د «رویټرز» خبري آژانس د رپوټ له مخې عراقي ځواکونو له داعش څخه د دجله پر سیند دوهم پل بیرته نیولی دی.

په وروستیو ورځو کې د عراق پوځ په موصل کې له داعش څخه يوه بله ځنډه هم نیولې ده.

د ۲۰۱۷م کال په لومړیو ورځو کې عراقي ځواکونه په دې وتوانیدل چې د موصل ښار ختیځه برخه له داعش څخه بیرته ونیسي.

له داعش څخه د موصل ښار د لویدیځي څنډې د بیرته نیولو د پرمختگ په برخه کې په دغه سیمه کې کوڅه په کوڅه سخته جگړه ادامه لري.

د موصل ښار په لویدیځه برخه کې د ختیځې برخې په پرتله ډیر خلک اوسیږي.

موصل په عراق د «اسلامي دولت» (داعش) وروستی مهم سنگر گڼل کیږي.

داعش د ۲۰۱۴م کال په جون میاشت کې موصل ښار ونیو.

دا هماغه ښار دی چې د داعش مشر ابوبکر البغدادي، پکښې پر خپل سر د خلافت اعلان وکړ.

په وروستیو نښتو کې په زرونو ملکي کسان دې ته اړ شوي دي چې خپل کورونه پریږدي.

د موصل هوایي ډگر او یوه پوځي اډه هغه ځایونه دي چې عراقي ځواکونو له ترهگري ډلي داعش څخه نیولي دي.

د موصل ښار د لویدیځې څنډې د آزادولو له پاره جگړه.

څو موده کيږي چې له "اسلامي دولت" څخه د موصل بیرته نیولو عمليات پيل شوي او لا هم دوام لري.

د امريکا او عراقي دولت د وينا له مخې د موصل د بیرته نيولو عمليات، داعش د ښار او نږدي سیمو له اوسیدونکو څخه د "دانسانی ډال" په توګه کار اخلي.

د شنبي په ورځ د سی ان ان خبري شبکي د امريکي د معلوماتي سرويس په استناد رپوټ ورکړې چې "اسلامي دولت" جنګيالیو (داعش) ۲۸۴سړي او تنکي ځوانان د موصل په نږدي پرتو کلیو کي وژلي دي.

د اسلامي دولت ترهګره ډله،چې لا هم د موصل ښار کنترول په خپل لاس کې لري،له وژل شویو کسانو څخه يې ډير کله د "انسانی ډال" په توګه کار اخيستې وي.

د ملګرو ملتونو د بشري حقونو عالي کميسار زید رعد الحسین،چې"اسلامي دولت " له خلکو څخه د انسانی ډال په توګه کار اخلي، د جمعي په ورځ يې خپله اندېښنه يې څرګنده کړې وه.

د الحسین، اپه وینا دغه ترهګري ډلې موصل ته نږدي کليو څخه ۵۵۰ کورنۍ دغه ښار ته ليږدولي دی،تر څو په خپلو هډو د هواي بريدونو مخه ونيسی.

د ملګرو ملتونو د رپوټ له مخې تر اوسه پورې ۳۹۰۰ کسان له دې ښار څخه په تېښته توانيدلي دي.

موصل چې په عراق کي د داعش تر ټولو وروستۍ ستره هډه ګڼل کيږي د ۲۰۱۴ کال جون په مياشت کې د "اسلامي دولت " له خوا ونيول شو.

د "موصل" د عملیاتو رهبري د عراق د پوځ پر غاړه ده. دغه عمليات د پوځ په ګډون، کردانو پيش مرګه مليشو،د سني داوطلب ځواکونو،شيعه او مسیحيانو،دغه راز د ائتلافي ځواکونو په ملاتړ او د امريکي په لار ښوونه تر سره کيږي.

دغه راز "اسلامي دولت " دفاعی سنګرونه د موصل په خوا او شا کې له منځه او يو شمير کلي آزاد شوی دي.

د موصل د آزاديدلو عملیات د دوشنبی شپي په نيماي کي پيل شول،عراقي پوځ له سويل څخه او پيشمرګي ځواکونو له شمال او ختيځ ، چې تر ټولو نه مهم د "اسلامي دولت" په کنترول کې ښار موصل د آزاديدلو له پاره پيل شول.

کردي پیشمرگه ملیشو هم په لومړنيو ساعتونو کې بريدونه پیل کړل،چې اوه کلې يې د موصل په ختيځ کې د داعش له کنترول څخه آزاد کړي دي.

د رپوټونو له مخې د موصل د آزادیدلو عملیات د ۲۰۰۳ کال پر عراق باندي د امريکا تر يرغل وروسته تر ټولو ستر نظامی عمليات دي.

له ۴ زره پش مرګه مليشو او نږدي ۳۰ زره د عراقي پوځ ځواکونه په دي عملياتو کي ګډون لري.

په موصل کې د اعش عملياتي ځواکونو شمير د ۳ نه تر ۵ زره پوري اټکل شوې. دغه ډلې د ښار په شا او خوا سیمو کې سمڅي ويستلی، په خاصه توګه په ځينو کې لکه د موصل په ختيځ کې مينونه خښ کړي دي.

په موصل کې د يو ميلون او ۲۰۰ زره تر منځ انسانان ژوند کوي او نړيوال مرستندیونه سازمانونو وړاندوینه کړي چې د دغه ښار د آزادیلو عمليات به په زرګونو کسان اواره او بي کوره کړي.

د ملګرو ملتونو د پناه غوښتني عالي کميسارۍ وايې؛ د داعش پر ضد جګړه کيدای شي د يو ميلون انسانانو د بې کوره کيدلو سبب شي،چې ۷۰۰ کسان به يې بشري مرستو ته اړتيا ولري.

د موصل د آزادیدلو عمليات امکان لري چې په اونیو دوام وکړي ، له لومړينو بريالیتونو سره سره د دواړو خواو څخه ژورې ارزوني شتون نه لري..