د فلیپین د چارواکو په وینا د فان فون، په نوم توپان له کبله د مړو شوو کسانو شمیر ۱۳ تنو ته رسیدلی دی. چارواکو اندیښنه څرګنده کړې ده چې ښایي د تلفاتو شمیر لوړ شي، ځکه چې لاهم د یو شمیر لادرکه شوو کسانو لټون ادامه لري. تائید شوي تلفات د الیولو، لیته او کاپیز په ولایتونو کې رامنځ ته شوي دي.

په زرونو کسان اغیزمن شوي

د ورکړل شوو رپوټونو له مخې د توپان سرعت په یوه ساعت کې تر ۱۹۵ کیلومترو ته رسید.

په لسونو زره کسان د توپان له کبله بې کوره شوي او یا هم د رامنځ ته شویو ویجاړیو له کبله د خطر احساس کوي. د مخابراتي اړیکو ټینګول ستونزمن شوي او د انټرنټ او موبایل خدماتو ته ډیر لږ لاس رسی شته.

دغه توپان تر ۲۴۰۰۰ زیات کسان خپلو کورونو پریښودو ته اړ ایستي او زیاتره یې بیړنیو مرکزونو کې پناه اخیستي.