په ننګرهار ولایت کې د دولتي ځواکونو او اسلامي دولت غړو تر منځ جګړې په لسهاو تنه وژلي دي. که څه هم افغان حکومت د دغې ډلې پر ضد د پراخو لاس ته راوړنو خبره کړې وه خو وروستۍ جګړه په ننګرهار کې د داعش حضور ښيي.
انځور: picture-alliance/dpa/G. Habibi
اعلان
په وروستیو میاشتو کې د داعش ډیری جنګیالي د امریکا متحده ایالاتو د هوایي بریدونو له ویرې د افغانستان او پاکستان تر منځ پرتو غرونو ته په تیښه اړ شوي وو.
وروستي بریدونه ښيي چې داعش اوس هم افغان حکومت په سیمه کې میشتو ملکي وګړو ته ګواښ رامنځ ته کوي.
د ننګرهار والي سلیم خان کندزي، په یوې بیانیه کې ویلي دي چې لږ تر لږه ۱۲ امنیتي ځواکونه وژل شوي او ۱۸ تنه نور ټپیان دي.
سیمه ییزو چارواکو ادعا کړې ده چې په تیرو درو ورځو کې د اسلامي دولت له ۱۰۰ څخه ډیر یاغیان وژل شوي دي. خو د وژل شویو یاغیانو دقیق شمیر روښانه نه دی ځکه دغه شمیر د خپلواکو سرچینو له خوا نه ده تایید شوې.
کندزي ویلي دي: «په دې کې شک نه شته چې داعش د هیچا درناوی هم نه کوي.» هغه زیاته کړې ده: «هغوی انسانان وژني او په په دې فکر نه کوي چې دا ماشومان دی، او که ښځې. هغوی مدرسې، ښوونځي او مسجدونه سوځوي.»
د ننګرهار چارواکو ویلي دي چې په کوټ ولسوالۍ کې لږ تر لږه ۲۵ کورونه سوځول شوي او پنځه کسان هم برمته شوي دي.
د ننګرهار د پولیسو قوماندان زورور زاهد، ویلي دي چې اوس په سلهاو امنیتي چارواکي په سیمه کې ښکیل دي او اضافی سرتیري هم د رسیدو په حال کې دي.
له بلې خوا په کابل کې د دافغانستان د مدني ټولنې د بنسټ مشر صدیق انصاري، سیمه ییز چارواکي د داعش پر وړاندې په نه اقدام کولو تورن کړل او د هغوی د ګوښه کیدو غوښتنه یې وکړه.
هغه خبریالانو ته وویل: «هغوی [سیمه ییز چارواکي] باید په ننګرهار کې د هر قطرې تویې شوې وینې ځواب ووایي ترڅو دا د نورو له پاره یو درس شي.»
په افغانستان کې د اسلامي دولت ډلې د عراق او سوریې په څیر پرمختګ نه دی کړی، خو بیا هم د دغې ډلې جنګیالي وخت نا وخت په ننګرهار او یو شمیر نورو ولایتونو کې ستونزې رامنځ ته کوي.
د داعش پر ضد د ښځو جګړه
د ۲۰۱۴م کال په دوبي کې افراطي ډلي داعش د عراق په شمال لوېديځ ايزيدانو پر سیمو یرغل وکړ. هغه مهال په زرونو ښځي وتښتول شوې، مریاني شوې او جنسي تیري پرې وشول. اوس دوی د دغي ډلې پر ضد وسلې پورته کړې.
انځور: Reuters/A. Jadallah
د دښمن څارل
دښمن همدلته باید وي. کردې جنګیالۍ حسیبه نوزاد د یوه دوربین له لاري موصل ښار ته نژدې پر هغه سرحد نظر اچوي چې دغه کردي سیمه د داعش تر کنترول لاندي سیمو څخه جلا کوي. کردي جنګیالي د عراق پوځ سره یوځای د پرمختګ په حال کې دي.
انځور: Reuters/A. Jadallah
د مقاومت په لومړۍ لیکه کې
دښمن لیدل شوی اوس باید پرې ډزونه وشي. حیسبه نوزاد د خپلې ایزیدۍ همکاري عاصمه داهر او نورو همکارانو سره د داعش ډلي ترهګر په نخښه کوي. دښمن ته یوازې د هوا له لاري ماته نه شي ورکول کیدای. له دې کبله کردۍ او ایزیدۍ ښځې هم د ځمکني مقاومت په لومړۍ لیکه کې شاملې دي.
انځور: Reuters/A. Jadallah
په ښه توګه لیدل باید وکولای شي
په دقیقه توګه د په نخښه کولو له پاره په ښه توګه لیدل اړین دي. له همدې امله ویښتان هم باید ښه ټول شي. حسیبه هم خپل ویښتان چوټي کوي. دغه «پوځي مود» چې د لویدیځ مجلې ورته کله کله د خوند له پاره په خپلو ګڼو کې ځای ورکوي په عراق او سوریه کې یو دردونکي حقیقت منعکسوي.
انځور: Reuters/A. Jadallah
وفادار ملګری
عاصمه داهر، په جګړه کې د دمې پر وخت. له هغې سره یو سور خیرسک ورسره دی. دا ښايي د هغې له پاره د ۲۰۱۴م کال تر یرغل د مخه د سوله ایز وخت یو سمبول وي چې د داعش ډلې د برید وروسته پای ته ورسید. دا د ډیرو ایزیدۍ میرمنو له پاره د کړاونو او خپلو کورنیو او د هغه څه له لاسه ورکولو د وخت پیل وو چې پر دوی ګران وو.
داعش د هر هغه چا ضد ده چې ایډیالوژي یې نه مني. دغه ډله د تقسیم په اصل عمل کوي او هڅه کوي بیلا بیل مذهبونه او نژادي لږکۍ یو د بل پر ضد وپاروي. خو دوی تل نه کامیابیږي. کردي او ایزیدي ښځي ژورې ملګرتیاوې لري او دغه ډله یې په دې توګه په سمبولیک ډول ماته کړې ده.
انځور: Reuters/A. Jadallah
د آزادۍ جاده
داعش لا له پوځي اړخه ماته نه ده خوړلې. د عراق او سوریې ډیري سیمې یې اوس هم په ولکه کې دي. کرداني او ایزیدانې به هم خپلې جګړې ته دوام ورکوي. خو دوی ترهګرو ته یو سبق هم ور زده کړی هغه دا چې ښځي په هیڅ صورت هم مریاني نه دي.