د افغانستان د دفاع وزارت د ویاند مرستیال محمد رادمنش د جمعې په ورځ د فرانسې خبري آژانس ته ویلي دي چې غواړي په پوځ کې د ښځو شمېر لس سلني ته پورته کړي. رادمنش زیاته کړې ده چې د ښځو د هڅولو له پاره د ځانګړي معاش په ګډون ځيني تشویقي امتیازات په پام کې نیول شوي دي.
رادمنش وویل: «موږ اوس په پوځ کي ۱۵۵۷ښځې لرو. دا د ټول پوځ دوه یا درې سلنه جوړوي چې ډیره لږ برخه ده.» هغه زیاته کړه: «موږ غواړو چې دغه سلنه ۱۰ ته ورسوو.»
انځورونه: د نړۍ تر ټولو ښايسته پيلوټه يوه افغانه ده
جرمنۍ ورځپاڼي «بيلد» ليکلي دي چي د نړۍ تر ټولو ښايسته پيلوټه د افغانستان په هوايي ځواک کي ده. هغه په افغانستان کي يوازنۍ پيلوټه ده. د هغې انځورونه په دغه راپور کي ووينئ.
انځور: picture-alliance/abaca/Xinhua/Ahmad Massoudکپيتانه نيلوفر رحماني ۲۳ کلنه ده او اوس په افغان هوايي ځواک کي دنده لري. جرمنۍ ورځپاڼي «بيلد» (انځور) هغه د نړۍ تر ټولو ښايسته پيلوټه معرفي کړې ده.
نيلوفر رحماني ۱۸ کلنه وه چي د پيلوټۍ ښوونځی ته ولاړه او دوه کاله وروسته په ۲۰۱۲م کال کي د دوهم بريدمن په درجه فارغه سوه.
نيلوفر د زده کړي ډيري مهمي دورې تيري کړي. هغې خپله لومړۍ الوتنه په يوې امريکايي څلور سيټه سيسنا ۱۸۲ ډوله الوتکي سره بريالۍ وکړه.
رحماني اوس کولای سي جنګي او ترانسپورتي الوتکو ته پرواز ورکړي. نړيوالو رسنيو هغه د طالبانو رژيم تر ړنګېدو وروسته د لومړۍ افغاني پيلوټي په خاطر ستايلې ده.
که څه هم نيلوفر د خپلي دندې په خاطر په خپله ټولنه کي له ستونزو سره مخامخ ده، خو بيا هم هوډ لري چي خپل کار ته دوام ورکړي.
نيلوفر رحماني غواړي چي ډيري ښځي تشويق کړي، څو افغان هوايي ځواک ته ورسي او خپلي وړتياوي ثابتي کړي.
کپيتان نيلوفر رحماني ته د ۲۰۱۵م کال په لومړيو کي د امریکا متحدو ايالاتو د بهرنيو چارو وزارت له خوا د «زړوري ښځي نړيوال مډال» ورکړل سو.
د امريکا متحدو ايالاتو د بهرنيو چارو وزارت د زړوري ښځي مډال نيلوفر ته په واشنګټن کي ورکړل سو.
په داسې حال کې چې په افغانستان کې د طالبانو رژیم له ړنګیدو ۱۵ کاله تیریږي، خو بیا هم ښځې له ډیرو ستونزو سره لاس او ګریوان دي. د تیر کال په دسمبر میاشت کې ۲۵ کلنې نلیفور رحماني چې د افغان هوایي ځواک پیلوټه ده او د زده کړو له پاره امریکا متحده ایالاتو ته تللې ده، په هغه هیواد کې د پناه غوښتنه وکړه. د هغې دې پریکړي په افغانستان کې بحثونه راپورته کړل.
رحماني په افغانستان کې د میلیونونو نجونو له پاره د یوه سمبول په توګه معرفي شوې وه خو هغه ادعا کوي چې د شهرت له کبله یې ورته د مرګ ګواښونه کیږي او له دې کبله په خپل هیواد کې نه شي پاتیدای.
رادمنش وویل چې اوس د افغانستان د پوځ په بیلابیلو روزنیزو بنسټونو کې ۴۰۰ نجونې روزني ترلاسه کوي.
نور مطالب:
د افغانستان پخوانۍ ښځينه پلوټه ننۍ سوالګره ده
د افغانستان د هوايي ځواک د الوتکو يوه انجينيره چي وايي په روسيه او هند کي يې زدکړي کړي، نن سوالګره ده.
انځور: DW/M.I. Specalai د افغانستان د پوځ پخوانۍ پلوټه جګړنه مېرمن شرميلا اوس په کندهار کي ژوند کوي.
شرميلا وايي چي زيات شمېر الوتنې يې کړي دي.
دغه پخوانۍ افغانه پلوټه د افغانستان له حکومت او پوځ څخه ګيله لري.
مېرمن شرميلا د خپل معلول مېړه او پخواني ډګروال سره د غربت شپې او ورځي تېروي.
مېرمن شرميلا وايي چي په هند او روسيه کي يې د الوتکو د تخنيک انجينري لوستې ده.
دغه مېرمنه اوس د کندهار په ښار کي سوالګره ده. هغه وايي مېړه يې په پاکستان کي د شل کلني بند وروسته د طالبانو له خوا ژوبل سوی او پر ځای پروت دی.
دغه مېرمنه له افغان حکومت څخه مرسته غواړي. هغه وايي پخپله يې د افغانستان د پوځ په الوتکو کي پروازونه کړي خو نن د ماښام ډوډۍ نه لري.
