پرون شنبه ( دجنورۍ میاشتي ۱۱ مه) لومړی د دغه ایالت په بندري ښار کوشي کي د H20 Holy Faith په نامه یو ۱۹ منزله تعمیر او څو دقیقې وروسته د الفا سرینا جوړه برجونو درولودونکې ودانۍ ته انفجار ورکول سو.
داسي یو کار په هندوستان کي ډیر لږ واقع کیږي، چي د ساختماني مقرراتو خلاف تعمیرونه دي مجازات سي. خو په دغه قضیه کي د هندوستان ستري محکمې پروسږکال حکم صادر کړی ؤ، چي دغه تعمیرونه د ساحلې ساحې د ایکالوژیکي مقرراتو د ساتني پرخلاف جوړ سوي دي او د اقلیم له پاره ډیر لوی تاوان پيښوي.
دغي شخړي څو کلونه دوام وکړ. د دغو تعمیرونو اوسیدونکو ادعا کوله، چي خپلي ټولي سپمول سوي پیسې یې د اپارتمانو په رانیولو کي مصرف کړي دي. کله چي هغوی د دې سره مخالفت وکړ چي اپارتمانونه تخلیه او بل ځای ته ولاړ سي، نو چارواکو ورباندي برق او اوبه بندي کړې. مالکینو ته د جبران خسارې ورکولو شخړه به نوهم اوس څو کلونه دوام وکړي.
په کیراله کي د ۲۰۱۸ م کال سیلابونه انځور: Reuters/S. V. د کیراله ساحلي منطقې د ډیرو حساسو ایکالوژیکي سیسټمونو درلودونکي دي. سربیره پردې هلته اکثرأ د سختو څپو سره مل سیلابونه راځي. په ۲۰۱۸ م کال کي په کیراله کي د سختو سیلابونو له کبله تر ۴۰۰ اضافه کسان له منځه ولاړل.
د کومو هیوادونو خزانې له سرو زرو ډکې دي؟
په تیرو لسو کلونو کې د هغو هیوادونو په نوملړ کې چې مرکزي بانکونه یې تر ټولو ډیر د سرو زرو ځیرمې لري، د بام وړ توپیر نه دی راغلي. دلته هغه لس هیوادونه وپیژنۍ چې مرکزي بانکونه یې له سرو زرو ډک دي.
انځور: picture-alliance/ZUMAPRESS.com/Miami Heraldهندیان له سرو زرو سره ډیره لیوالتیا لري. د سرو زرو د نړیوالې شورا په حواله هندوستان ۵۶۰،۳ ټنه د سرو زرو ذخایر لري.
اروپایي هیواد هالند د سرو زرو ۶۲۱،۵ ټنه ځیرمې لري.
له اقتصادي پلوه د نړۍ دریم پیاوړی هیواد جاپان، د سرو زرو ۷۶۵،۲ ټنه ذخایر لري.
د اروپایي هیواد سویدزرلند خزانه هم له سرو زرو ډکه ده. دا هیواد ۱۰۴۰ ټنه سره زر لري.
په نړۍ کې د تر ټولو ډیر سره زر درلودونکو هیوادونو په کتار کې چين په شپږم مقام کې ځای لري. دغه هیواد ۱۸۴۲،۶ ټنه سره زر لري.
د روسیي دولتي بانک په تیرو شپږو کلونو کې د سرو زرو تر ټولو لوی پيرونکی وو. دغه بانک ۱۹۰۹،۸ ټنه د سرو زرو ذخیره لري.
فرانسه د سرو زرو ۲۴۳۶ ټنه ذخیره لري.
له ایټالیا سره د سرو زرو ۲۴۵۱،۸ ټنه ذخیره موجوده ده.
په اروپایي هیوادونو کې آلمان تر ټولو ډیر سره زر لري. دا هیواد ۳۳۷۱ ټنه سره زر لري.
د تر ټولو ډیر سره زر درلودونکو هیوادونو په نوملړ کې امریکا لومړی مقام لري. د امریکا له مرکزي بانک سره ۸۱۳۳،۵ ټنه سره زر موجود دي.
