د هلمند ولايت د پوليسو مرستيال قوماندان وويل چې د ناټو ايساف ځواکونو په نوموړو پوليسو باندې ډزې کړې وې، خو ايساف دغه خبره نه ده منلې. شپږ تنه نور پوليس چې په يو بل موټر کې سپاره وو په گرشک ولسوالۍ کې لادرکه دي. د ايساف يوه وياند، تام کولينس وويل چې يوه پلټنه يې پيل کړې ده خو «ټول شواهد دا ښيي چې په دغه ناوړه پېښه کې» دوی ښکېل نه ول. د امريکا د متحده آيالاتو تر مشرۍ لاندې ائتلاف چې د ايساف تر څنگ په سيمه کې شتون لري هم ټول مسووليت رد کړی دی.