د ایټاليا ساحلي ګارد ويلي دي چې ویجاړي شوي کښتۍ د مدیترانې بهیرې له قهرجنو څپو سره لاس او ګریوان وې، خو د مرستندویه سازمانونو هڅو دغه مهاجر له ډوبیدو وژغورل.
ویل شوي چې د مالتا هیواد د MOAS سازمان یوې ژغورنکي کښتۍ (فینِکس) د لیبیا صبراته ښار ته نږدې په نړیوالو اوبو کې تر۳۰۰ ډير انسانان ژغورلي دي.
همدارنګه د ایګُوئیرس په نوم یوې بلي مرستندویه کښتۍ هم په سمندر کې د ډوبیدو له ګواښ سره مخامخ د څلورو ربړي کښتيو مسافر یا مهاجر ژغورلي دي. دغه کښتۍ د SOS Mediterranee مدیترانین او بې سرحده ډاکترانو سازمان تر څار لاندې فعالیت کوي. دغه ټول ژغورونکي عملیات د ایټاليا ساحلي ګارد تر نظر لاندي شوي دي.
په مدیترانه کې د کډوالو د کښتې د ډوبیدو انځورونه
د ایتالیا سمندري ځواکونو په مدیترانه کې د کډوالو د یوې کښتۍ د ډوبیدو انځورونه خپاره کړي دي. په دې کښتۍ کې ۵۰۰ کسان سپاره وو. په روان کال کې شاوخوا ۱۳۷۰ انسانان اروپا ته د رسیدو په هڅه کې ډوب شوي دي.
انځور: Reuters/Marina Militareد ایټالیا د سمندري ځواکونو کښتۍ د چهارشنبې په ورځ د هغو کډوالو مرستې ته ورسیده چې د کب نیوونکو په یوې وړوکې کښتۍ کې په مدیترانه سمندر کې په حرکت کې وه. په روان کال کې له ۴۰ زرو څخه ډیر کډوال له مدیترانه سمندر څخه ایټالیا ته لیږدول شوي دي.
دغه زړه کښتۍ هغه وخت چپه شوه چې کډوال یې یوازې یوې خوا ته راټول شول. ځینې کډوالو ځانونه له کښتۍ ځانونه سمندر ته اچولي وو. ډیر کډوالو د ژغورنې واسکټونه هم په تن کې لرل.
د کښتې تر چپه کیدو وروسته په هغې کې سپرو کسانو په سمندر کې لامبو پیل کړه. د ایټالیا سمندري ځواکونو ویلي دي چې په دې پیښه کې لږ تر لږه پنځه کسانو خپل ژوند له لاسه ورکړی دی.
یوې بلې کښتۍ هم له کډوالو سره د مرستې په موخه سیمې ته یوه څرخي الوتکه استولې ده. هغوی کډوالو ته د ژغورنې واسکټونه ورسول.
د مهاجرت نړیوال سازمان ویلي دي چې په روان کال کې لږ تر لږه ۱۳۷۰ کسان اروپا ته د رسیدو پر لاره په اوبو کې ډوب شوي دي.
د ایټالیا سمندري ځواکونو اعلان کړی دی چې په ټوله کې ۵۶۲ تنه کډوال له دې ډوبیدونکې کښتۍ څخه ژغورل شوي دي. اروپايي چارواکي اندیښنه لري چې د هوا له ګرمیدو سره ښایي ډیری کسان د مدیترانې له لارې اروپا ته د رسیدو هڅه وکړي.
چارواکي وایي چې د کډوالو په مخ د بالکان هیوادونو د لارې تر تړل کیدو وروسته اوس ډیری پناه غوښتونکي د مدیترانې له لارې اروپا ته رسیدو هڅه کوي.
د چارواکو په خبره په روان کال کې له شمالي افریقا څخه د ایټاليا د ټاپوګانو پر لور د راتلونکو مهاجرو په شمیر کې۳۰ سلنه ډېرښت راغلی دی. همدارنګه سږکال تر اوسه پوري پر دې خطرناکه لار د مړوو شوو مهاجرو شمیر۶۰۰ ته رسیدلی دی.
د کډوالو له پاره نړیوال ادارې IOM په حواله د چهارشنبې په ورځ په مدیترانه څخه مړی موندل شوی نه دی، په داسې حال کې چې نږدې هره ورځ له دې سمندرگي د انسانانو جسدونه موندل کیږي.
تیرکال په مارچ میاشت کې له ترکیې سره د اروپایې اتحادیې تر موافقې وروسته، له ترکیې څخه د آژه سمندر له لاري د راتلونکو مهاجرو په شمیر کې د پام وړ کمښت راغلی دی. خو اوس له شمالي افریقا څخه د اروپایې اتحادیې هیوادونو پر لور د مدیترانې سمندر پر خطرناکه لار د راتلونکو پناغوښتونکو شمیر ډیر شوی دی.
تیرکال هم په زرونو انسانان پر دې خطرناکه لار مړه شول.
