د فرانسې په پلازمېنه پاریس کې يوه څارنوال د پېښې په ځای کې خبريالانو ته وويل: «درې کسان وژل شوي، يو تن د بيړنۍ مرستی په خدماتو کې دی او نور دوه هم سخت ټپيان دي او شکمن تن چې نيول شوی دی، پر مخ ټپونه لري.»
په لومړي سر کې په رسمي توګه د دوو کسانو د وژل کيدو او څلورو د ټپي کیدو خبره شوې وه چې د دوو روغتيايي وضعيت د انديښنې وړ ښوول شوی وو. وروسته بيا وويل شول چې درې کسان وژل شوي.
په پاريس کي دوې مسلماناني په چړو وهل سوي
څارنوالانو د دې په زياتولو سره چې شکمن وسله وال تقريباً ۶۰ کاله عمر لري، وويل: «د قتل، قصدي وژنې او شديد تاوتريخوالي د قضيو په ترڅ کې څېړنې پيل شوي دي.»
چارواکو د شکمن بريدګر په اړه نور معلومات نه دي په ډاګه کړي خو د فرانسوي رسنيو د رپوټونو په حواله تورن عامل يو په خټه «قفقازی» فرانسوی دی چې يو کال مخکې یې د مهاجرو پر يوه مرکز هم بريد کړی وو.
د فرانسې د کورنيو چارو وزير ژيرالد دارمانين ويلي چې هغه به د دې «ډراماتيکې» پېښې ځای ته ورشي.
د ډزو په اړه نور څه معلومات شته؟
وسله وال د پاريس د ۱۰ نمبر سيمې په «روې انګين» سړک کې چې کوچنۍ مغازې او قهوه خانې پکې دي، په فايرونو پېل وکړ. د دغه سيمې ښاروالې اليکساندره کورتبار خبريالانو ته وويل چې فايرونه د کردانو په يوه ټولنیز مرکز کې شوي دي چې مقابل لوري ته يې يوه آرايشګاه او يو رستورانت دی.
د پاريس د بريدونو پنځمه کليزه
د فرانسې خبري آژانس د عيني شاهدانو له قوله ویلي چې بريد ګر اوه يا اته فایرونه وکړل. يوه عيني شاهد وويل: «ډېره وارخطايي وه. موږ ځانونه [په دوکان کې] بند کړل.»
د پاريس ښاروالې اني دلګو له پوليسو څخه د پېښې پر وخت د «پريکړنده مداخلې» له کبله مننه وکړه.
دا پېښه په داسې حال شوې ده چې په پاريس کې د کرسمس يا مسیحي اختر تر مخه پر سړکونو او بازارونو کې د خلکو ګڼه ګوڼه ډېره ده.
ب. ص/ ن. ز (AFP, Reuters)
زموږ له آرشيف څخه:
دغه شپه به فرانسه او نړۍ بدله کړي
تر اوسه لا ډېر جزيات څرګند نه دي. خو معلومه ده چې څه د پاسه ۱۰۰ انسانان د فرانسې په پلازمېنه کې د ۱۳ نومبر د ترهګرو بريدونو قربانيان دي. دا د هغې شپې انځورونه دي چې ښايي پاريس او نړۍ به بدله کړي. انځور: Reuters/C. Allegri د آلمان او فرانسې تر منځ د فوټبال دوستانه لوبه لا روانه وه چې د سرټکو په صفت لومړني بېړني راپورونه د تلويزيون پر پردو باندې راغلل.
انځور: picture-alliance/dpa دغو راپورونو د پاريس په اوسېدونکو کې وېره او ترهه راوټوکوله. پر ولس باندې غږ وشو چې له خپلو کورونو او اپارتمانونو دې نه وزي.
انځور: picture-alliance/dpa د کنسرت تالار د يرغمل نيونې پر صحنې بدل شو د باتاکلان په نوم په تالار کې پوليسو د سهار يوې بجې په شاوخوا کې يرغمل نيونه پای ته ورسوله. هلته د «هېوي مېتل» موسيقۍ کنسرت روان و.
انځور: Reuters/C. Hartmann ولسمشر اولاند د تلويزيون له لارې د فرانسې ولس ته خطاب وکړ. هغه د فوټبال لوبې په نيمايي تفريح کې لوبغالی پرې ايښی و. د SID په نوم خبري اژانس راپور ورکړ چې اولاند «خوندي ځای ته رسول شوی و.»
انځور: Reuters په لوبغالي کې لوبغاړو او مينه والو شتون درلود په دې ترڅ کې د فوټبال مينه والو او د آلمان او فرانسې د ملي ټيمونو لوبغاړو اجازه نه درلوده چې له لوبغالي څخه ووزي. په لوبغالي کې دننه ترينګلې فضا خپره وه.
انځور: Getty Images/AFP/M. Alexandre احتمالا پنځه بريدکوونکي، ټول ووژل شول په شپه کې راوتلو راپورونو له پنځو بريدکوونکو څخه خبرې کولې. د لويې څارنوالۍ په حواله ويل کيږي چې ټول ووژل شول. کېدای شي چې نور بريدګر په تېښته بريالي شوي وي.
انځور: Getty Images/K. Tribouillard د مړو شمېر به ښايي لا لوړ شي. د شپې له خوا له ۱۲۰ وژل شوو کسانو څخه خبرې کېدلې. ژوندي پاتې شوي سخت وډارېدل.
انځور: Getty Images/AFP/M. Bureau په ټوله نړۍ کې امنيتي تدابير کلک شول، په انځور کې په نيو يارک ښار کې د فرانسې قونسلګيري ليدل کيږي.
انځور: Getty Images/S. Platt په نيو يارک ښار کې د «وان ورلد» سوداګريز مرکز خپل انتن د فرانسې په ملي رنګونو روښانه کړی دی. د نيو يارک آيالت ګورنر، اندرېو کومو وويل چې «موږ د فرانسې ولس سره په خواخوږۍ کې ځانونه شريک بولو.»
انځور: Reuters/C. Allegri
