کله چې په ۱۹۸۸م کال کې د «شیطاني آیات» تر عنوان لاندې د سلمان رشدي کتاب خپور شو، په اسلامي نړۍ کې یې سخته غوسه راوپاروله. هند ته هم د دې کتاب واردول منع شو. خو اوس یوې محکمې دغه ممنوعیت تر پوښتنې لاندې راوستلی دی.
په ۱۹۸۸م کال کې د «شیطاني آیات» کتاب له خپریدو سره سم بې له ځنډه په اسلامي نړۍ کې شدید اعتراضونه پیل شول.انځور: Carsten Koall/dpa/picture alliance
اعلان
د نوي ډهلي عالي محکمه دې نتیجې ته رسیدلې ده چې نور نو، د هغه ممنوعیت په هکله چې په ۱۹۸۸ م کال کې اعلان شوی وو هیڅ رسمي سند نه موندل کیږي. د «The Hindu» او نورو هندي رسنیو د رپوټ پر بنسټ قاضیانو ویلي دي: «مونږ بې له دې بله هیڅ چاره نه لرو چې ومنو دا ډول اعلامیه شتون نه لري.»
د سلمان رشدي دا کتاب ۳۶ کاله مخکې د افراطي اسلامي ګوند په ګډون، په هند کې د څو سازمانونو په غوښتنه منع شوی و. د هندوستان د هغه وخت حکومت [د سلمان رشدي چې په هند کې زیږیدلی او اوس ۷۷ کاله عمر لري] د دې کتاب د خپریدو په صورت کې د عمومي ګډوډۍ رامنځته کیدو انديښنه درلوده.
پر کتاب د بندیز ګونګ وضعیت
په ۲۰۱۹م کال کې د دې کتاب یوه مینه وال د کتاب د ممنوعیت پر ضد شکایت وکړ. د قاضیانو د وینا مطابق شکایت کوونکی سندیپان خان، د محکمې له تازه پریکړې وروسته اوس کولی شي دغه کتاب ترلاسه او هر اقدام چې قانون ورته اجازه ورکوي، ترسره کړي.
په نړۍ کي د تقريبا ۷ ميلياردو انسانانو له هرو۱۰ څخه ۸ يې خامخا پر يوه يا بل دين عقيده لري. د اېدهېرنتس ټکی کام او پيو ريسرچ په حواله په نړۍ کي د اديانو د پيرويانو شمېر په دغه انځوريز راپور کي لوستلای سئ:
انځور: picture-alliance/dpa/R. Gupta
۱۱ مقام ـ شينتو
په نړۍ کي تقريبا ۴ ميليونه انسانان د شينتو دين پېرويان دي. هغوی د نړۍ د ټول نفوس تقريبا ۰.۰۶ سلنه برخه ده.
انځور: picture-alliance/dpa/K. Mayama
۱۰ مقام ـ جاينيه
د جين (بريالي) يا جاينيه دين تقريبا ۴،۲ ميليونه پېرويان لري چي اکثريت يې په هند کي ژوند کوي. هغوی د ټولې نړۍ د نفوس تقريبا ۰.۰۶ سلنه دي.
انځور: picture alliance/AP Photo/N. Ut
۹ مقام ـ يهودان
په نړۍ کي تقريبا ۱۴ميليونه يهودان ژوند کوي. هغوی د نړۍ د نفوس تقريبا ۰،۲ سلنه دي.
انځور: picture alliance/dpa/W. Rothermel
۸ مقام ـ سيکهان
د سيکهـ دين د پېرويانو شمېر تقريبا ۲۳ ميليونو ته رسيږي. هغوی د ټولې نړۍ د نفوس تقريبا ۰.۳۲ سلنه دي.
