ساینس پوهانو ویلي دي، له دې امله چې «پروکسیما بي» تر لمر کمزورې ده، دا امکان لري چې د کایناتو په دې برخه کښې ژوند امکان ولري، ځکه دا به نه ډیر ګرم وي او نه ډیر سوړ.
دا د آرال په نوم سمندرګی دی چې د درو سنتينل سپوږمکيو له عکسونو څخه يو ځای شوی دی. د اروپا فضايي اداره وايي چې د آرال سمندرګی «د دې له پاره اصلي ثبوت دی چې بشر څه ډول اغېزې پر چاپېريال او طبيعي سرچينو باندې لري.» د ۱۹۶۰ کال راهيسې يې د ډېر استعمال د وجې ۹۰ سلنه اوبه له لاسه ورکړې دي.
انځور: ESA/Copernicus Sentinel data 2014/2015
د برلين بشپړ انځور
دغه انځور د آلمان پلازمېنه برلين ښېي. سړی ليدلی شي چې دغه ښار څومره زرغون دی چې په لويديځ کې يې د تېګل او وان به نوم ډنډونه قرار لري. د انځور په لاندنۍ منځنۍ برخه کې پخوانی هوايي ډګر ليدل کيږي. که نور د سپوږمکۍ له خوا اخيستل شوي انځورونه ليدل غواړئ، نو لاندې ويبپاڼې ته مراجعه وکړئ: www.esa.int/spaceimages/Images
انځور: ESA/Copernicus Sentinel data 2015
انځورونه1 | 8
سربیره پر دې، ساینس پوهانو ویلي دي چې په «پروکسیما بي» سیاره کښې د ژوند کولو امکانات د هغه په اتموسفیر پوري اړه لري. د فرانسې خبري اژانس د راپور پر اساس، د دې علمي لیکني لیکونکي انسګار راینر ویلي دي چې دا امکان لري چې دغه نوی کشف شوې سیاره به یا د ځمکې او یا د زهرې په شان اتموسفیر ولري او یا به یې هیڅ و نه لري.
د۳۵۰۰هغو سیارو له ډلې څخه چې بې له لمريز نظامه پر نورو ستورو راڅرخي، «پروکسیما بي» یوازنۍ سیاره ده چې په راتلونکې کښې به په هوایي ماموریتونو کې ورته لاس رسی وموندل شي.