مېرمن تریسي د امریکا د مخکني ولسمشر جو بایدن، په دوره کې د مسکو له پاره د امریکا متحده ایالاتو د سفیرې په توګه وګمارل شوه. هغه مهال د بایدن ادارې له روسیې سره د اړیکو پر احتمالي تجدید نظر بحث درلود چې پر اوکراین د روسیې له پوځي یرغل سره وضعیت مخ پر خرابېدو شو. مسکو د ۲۰۲۲م کال په فبرورۍ کې پر اوکراین یرغل وکړ.
نور ولولئ: روسیې پر ایران د امریکا حمله غندلې وايي ترمپ د جګړې یو نوی پړاو پیل کړی
په مسکو کې د امریکا سفارت په یوه اعلامیه کې د تریسي له قوله ويلي: «ویاړم چې په داسې یوه کړکیچن وخت کې مې په مسکو کې د خپل هېواد استازيتوب وکړ. اوس چې زه له روسیې څخه وځم، پوهېږم چې همکاران مې د روسیې له خلکو سره د روابطو د بهبود او د اړیکو د حفظ له پاره خپلې هڅې جاری ساتي.»
سفارت ويلي دي چې د تریسي په عقیده هغې په مسکو کې خپل ماموریت د معنی داره خبرو اترو له پاره حتی په ډېرو کړکېچنو حالاتو کې ګټور ثابت کړی دی.
سفارت د روانې میاشتې په سر کې وویل تریسي چې د ۲۰۲۳م کال په جنوري کې مسکو ته ورسېده او په اعتراضونو کې د امریکا ضد شعارونو سره موافقه وه، د بهرنیو چارو وزارت ته ېې مراجعه کړې وه تر څو د دې له پاره خپل اعتبار لیک وروسپاري چې ډېر ژر خپله دنده پرېږدي.
نور ولولئ: ترمپ پر اوکراين باندې تر بریدونو وروسته پوتین «ليونی» بللی
سفارت د روانې میاشتې په سر کې وویل تریسي په اعتراضونو کې د امریکا ضد شعارونو سره موافقه وه او د امریکا خارجه وزارت ته ېې ویلي و چې دنده پریږديانځور: Alexander Nemenov/AFPد رويټرز خبري آژانس په حواله، د لین ام. تریسي ځای ناستی لا تر اوسه په عامه توګه معرفي شوی نه دی. تر هغې مخکې، جان جي. سالیون، په مسکو کې د امریکا سفیر و. سالیون د ۲۰۲۰م کال له فبروري د ۲۰۲۲م کال تر سپتمبر پورې د ۲ کلونو او ۷ میاشتو له پاره په مسکو کې د امریکا سفیر و.
د امریکا ولسمشر، دونالد ترمپ، ويلي دي چې احتمالاً د پانګونې ستر تړونونه د لاسلیک کولو له پاره موجود دي، خو هغه ويلي دا چې د سولې له پاره ېې ټولو هڅو تر اوسه نتيجه نه ده لرلې، ناهیلی شوی دی.
ترمپ د روان کال په جنوري کې سپینې ماڼۍ ته له تلو سره هڅې کوي تر څو د روسیې او اوکراین ترمنځ داسې یو اوربند رامنځ ته کړي چې په نتیجه کې ېې په اوکراین کې روانه جګړه پای ته ورسیږي.
نور ولولئ: روبيو: روسیه ښايي تر راتلونکې اوونۍ د اروبند شرایط وړاندې کړي
تریسي په مسکو کې د خپل ماموریت پر مهال په روسیه کې د امریکايي بندیانو د خلاصون له پاره هم د پام وړ هلې ځلې وکړې. په دغو بندیانو کې د نورو ترڅنګ ژورنالیست ایوان ګرشکویچ او د سمندري قواو پخوانی غړی پاول ويلان هم شامل ول. دوی د ۲۰۲۴م کال په اګست کې د شرق او غرب تر منځ د بندیانو د یوې تاریخي تبادلې په لړ کې آزاد شول.
مسکو کې پوځي پریټ؛ پوتین وايي په اوکراین کې بریا د مسکو ده
د مسکو په سره ميدان کې پر نازي آلمان باندې د بريا د ۸۰يمې کلیزې په مناسبت رسم ګذشت ترسره شوه. پوتين، په دې ترڅ کې په اوکراين کې د مسکو د بريا خبره وکړه. د دغه پوځي پريټ نور جزيات د انځورونو په دې ګالري کې کتلی شئ:
انځور: van Sekretarev/Host agency RIA Novosti/Handout/REUTERSد دويمې نړيوالې جګړې يادون او سياسي او اديالوژيکي اهداف
د می نهه نیټه چې هر کال د روسي کورنيو له لوري د «بريا د ورځې» په توګه د شخصي یادونو سره لمانځل کيږي، خو حکومت تل هڅه کوي چې دا ورځ د خپلو سياسي موخو له پاره وکاروي. دا څرګندونې په خټه روسی کارپوه اليکس يوسپوف، وکړي. د روسیې ولسمشر ولاديمير پوتين، د جمعې په ورځ د می ۹مه د مسکو په سره مېدان کې د پوځي پریټ پر مهال پر اوکراين د بريا خبره وکړه.
د يو شمیر کارپوهانو په آند پوتين، هڅه کوي چې دا پريټ تر ډېره بريده «نړيوال ښکاره» کړي او نړيوال مشران به هم دلته د دغه بريا د لمانځلو په موخه راځي. خو پوتين هڅه کوي د هغوی له حضوره څخه د يوه ابراز په توګه ګټه پورته کړي. په دې انځور کې له پوتین سره له پوځي پريټ څخه د کتنې پر مهال د هغه نژدې متحدینو له هغې جملې څخه ېې چینايي سیال شی جین پینګ، هم حضور درلود
په انځور کې د رهبرانو په ډله کې د چین ولسمشر شي جین پينګ، د تاجیکستان ولسمشر امامعلی رحمانوف، او د سلواکیا صدراعظم رابرت فیتسو، هم لیدل کیږي.
پوتین له خپلو کلیدي متحدینو سره په دوهمه نړېواله جګړه کې د نازي آلمان پر ضد د پخواني شوروي اتحاد د بریا ۸۰مه کلیزه لمانځي. له کيڼ څخه ښي پر لور: د روسیې ولسمشر ولادیمیر پوتین، د چین ولسمشر شي جین پینګ، د قزاقستان ولسمشر صدر جباروف، د قزاقستان ولسمشر قاسم جومارت توقایف، د بلاروس ولسمشر، الکساندر لوکاشینکو او د ارمنستان صدراعظم نیکول پاشینیان.
مخکې له دې چې په پریټ کې زغروال وسایط او ټانکونه وښودل شي، روسي عسکر ځانګړي پوځي مراسم ادا کوي
په دغه انځور کې د روسي فوینیکس زغروال جنګي موټر او د لنزا په نوم زغروال امبولانس لیدل کیږي چې د مسکو په سره مېدان کې د پوځي پریټ پر مهال تېریږي.
رپوټونه وايي د مسکو په پوځي پريټ کې هغه ماډل ډرونونه او ټانګونه وښودل شول چې په اوکراین جګړه کې کارول شوي دي.
د مسکو سور میدان، پياده ځواکونه
په مسکو کې د ۲۰۲۵م کال د می میاشتې په ۹مه د نازي آلمان پر وړاندې د پخواني شوروي اتحاد د بریا په مناسب پوځي پریټ. په دغه انځور کې د مختلفو پوځي واحدونو ځواکونه لیدل کيږي.
په دغه انځور کې د روسي عسکر د می نهمې پوځي پریټ پر مهال د لوژ له مخې د تېرېدو په حال کې لیدل کيږي
روسیه معمولا خپل د پوځي پريټ مراسم د مسکو په سره میدان کې ترسره کوي. روسیه په دا ډول سترو پوځي مراسمو کې خپل پوځي قوت هم نندارې ته وړاندې کوي.
روسیه په پوځي پریټ کې خپل ډول ډول توغندي هم ښيي. د آرشیف په دغه انځور کې د روسي اس-۴۰۰ ترویمف ډوله له ځمکې څخه هوا ته ويشتونکي توغندي ښودل کيږي
د بلاروس ولسمشر، الکساندر لوکاشینکو
د بلاروس ولسمشر، الکساندر لوکاشینکو چې د پوتین له نژدې متحدینو څخه دی، د می په ۹مه له پوتین سره د روغبړ پر مهال
د مصر ولسمشر، عبدالفتاح السیسي
دوهمه نړېواله جګړه کې د نازي آلمان پر وړاندې د پخواني شوروي اتحاد د بریا ۸۰مې کلیزه؛ د مصر ولسمشر، عبدالفتاح السیسي هم په دغه مناسبت د می میاشتې په ۹مه په مسکو کې له پوتین سره وليدل.
د سربیا ولسمشر الکساندر ووچیچ
د سربیا ولسمشر، الکساندر ووچیچ هم مسکو ته ورغلی. هغه په سره مېدان کې د پوځي پریټ له پېلیدو مخکې د مراسمو ځای ته وروان دی.
د ونیزویلا ولسمشر، نیکولاس مادورو
د ونیزویلا ولسمشر، نیکولاس مادورو، هم د می په ۹مه په مسکو کې د روسې پوځي پريټ په مراسمو کې حضور درلود.
