د لشکرګاه د ترافیکو د ادارې مشر حاجي میرزا ګل، وویل: «موږ د ښار په اصلي څلور لاري کې څلور ترافیکي څراغونه نصب کړي دي.»
دغه افغان چارواکي زیاته کړې ده: «دوه څراغونه ۱۲ ورځې مخکې او دوه نور بیا څلور ورځې مخکې نصب شوي دي.»
د ګل په خبره د څراغونو له نصبیدو سره د ترافیکي پیښو کچه رالویدلې ده: «موږ په یوې میاشت کې د ۳۰ او ۴۰ تر منځ ترافیکي پیښې لرلې.»
خو یوازې د ترافیکي څراغونو نصبول ستونزه نه شي حلولی. پولیس باید موټر چلوونکو ته د دغو څراغونو معني هم زده کړي: «موږ پر تلویزیون او راډیو د عامه پوهاوي پروګرامونه لرو چې خلکو ته ترافیکي قوانین او د څراغونه معنی زده کړو.»
په لشکرګاه ښار کې شاوخوا ۱۰۰ زره کسان ژوند کوي خو په ښار کې د موجود موټرو شمیر څه نا څه ۵۰ زرو ته رسیږي. پولیسو په ټول هلمند ولایت کې یوازې ۱۰ زره د موټر چلولو جوازونه ویشلي دي. دا نو په دې معنی ده چې شوخوا ۴۰ زره نور کسان پرته له جوازونو موټر چلوي.
په ورکړل شویو جوازونو کې هغه هم شامل دي چې یوازې د پیسو په مقابل کې د موټر چلوونکو له خوا ترلاسه شوي دي. هلمند د افغانستان یو له ناامنو ولایتونو څخه شمیرل کیږي چې یو شمیر ولسوالۍ یې د طالبانو تر کنترول لاندې دي.
د لاس وگاس په «الکترونيک» نندارتون کي د آلمان د مرسدس بنز موټرو کمپنۍ داسي يو موټر نندارې ته وړاندي کړ، چي تر اوسه پوري ټول بازار ته راوتلي لوکس موټران ئې له نندارچيانو څخه هيرکړل. «F015» بنز په انځورونو کي وگورئ:
انځور: Reuters/S. Marcusد سه شنبې په ورځ د امريکا په لاس وگاس کي د الکترونيک په نوم مشهور نندارتون کي، آلماني موټر جوړونکي کمپنۍ «مرسدس بنز» «هوښيار» موټر نندارې ته وړاندي کړ.
په دغه نندارتون کي په آلماني موټرانو سربيره جاپاني او امریکايي موټران هم نندارې ته وړاندي سوي دي.
دغه نندارتون ته د آلمان «اوډي» شرکت هم د «A7» په نوم داسي موټر نندارته وړاندي کړی دئ، چي ۹۰۰ کيلومتره واټن ئې بې له دې چي چلونکی ئې دخالت وکړي، پخپله وهلی دئ، يعني دوی هم «هوښار» موټر نندارې ته وړاندي کړی دئ.
خو مرسدس بنز د «F015» ماډل په وړاندي کولو سره د ټولو نندارچيانو پاملرنه ځان ته جلب کړه. له دغه نندارتون څخه خبر ورکوونکو رسنيو دغه موټر د «څلور ټايره هوښيار تليفون» په نوم ياد کړی دئ. د دغه موټر سيستم داسي جوړ سوی دئ، چي ټول کارونه پخپله کوي او د چلوونکي داخلت ته اړتيا نه لري.
د دغه موټر دروازې د موټر له منځه ۹۰ درجې د دباندي خوا ته پرانيستل کيږي. د دغه موټر دننه محافظتي ديوال چي د ټکر پر مهال د انسان د ژغورولو له پاره ورکول کيږي، په هوښيار توگه په دروازو کي جاسازي سوی دئ.
دغه موټر دننه ډېر لوکس دئ. د ننه ئې داسي جوړ سوی دئ لکه په تخيلي فيلمونو کي چي فضايي سپوږمکۍ جوړي سوي وي.
د موټر چلونکی وروسته له هغه چي د موټر سيستم اتومات برابر کړي د سفر پرمهال کولای سي خپله چوکی د شا وخوا ته وگرځوي او له نورو مسافرو سره بانډار وکړي. موټر نور خپل کار په خپله کوي او هدف ته ځان رسوي.
جالبه دا ده چي د دغه موټر د دروازو له پرانيستلو سره د موټر چوکۍ هم ۳۰ درجې د دباندي وخواته گرځي، چي سپارلي آرام له موټره کښته سي.
په دغه موټر کي څلور داسي صفحې جوړي سوي دي، چي کولای سي موټر ته په لمس يا د سترگو په اشارې سره فرمان ورکړي.
د دغه موټر د پيژندلو پر مهال د مرسدس بنز شرکت رئيس ديتر تسچه، وويل: «په راتلونکې کي به موټر د حمل و نقل يوه وسيله نه، بلکي د سپارليانو له پاره به په يوه راحت ځای تبديل سي.»
کله چي د رفتار پرمهال د دغه موټر مخ ته کوم پلی سړی يا حيوان تيريږي اوتومات ئې د مخ لوی څراغان لگيږي او پلي ته دا احساس ورکوي چي هغه ئې وليد.
په دغه بنز کي هرگړی د موټر چلونکي- موټر او دباندي سره اړيکي جاري وي.
د دغه موټر باډۍ لکه يوه ټوټه جوړه سوې ده. موټر ۵ متره او ۲۲ سانتمتره اوږد او ۲ متره و ۱۸ ميليمتر بر لري. د موټر دننه لوړوالی ۱ متر ۵۲ سانتيمتر او ۴ ميليمتره دئ.
په دغه موټر کي داسي مواد کار سوي دي، چي د ده د اړتيا وړ بريښنا پخپله توليدوي.
دغه موټر په ساعت کي ۲۰۰ کيلومتره واټن وهلای سي.
په راتلوکې کي به په نړۍ کي دغه شان موټر بازار ته راووځي چي ډېره هوسايي به ولري.
