د مراکش هیواد په صافي ښار کې په ناببره توګه د سیلابونو راتلو له کبله لږ تر لږه ۳۷ انسانانو خپل ژوند له لاسه ورکړی دی.
د چارواکو په حواله دا تر یوې لسیزې زیاتې مودې راهیسې په دغه هیواد کې تر ټولو وژونکې موسمي پيښه ده.
د دوشنبې په ورځ هم د لادرکه کسانو د لټون او ژغورنې عملیاتو ادامه درلودله.
په ټولنیزو رسنیو کې خپرو شوو ویډیوګانو کې لیدل کیږي چې له خاورو او چقړو سره ګډ سیلابي اوبه د صافي ښار په سړکونو کې موټر او د خځلو یا کثافاتو قطۍ له ځان سره روان کړي دي.
ننګرهار کې سیلابونو خلکو ته ځاني او مالي زیانونه اړولي دي
This browser does not support the video element.
صافي له پلازمېنې رباط څخه نږدې ۳۰۰ کیلومتره سویل ته واقع دی. که څه هم په مراکش کې شدید بارانونه او د سیلابونو راتل کومه نوې خبره نه ده، خو اوسمهال دغه هیواد د اوو پرله پسې کلونو راهیسې سختې وچکالۍ ځپلی دی.
په مراکش کې د هوا پيژندنې ملي ادارې د رپوټ پر اساس ۲۰۲۴میلادي کال د مراکش په تاریخ کې تر ټولو ګرم کال و، په کوم کې چې د اورښت اوسط له معمول څخه نږدې ۲۴، ۷ سلنه کم ثبت شوی دی.
په ۱۹۹۵م کال کې هم په مراکش کې په ناڅاپي ډول د سیلابونو راتلو په پایله کې لسګونو کسانو خپل ژوند له لاسه ورکړی و.
وروستیو سیلابونو یو ځل بیا د اقلیمي بدلونونو خطرناکو پایلو ته د خلکو پام را اړولی دی.
د نړۍ په بیلابیلو هیوادونو کې اقلیمي بدلون او سیلابونه
د ځمکې تودوخه او د اقلیم بدلون لامل شوي چې د نړۍ په یو شمیر هیوادونو کې پرله پسې بارانونه او شدید سیلابونه راشي. په افغانستان، پاکستان او ایران کې سیلابونو ډېر ځاني او مالي زیانونه اړولي دي.
انځور: Atif Aryan/AFP/Getty Images په وروستیو پېښو کې د افغانستان په مرکزي سیمو کې پرله پسې بارانونو له امله په غور ولایت کې ناڅاپه سېلابونه راوتلي او لږ تر لږه ۵۰ تنه یې وژلي دي.
افغانستان، په زرونو کورنه ويجار شوي
د طالبانو د سیمه ییزو چارواکو په وینا، په دغه سېلاب کې لږ تر لږه دوه زره کورونه ویجاړ شوي او څلور زره نور کورونه ویجاړ شوي دي. شاوخوا دوه زره دوکانونه هم زیانمن شوي دي. ګڼ کسان ټپیان او یو شمیر نادرکه دي. دغو سیلابونو څارویو ته هم زیان اړولی دی.
افغانستان، شمال کې ناڅاپه سېلابونه
تېره اوونۍ د سختو بارانونو له کبله د افغانستان په شمال کې هم ناڅاپه سېلابونو راووتل. دغو سيلابونو کلي ویجاړ کړل، ۳۱۵ کسان یې ووژل او تر ۱۶۰۰ ډېر یې ټپیان کړل.
د جرمني په زارلنډ ایالت کې د سختو بارانونو له امله سیلابونه راغلي چې د چارواکو په وینا په تېرو ۳۰ کلونو کې بې ساري وو.
آلمان، له سختو بارانونو خبرداری
چارواکو او د جرمني د هوا پېژندنې ادارې څو ورځې وړاندې د دې سخت باران په اړه خبرداری ورکړی و او له خلکو یې غوښتي وو چې چمتوالی ونیسي. د سیلابونو د مخنیوي لپاره ډیری تدابیر نیول شوي.
د آلمان د خبري آژانسونو د رپوټ له مخې د آلمان په گاونډي هیواد بلجیم کې هم سیلابونو د ترافیکو په گډون د عامه خدمتونو په برخه کې ګډوډي رامنځ ته کړې ده.
په هالنډ کې، هم سیلابونه لامل شوي چې د اور وژنې او ژغورنې ځواکونه چمتووالی ونیسي.دغه هیواد سمندر ته د نږدې کیدو له امله د سیلابونو له دوامداره خطر سره مخ دی.
برازیل، په زرونو انسانان بې کوره شوي
په برازیل کې د سختو بارانونو له امله زرګونه کسان بې کوره شوي، ۱۲۶ تنه مړه، ۷۵۶ تنه ټپیان او ۱۴۱ تنه لادرکه شوي دي.
برازیل، د ريوگرانډه دوسول ايالت
د ریو ګرانډه دو سول په ایالت کې سیلابونه لامل شوی چې ۱.۴ میلیونه خلک بیړنیو مرستو ته اړتیا پیدا کړي.
د ایران شمال ختیځ هم د سختو بارانونو او ناڅاپه سیلابونو له امله اغیزمن شوی دی. په مشهد کې چارواکو د سېلاب د راوتلو خبره کړې او ویلي یې دي چې وضعیت تر کنټرول لاندې دی. خو خلک شکايت کوي او وايي چې سېلاب ډېر زيانونه اړولي دي.
په تېرو دوو اوونيو کې پاکستان کې موسمي بارانونو او سېلابونو سخت زيانونه اړولي دي. د اپریل په میاشت کې چې په دغه هیواد کې په تیرو ۶۰ کلونو کې تر ټولو باراني میاشت وه، لږ تر لږه ۱۴۴ کسان ووژل شول
دغه راز ، د فرانسې په شمال ختیځ موسیل سیمه کې له سختو بارانونو وروسته د سیند د سطحې د لوړیدو له امله د سیلاب خبرداری ورکړل شوی دی. کارپوهان وايي چې د اقلیم بدلون به په ټوله نړۍ کې د سیلابونو شمیر او شدت زیات کړي.
