواله د محکمې په انګړ کې بیا د پومپادور په نامه یو چرګ او د ژان رینه په یوه چرګه بیا د موریس د ملاتړ د څرګندولو له پاره موجود وو.
د یاد چرګ څښتنې کورینه فیساو، د فرانسې خبري آژانس ته ویلي چې خپل چرګ یې د شپې پرمهال تړلی دی او د چرګ د آذانونو د مخنیوي په موخه یې د هګیو د کارتنونو پر مټ د لمر د وړانګو مخه نیولي ترڅو چرګ په دې ونه پوهیږي چې سهار شوی دی.
انځور: Getty Images/AFP/X. Leoty د رسنیو د رپوټونو په حواله د یاد چرګ مدافع وکیل جولیان پاپیناو محکمې ته ویلي چې د چرګ د آذان له کبله د ټولو «۴۰ ګاونډیانو له ډلې څخه یوازې دوه تنه یې ځوریږي.»
دا په داسې حال کې ده چې د تیر کال په نومبر میاشت کې د موریس په نامه دغه چرګ پر خپله فسبوک پاڼه د ژیړ واسکټو د اعتراض کونکو د ملاتړ په موخه په داسې حالت کې راڅرګند شوی وو چې یو ژیړ رنګه واسکټ یې اغوستی وو. د ژیړ واسکټه په نامه د فرانسې د حکومت ضد دغه اعتراضونه د څو اونیو له پاره په ټوله فرانسه کې ترسره شول. اوس ټاکل شوې چې د سپتمبر میاشتې په پنځمه نیټه به د فرانسې دغه محکمه د موریس په نامه د چرګ د لوړو بانګونو (آذانونو) په هکله خپله وروستۍ پریکړه اعلان کړي.
Joshua Stein /kh-bs
زموږ له آرشیف څخه:
د یوې بوجۍ پیسو په بدل کې یو چرګ، خو چیرته؟
په وینزویلا کې د نویو پیسو له معرفي کولو سره حکومت غواړي چې د مالي کړکیچ مخه ونیسي. دا چې اوس په دې هیواد کې د یوه چرګ یا یوې ټوټې پنیر له پاره څومره پیسې ورکول کیږي، په دې انځورونو کې یې ووینئ.
انځور: picture alliance/colprensa/J. P. Cohenد یوه کیلو چرګ غوښې له پاره په میلیونونه پیسې
که څوک وغواړي چې د وینزویلا په پلازمینه کاراکاس کې بازار ته ولاړ شي باید د صبر او حوصلې سربیره په میلیونونو بولیوار «د وینزویلا پولي واحد» ولري. دغه چرک نزدې دوه کیلو وزن لري او د رانیولو له پاره یې باید ۱۴ میلیونه بولیواري پیسې ورکړل شي چې د ډالر په حساب شاوخوا دوه ډالره کیږي.
انځور: Reuters/C. G. Rawlinsپه وینزویلا کې د یوې کیلو رومیانو «بانجانو» بیه نږدې ۵ میلیونه بولیواره ده چې په اروپايي هیوادونو کې شاوخوا ۴۰ سنته کیږي. د پیسو د نړیوال صندوق په حواله په ونیزویلا کې د روان کال په ترڅ کې د پیسو تورم یا پړسوب شاوخوا یو میلیونه سلنه دی.
انځور: Reuters/C. G. Rawlinsپه وینزویلا کې د تشناب د یوه کاغذ د رانیولو له پاره اړ یاست چې ۲ میلیونه او ۶۰۰ زره بولیواره پیسې ورکړئ. د دې هیواد په بازارونو کې ګڼ شمیر تولیدات په سختی موندل کیږي. د دارو درملو او د توکو د نه پیدا کیدو له کبله ګڼ شمیر کسان د خپل هیواد ترک کولو ته اړ شوي.
انځور: Reuters/C. G. Rawlinsپه وینزویلا کې د یوې کیلو وریژو بیه نږدې دوه نیم میلیونه بولیواره ده. په دې هیواد کې د خلکو عاید ورځ تر بلې ټیټیږي او د وینزویلا د خلکو ساتل شوې پسو هم خپل ارزښت له لاسه ورکړی دی.
انځور: Reuters/C. G. Rawlinsپه دې هیواد کې د یوه کیلو پنیر بیه ۷ میلیونه او ۵۰۰ بولیواره ده. دغه هیواد بیا د پیسو د پړسوب د مخنیوي له پاره نوي پولي واحد معرفي کړي چې په نویو پیسو یې ارزښت بیا یوازې ۷۵ بولیواره دی. د اقتصادي چارو کارپوهان وړاندوینه کوي چې د پیسو پړسوب او د بیو لوړوالی به همداسې ادامه پیدا کړي.
انځور: Reuters/C. G. Rawlinsدا لومړی ځل نه دی چې د وینزویلا خلک تیښتې ته اړ کیږي. اوس د دې هیواد وګړي د بې کارۍ، د پیسو د پړسوب «تورم» او د اولیه توکو د کمښت له کبله هم د خپل هیواد ترک کولو ته اړ شوي. ملګري ملتونه بیا د شاوخوا ۲ میلیونه وینزویلايي مهاجرینو خبره کوي او داسې ویرې شته چې دغه شمیر لا پسې لوړ شي. د دې هیواد خلک کولمبیا او برازیل ته مهاجرت کوي.
انځور: picture alliance/colprensa/J. P. Cohen