د کارپوهانو په حواله په هند کې د محبت په پایله کې د ناموسي وژنو لوی لامل په دغه محافظه پاله ټولنه کې د آزادۍ کموالی دی. د دوی په خبره که څه هم په تیرو دوو لسیزو کې د ټولنیز او اقتصادي پرمختګ له کبله په ځينو مسائلو کې نرموالی رامنځته شوی دی، د بیلګې په توګه نجوني کولی شي له کوره بهر ووځي، زده کړې وکړي، کار وکړي او داسې نور، خو اوس هم په ډیري مواردو کې په دې ټولنه کې هر څوک(هلک او نجلۍ) د مينې کولو آزادي نه لري.
پر اړونده موضوع زموږ له آرشیف څخه انځوریز رپوټ:
پر حقيقي قتلونو ولاړ هندي فلمونه
په زیاتو هندي فلمونو کي قتلونه او وژني انځوريږي او په هکله يې داستانونه بيانيږي. په دغو فلمونو کي بعضي وخت قضيه حل او بعضي وخت ناحل پاته سي. په دغه راپور کي هغه هندي فلمونه وپېژنئ چي د حقيقي قتلونو پر قضيو جوړ سوي دي:
انځور: AP
تلوار
د تلوار په نوم هندی فلم چي په ۲۰۰۸ کال بازار ته راووت د اروشي په نوم پيغلي او د هغوی د کور د مزدور هیماراج د قتل پر حقيقي موضوع جوړ سوی ؤ. د دغو دوو کسانو د قتل قضيه لا تر اوسه نه ده حل سوې. د هند يوې محکمې د اروشي مور او پلار د هغې او د مزدو په قتل پړن وبلل خو عالي محکمې دغه فيصله د اړينو ثبتونو د نشته والي له کبله بېرته لغوه کړه.
انځور: AP
جيسيکا هيڅ چا نه ده وژلې
په ۱۹۹۹ کال د کانګرېس ګوند د مشر وينود شرما زوی مانو شرما د جيسيکا لال په نوم پر ماډلې انجلۍ ډز وکړ او هغه يې ووژله. دا چي د جېسيکا کورنۍ د قاتل د محاکمه کولو له پاره څه ډول ستړياوي پر ځان ومنلې په دغه فلم کي انځور سوي دي.
انځور: AP
مدراس کافې
په ۱۹۸۰ کال کي د سري لنکا په جګړه کي د هند پر مداخلې جوړ سوی فلم مدارس کافې ډېر وستايل سو. په دغه فلم کي په ۱۹۹۱ کال د يو ټاکنيز کامپاين پر وخت د لومړي وزير راجيو ګاندهي وژنه هم انځور سوې ده. مدراس کافې فلم په ۲۰۱۳ کال بازار ته راووت.
انځور: picture-alliance/dpa
د ميني داستان نه دی
په ممبئ کي د مشهور تلويزيوني شرکت سينرجي ايدالايب کارګر نيراج ګروور قتل کړل سوی ؤ. رام ګوپال ورما پر دغه موضوع يو فلم جوړ کړ. د قتل په قضيه کي ايکټره ماريا سوسيراج او د هغې ملګری لفتنت ږيروم مېتيو نيول سوي ول.
انځور: Bohra Bros Prod. Pvt. Ltd..
يو وخت په ممبی کي
دغه فلم د جرايمو د نړۍ د مشهور غړي داؤد ابراهيم او د حاجي مستان تر منځ د سمبوليکې ملګرتیا پر موضوع جوړ سوی دی. په دغه فلم کي ۷۰مه لسيزه انځور سوې ده چي په ممبی کي د جرايم پيشه خلکو اثر زيات ؤ. د دې له پاره چي لانجې رامنځ ته نه سې، په دغه فلم کي د کردارونو نومونه بدل کړل سوي.
انځور: Balaji Motion Pictures
په لکنډوالا کي وژنې
دغه فلم په ۱۹۹۱ کال کي د ممبی د امنيه قومندان اې خان او د بدمعاش مايادال د متقابل کيدو پر موضوع جوړ سوی دی. دغه مقابله چي د ممبی د پوهنتون په لکنډوالا کي رامنځ ته سوه، پکښي ۲۵ کلن مايادال ووژل سو.
انځور: Balaji Telefilms
فراق
دغه فلم د ډايريکټري په توګه د ایکټري نانديتا لومړی فلم ؤ. په ۲۰۰۸ کال کي جوړ کړل سوی دغه فلم په ګجرات کي په کال ۲۰۰۲ د رامنځ ته سوو ناقراريو پر موضوع راګرځي. په دغه فلم کي د ناقراريو پر ځای دا ښودل کيږي چي ناقراريو پر خلکو څه ډول اغېز وکړ.
انځور: Percept Picture Company
توره جمعه
دغه فلم په ۱۹۹۳ کال په ممبی کي د رامنځ ته سوو چاودونو په تړاو دی. دغه فلم بايد په اصل کي په ۲۰۰۴ کال بازار ته راوتلی وای. خو د بيلو لانجو له کبله په ۲۰۰۷ کال کې په ځنډ بازار ته راووت.
انځور: Jhamu Sughand/Adlabs films
هې رام
دغه فلم د کملا حسن له خوا د مهاتما ګاندهي د قتل پر موضوع جوړ سوی دی. پر دغه فلم بعضي لانجې رامنځ ته سوې خو دغه فلم وروسته د هند له خوا د اوسکار جايزو سيالۍ ته هم ولېږل سو.
انځور: Raajkamal Films International
انځورونه1 | 9
کارپوهان وایي چې په مينه کې قتل ډیر اړخونه لري. د هند په ټولنه کې د سړو د لاسبري نظر اوس هم ډیر قوي دی او یو سړی دا خبره نه شي زغملی چې کومه ښځه دې د هغه د مينې وړاندیز رد کړي او بل چا سره دې واده وکړي. په داسې حالاتو کې چې لاس یي بر شي یا خو دغه نجلې او یا یې هم د میړه پر وژنې سرفه نه کوي.
د کارپوهانو په اند په محبت کې د قتل دویم اړخ ناموسي وژنه ده. مور پلار، خپلوان او د کورنۍ غړي ډیري وختونه دا نه شي زغملی چې اولادونه یي د خپل راتلونکي ژوند په اړه پخپله پریکړه وکړي او خپل قومي او مذهبي ارزښتونه تر پښو لاندې کړي.
په ځانګړي توګه د نجونو له خوا د کومې بلې قبیلې او یا هم د کوم بل مذهب له هلک سره مينه یا واده کول د کورنۍ د عزت د ختمیدو په معنی ګڼل کیږي او د کورنۍ له خوا د داسې نجونو د قتل پيښې مخ پر ډیریدو دي.
