له چین پرته په ټوله نړۍ کې د کرونا ویروس د مثبتو پيښو شمیر د هرې ورځې په تیریدو سره د لوړیدو په حال کې دی. تر اوسه پورې په چین کې  ۸۰ زره او ۸۴۸ تنه په دې ویروس اخته شوي او ۳۲۱۳ تنو یې خپل ژوند له لاسه ورکړی دی. تر دې مهاله پورې په ۱۵۶ هیوادونو کې د کرونا ویروس مثبتې پیښې ثبت شوي دي.

بل لوري ته په افغانستان کې هم په کرونا ویروس د اخته کسانو شمیر لوړ شوی دی. د افغانستان د عامې روغتیا د وزارت په حواله په هیواد کې د کرونا د تازه پیښو په ثبت سره په دغه ویروس د اخته کسانو شمیر ۲۱ تنو ته لوړ شوی دی.

په دغه ځای په کلیک کولو سره، کولی شئ په ټوله نړۍ کې د کرونا ویروس د اخته کسانو او قربانیانو تازه معلومات ترلاسه کړئ.