1. محتوا ته تګ
  2. اصلي مینو ته تګ
  3. د دویچه ویله نورو پاڼو ته تګ

په پاکستان کي ډېر انساني قاچاقبران نیول سوي دي

ګل غوټۍ پوپل | آلمانی خبري آژانس
۱۴۰۳ دی ۱۴, جمعه

له پاکستانه ډېر کسان هڅه کوي چي د اوبو له لاري ځانونه اروپا ته ورسوي. په وار وار داسي پیښیږي چي له هغوی څخه کوم څوک خپل ژوند له لاسه ورکړي. ډېر وخت ددغه کار تر شا د بې رحمو قاچاقبرانو ډلې پټې وي.

 هرکال له پاکستان کی ډیری مهاجر هڅه کوي په خطرناکو لارو ځانونه اروپا ته ورسوي
په پاکستان کي ډېر انساني قاچاقبران نیول سوي ديانځور: Sameer Al-Doumy/AFP/dpa/picture alliance

په پاکستان کي امنیتي ځواکونو په لسونو انساني قاچاقبران نیولي دي. د دغه هيواد د بهرنیو چارو وزارت خبر ورکړی دی چې په دې اړه د پولیسو ماموریت پس له هغه پیل سو، کله چي د یونان د کريتا ټاپو په جنوب کي د ډسمبر مياشتي په نیمايي کي دمهاجرو  یوه کښتۍ ډوبه سوه چي ۵ پاکستانیان هم پکښې سپاره وه. 

د فدرالي پولیسو یوه ویاند ويلي دي: «له هغه راهیسي څه ناڅه دیرش شکمن قاچاقچیان نیول سوي دي او ډیر نور یې د پلټونکو له خوا په نخښه سوي دي.» د هغه په خبره نیول سوي کسان د انساني قاچاقچیانو د کړۍ هغه برخه ده چي په ایران، ترکیې، یونان او ایټاليا کي فعاله ده.

اړوند:م.م: په نړۍ کې د مهاجرو شمېر ۱۲۲ ملیونو ته پورته شوی

په پاکستان کي چي څه د پاسه ۲۴۰ میلیونه نفوس لري، ډېر کسان په زرونو یورو مصرفوي، ترڅو ځانونه اروپا ته ورسوي. له دې لاري په تیرو کلونو کي په سونو پاکستانیانو خپل ژوند له لاسه ورکړی دی.

یونان ته نیژدې په تکرار سره د مهاجرو د کښتیو د ډوبیدو پیښي رامنځته کیږي. ډېري دغه کښتۍ د سمندر د اوبو په وړاندي مقاومي نه وي او یا هم له اندازې ډکې بادي کښتۍ وي.

یونان؛ د نوم ورکو مهاجرو هدیره رغاول کیږي

03:26

This browser does not support the video element.

ګل غوټۍ پوپل ګل غوټۍ پوپل له کلونو راهیسې د افغانستان په اړه د راډیويي او تلویزیوني خپرونو ویاندویي کوي.
د د دویچه ویله د ورځي موضوع له برخې تیريدل

د دویچه ویله د ورځي موضوع

د د دویچه ویله نور مطالب له برخې تیريدل

د دویچه ویله نور مطالب