روغتيا
په پاکستان کې ډینګي تبي۲۰ کسان وژلي دي
۱۳۹۸ مهر ۲, سهشنبه![Denguefieber in Pakistan](https://static.dw.com/image/17075984_800.webp)
اعلان
اسوشیتد پرس خبري آژانس په خپل رپوټ کې لیکلي دي چې د سه شنبې په ورځ (۲۰۱۹م کال د سپتمبر میاشتې ۲۴مه) د پاکستان د ټولو سترو ښارونو روغتونونو ته داسې ناروغان ورتلل چې د ډینګي تبې علایم یې درلودل او دې چارې د دغه هیواد کمزوری روغتیایي سیستم تر فشار لاندې راوستی دی.
د پاکستان د روغتیايي چارو حکومتي سلاکار ظفر مرزا، په خبره د ډینګي تبې ۱۰۰۱۳ پیښې رپوټ شوې دي او له دغې ناروغۍ اغیزمنو شوو ناروغانو وړیا درملنه کیږي.
دغه ویروس چې د یوه میاشي په واسطه انسان ته انتقالیږي، هرکال په پاکستان کې یو شمیر انسانان وژني. دغه میاشې د ټولې نړۍ په هغو سیمو کې موندل کیږي چې هوا پکې توده وي.
ډینګي تبه کیدای شي د مفصلونو د درد، د زړه بدوالي، کانګو او په ځینو مواردو کې د تنفسي ستونزو، خونریزۍ او یا هم د بدن د ارګانونو د کار پریښودو سبب شي.