مصریانو د يکشنبې په ورځ (د دسمبر۱۰مه) د رای ورکونې مرکزونو ته په تلو د خپل راتلونکي ولسمشر له پاره رای اچونه پيل کړه. ولسمشر السیسي او نورو نوماندانو هم خپلې رایه وکارولې. دغه انتخابات به درې ورځې ادامه ولري.
د مصر د انتخاباتو کمیسیون غرمه مهال وويل چې د رای اچونې بهیر په ښه توګه ادامه لري - دغه انتخابات به درې ورځې یعنې تر سه شنبې د دسمبر تر ۱۲مه ادامه ولريانځور: Amr Nabil/AP/picture alliance
اعلان
د مصر انتخابات په داسې وخت کې پیل شوي چې په ګاونډ غزه کې د اسرائيل او حماس تر منځ جګړه روانه ده او مصر له سخت کورني اقتصادي بحران سره مخ دی.
د یکشنبې په ورځ په پلازمينه کې د رای اچونې ګڼ مرکزونه د مصر پر رنګين بیرغ تزئين شوي ول په داسې حال کې چې له مرکزونو بهر میهني موزیک اورېدل کېده.
دغه انتخابات به د درو ورځو له پاره یعنې تر سه شنبې پورې ادامه ولري. تر ډېره بريده تمه کيږي چې موجوده ولسمشر، عبدالفتاح السيسي به د دغو انتخاباتو ګټونکی شي. السيسي له ۲۰۱۴م کال راهيسې واک چلوي او د اوسنيو انتخاباتو د ګټلو په صورت کې به د دريم ځل له پاره د مصر ولسمشر شي.
د مصر ولسمشريزو انتخاباتو ته د موجوده ولسمشر، عبدالفتاح السیسي تر څنګ درې نور نوماندان هم ولاړ ديانځور: Amr Nabil/AP Photo/picture alliance
د السیسي تر څنګ درې نور نوماندان هم د مصر د ولسمشرۍ څوکۍ د تصاحب له پاره مبارزه کوي. دغه درې نوماندان دي د سوسيال دموکرات ګوند کيڼ اړخی سیاستوال فرید زهران، د وفد ليبرال ګوند مشر عبدالسند یمامه او د جمهوري غوښتونکي خلق ګوند موسس حازم عمر دي.
عمر د نوې قاهرې په سیمه کې تر رای ورکونې وروسته وويل: «زه له خلکو غواړم چې ګډون وکړي.» هغه رای ورکونکو ته په اشارې زياته کړه: «زه خوښ یم، کوم څه چې د رای اچونې له مرکزونو بهر وينم.»
السيسي په مصر کې د لوړ پولي انفلاسيون باوجود، يو ځل بیا یو څه ښکاره ملاتړ ترلاسه کړی. هغه د حماس او اسرائيل جګړې له کبله په ګاونډیو هېوادونو کې له غزې څخه د بېځایه شوو د ځای پر ځای کېدو څخه اندېښنه ښوولې چې اکثریت مصریان هم د هغه له دغو خبرداريو سره همغږي لري.
د مصر موجوده ولسمشر، عبدالفتاح السیسي د رای اچونې پر مهالانځور: Egyptian Presidency Media Office via AP/picture alliance
هغه وايي دا ډول هر مهاجرتد فلسطينیانو ارمان ضعیفولی شي. السيسي همدارنګه داسرائيلاو حماس تر منځ د اکتوبر په ۷مه له پيل شوې جګړې راهیسې خبرداری ورکوي چې د فلسطينيانو بې ځايه کېدلو له امله کېدای شي د مصري سینا نيمه ټاپو په سیمه کې کړکېچ رامنځ ته شي.
د حکومت ملاتړ کونکې رسنيو ښودل چې د مصر په مختلفو سیمو کې خلک د رای اچونې مرکزونو مخې ته ولاړ دي. دوی په خپلو لاسونو کې د عربي نړۍ د دغه مشهور هېواد بیرغونه لیږدول او ښورول.
. کميسیون که څه هم د ګډونوالو مشخص شمېر ونه ښود، خو ويې ويل چې له سهار وختي راهيسې ګڼ شمېر رای اچونکي د رای اچونې مرکزونو ته راغلي ول.
(dpa)mks/mns
له آرشیف څخه:
د مصر تر ټولو ښکلي سیل ځایونه چې په لېدلو ارزي
آیا تاسو تر اوسه مصر ته سفر کړی؟ سل کاله مخکې هوارد کارتر د مصر د پاچا، توت عنخ آمون، قبر کشف کړ. د دغې سلیزې په ارتباط په دغه انځوريز رپوټ کې د مصر څو تر ټولو مشهور ځايونه درپېژنو چې په ورتلو او لېدلو ارزي.
انځور: Givaga/Zoonar/picture alliance
د پاچا، توت انخ آمون، قبر
بريتانوي ارکيالوجیست يا لرغون پيژندونکي، هاوارد کارتر، د ۱۹۲۲م کال د نومبر په ۴مه د مصر د پاچا توت انخ آمون د قبر ځای کشف کړ. دا یو ستر کشف وو. دغه قبر د نورو موندل شوو قبرونو په پرتله تر ډيره لاس نا خوړلی پاتې وو او لوټ شوی نه وو چې په کې د پاچا د موميايي ترڅنګ ډير نور باارزښته آثار موجود ول.
که تاسو مصر ته سفر کوئ اما تر ټولو ستر هرم یا پېرامېډ او د ابوالهول له مجسمې څخه ېې کتنه نه کوئ، نو سفر مو بشپړ نه دی. دا د نړۍ د ۷ عجايبو له ډلې ېو دی. دغه ساختمان له ميلاده مخکې د ۲۶۲۰ او ۲۵۰۰ کلونو ترمنځ د ۱۰ زره کارګرو له خوا جوړ شوی دی. د ابوالهول مشهوره او لويه مجسمه، د دغه لرغوني کمپلیکس په دخولي ور کې موقعیت لري.
انځور: AlexAnton/Zoonar/picture alliance
د سینا غر
د سينا غر د نړۍ د ۷ تر ټولو مهمو زيارتي ځايونو له ډلې يو دی او په مختلفو ادیانو کې مقدس ګڼل کيږي. د بایبل په حواله، دا هغه ځای دی چې خدای له ابراهيم سره غږېده او موسی ته ېې لس فرمانونه وسپارل. د سينا غر د ۲۲۸۵ متر لوړ دی چې ختل ورته سخت اما د منظرو ننداره ېې په زحمت ګاللو ارزي.
د جوزر هرم (Step Pyramid of Djoser) په مصر کې تر ټولو قديمي له تېږې جوړ پېرامېډ دی او همدارنګه يوازينی پېرامېډ دی چې مربعي بنسټ نه لري. دغه هرم له ميلاده مخکې په ۲۷مه پېړۍ کې په مصر کې د اهرامو جوړولو په لومړنۍ مرحله کې جوړ شوی دی. له ۱۹۷۹ راهیسې د يونيسکو سازمان د نړۍ په لرغونو ميراثونو کې ثبت دی. د جوزر هرم د سقارې لرغونې هدېرې په زړه کې موقعیت لري.
انځور: XYZ PICTURES/ imageBROKER/picture alliance
د ابوسمبل معبد
دغه لرغونی معبد له میلاده مخکې په ۱۳مه پيړۍ کې د دوهم رامسس له خوا جوړ شوی دی. دا هم د يونسکو سازمان د لرغونو میراثونو له ویاړ څخه برخمن دی. دغه ځای د ځمکې او آسمان ترمنځ د ېوې اړېکې په توګه ډیزاین شوې دی. که تاسو غواړې له دغه لرغوني معبد څخه لېدنه وکړئ نو د کشتۍ په ذریعه به ورځئ او بیا د ناصر سېند له ساحل څخه معبد ته ورځئ.