د «پښتورگي ډبره» هغه ناروغي ده چي په لومړۍ مرحله کي سړی نه په پوهيږي او کله چي ښه پرمختگ وکړي بيا تشخيصيږي. خو څېړونکي وايي چي که سړی دغه پنځه توصيې په پام کي ونيسي په دغي ناروغۍ له اخته کېدو خوندي کيږي.
اعلان
د پښتورگي ډبره له اسيډي مالگو او په ادرارو کي له شته مالگي څخه جوړيږي. په بله معنی غليظ سوي ادرار د کريستالي کيدو او د معدني موادو يو له بل سره د نښتلو امکان برابروي.
خو يوازي په بدن کي د مايعاتو کمښت د پښتورگي ډبري د جوړيدو سبب نه کيږي. د تازه څېړنو له مخي د پښتورگي ډبري په ناروغۍ اخته کسانو نيمايي څلور لاملونه په پام کي نه نيسي.
د روم پوهنتون او د هاروارد د طبي ښوونځی څېړونکو د خپلو نوو څېړنو په پايله کي چي پر۱۹۰زرو داوطلبو کسانو سوې ده، دې نتيجې ته رسېدلي دي چي «سمه تغذيه» کولای سي دغه ناروغي صفر کړي. دغه څېړني د ۱۱ کلونو په جريان کي په درو مرحلو کي ترسره سوي دي. په دغه موده کي نژدې ۶۵۰۰ کسان د پښتورگي ډبري په ناروغي اخته سوي دي.
هغو داوطلبو کسانو چي د دغي څېړني په جريان کي ئې لاندي موارد په پام کي نيولي د پښتورگي ډبري ناروغي احتمال ئې صفر سوی دئ:
-هغو کسانو چي د ورځي يې دوه ليټره مايعات څښلي.
-هغه چا چي د خوږو مايعاتو له څښاک څخه ئې ډډه کړې.
-هغو داوطلبانو چي د خپل خوراک په مهالويش کي يې ميوې، سابه او لږ غوړ لرونکو لبنياتو ته ځای ورکړی.
-او هغه چا چي لږ کلسیم خوړلي.
دا نو طبيعي ده چي د دغو کسانو په دغه شان رژيم سره وزن هم ډېر سوی نه دئ.
د څېړنو په نتيجه کي هغو کسانو چي د ورځي ئې تر دوه ليټره لږ اوبه او په اوونۍ کي ئې څلور واري خواږه مايعات څښلي، او هغو چي ډېر غوړ لرونکي لبنيات او کلسيمي مواد ډېر کړي او لږ ميوه او سابه ئې خوړلي تر نورو ډېر د پښتورگي ډبري په ناروغي اخته سوي دي.
زموږ له ارشيف څخه:
د ښې روغتيا او اوږد ژوند رازونه
مناسب خواړه، ورزش، په کافي اندازه خوب، له سگريټو ډډه، د الکولي مشروباتو نه استعمال او د شترس کمښت هغه عوامل دي چې کیدای شي د انسان د عمر په اوږدېدو کې مرسته وکړي. انځوریز راپور.
کارپوهانو ځيني هغه عوامل په گوته کړي دي چې کیدای شي د انسان د عمر د کمښت سبب وگرځي. د الکولي مشروباتو استعمال، نیکوتين، سره کړې غوښه، همدارنگه ډېر وزن، هغه عوامل بلل کيږي چې له امله يې ۱۷ کاله عمر کميږي.
انځور: Colourbox/A. Gravante
ورزش وکړئ
تجربو ثابته کړې ده چې ورزش د عمر په ډیریدو کې مرسته کوي. کارپوهان وایې هغه کسان چې د ورځې ۱۵ دقیقې ورزش کوي په اوسط ډول یې عمر ۳ کاله ډیریږي. البته تر۱۵ دقیقو ډیر ورزش بهتر دی. نړیوال روغتیایې سازمان (WHO) په اونۍ کې د ۲،۵ ساعته ورزش سپارښتنه کوي.
انځور: colourbox
مدیترانه یې خواړه
مدیترانه یې خواړه چې د سبزیجاتو، میوو، دانو، د زیتون غوړو او کبانو له غوښو څخه جوړ وي د روغتیا له پاره ډیر گټور دي. دا ډول خواړه تر ډیره د چاغښت، شکري ناروغۍ او ویني د فشار مخنیوی کوي.
انځور: picture-alliance/chromorange/B. Jürgens
خپل خوب ته پاملرنه وکړئ
په کافي اندازه خوب نه کول د انسان روغتیا ته زیان رسوي. په انسانانو کې د خوب اندازه توپیر لري. ښه خوب د دې سبب گرځي چې انسان ټوله ورځ جست او فعالیت ته تیار اوسي.
انځور: Colourbox/Monkey Business Images
الکولي مشروبات
د الکولو تر اندازې ډېر استعمال د انسان روغتیا ته زیات رسوي.
انځور: Colourbox
سگريټ
کارپوهان وایې چې د سگریټو نه څکول کیدای شي د عمر په ډېرښت کې مرسته وکړي. که یو انسان په ۳۰ کلنۍ کې سگریټ پریږدي نو په اوسط ډول یې عمر۱۰ کاله ډیریږي.
انځور: picture-alliance/dpa
ښه دوستان ځان ته انتخاب کړئ
څیړنو ښودلې ده چې د ښو دوستانو درلودل عمر زیاتوي.
انځور: picture alliance/Arco Images GmbH
د قیلولې خوب گټه
یوناني څیړنو ثابته کړې ده چې هغه خلک چې په اونۍ کې دری واره د ورځې له خوا ډیر لنډ خوب یا په اصطلاح قیلوله کوي، ۳۷ سلنه د زړه په ناروغۍ له اخته کیدو څخه ژغورل کيږي.
انځور: picture-alliance/CTK Photo/R. Fluger
د ښځي او مېړه د گډ ژوند اغېزې
د ارقامو له مخې متاهل نارینه تر مجرد نارینه وو اوږد عمر لري. داسي معلومیږي چې واده کول په مجموع کې د نارینه وو د عمر په اوږدوالي کې مثبت تماميږي. البته د ښځو د عمر پر اوږدوالي کوم تاثیر نه کوي.
انځور: Rido - Fotolia.com
کم وزن
د وزن کمښت تاسي د شکري، زړه او مغزې سکتې ناروغیو څخه تر یوې اندازې ژغوري. چاغښت په اوسط ډول ۳ کاله د انسان عمر کموي.
انځور: Colourbox/Erwin Wodicka
د ژوند معنوي اړخ
په امریکا کې څیړنو ثابته کړې ده :هغه کسان چې په منظم ډول کلیسا ته ځي او په مذهبي مراسمو کې گډون کوي تر هغو انسانانو ډیر عمر کوي چې کلیسا ته نه ځي. څیړونکي گومان کوي چې په یوه دیني ټولنه کې قوي ټولنیزي شبکې په دې برخه کې اغېزمني تماميږي.
انځور: picture-alliance/dpa/D. Reinhardt
د نورو بخښل زده کړئ
هغه کسان چې له نورو سره کینه نه لري، د ښه روغتیا درلودونکي دي. خو هغه کسان چې تل عصبي وي د ویني فشار د لوړیدو او رواني ستونزو سره مخامخ کیږي.
انځور: Fotolia/Yuri Arcurs
د موټر چلولو په وخت کې احتیاط
هر کال په آلمان کې شاوخوا ۴۰۰۰ انسانان په ترافیکي پيښو کې مري. پر لويو لارو او سړکونو د کمربند تړل تر۵۰ سلنه پورې د مرگ خطر یا جدي زیان کموي. بایسکل او موټرسایکل چلونکي کولای شي په هلمیټ یا حفاظتي خولۍ سره تر ډیره ځان له خطره وژغوري.
انځور: Fotolia/jeancliclac
خپل شترس کم کړئ
دایمي شترس د انسان ژوند په خطر کي اچوي. شترس یا اندیښنه د ویني د لوړ فشار، د رگونو د بندیدو او زړه د حملې امکانات ډیروي. له شترس سره مقابله کولای شي تر ډیره بریده جسمي ستونزي حل کړئ. له شترس سره د مقابلې له پاره مختلف تمرینونه وکړئ.
انځور: Colourbox/Kzenon
پروگرامونه د انسان په ژوند کې مهم دي
هغه کسان چې په ډېر عمر کې ځانگړي بوختیاوي لري او په جدي توگه هغو ته پاملرنه کوي، هغوی نسبتاً اوږد عمر لري.
انځور: picture alliance/dpa Themendienst/K. D. Gabbert
انځورونه1 | 15
له الزايمر ناروغۍ څرنگه ځان ساتلای شو؟
د الزايمر ناروغي چې مريض خپله حافظه پکښې له لاسه ورکوي اصلي علتونه تر اوسه معلوم نه دي. خو زيات څيړونکي وايي چې په منظمه توګه ورزش کول، صحي خوراک او د دماغ بوخت ساتل، تر ډيره د دې مخه نيولای شي.
انځور: picture-alliance/ZB/J. Kalaene
وزن بايد کم کړئ
که د چا وزن زيات وي، نو ژر دې د کمښت هڅه وکړي. د دې له پاره وزرش او صحي خواړه اړين دي. ورزش نه يوازې د بدن وازګه ويلي کوي، بلکې د وينې د جريان ترڅنګ ميتابوليزم هم ښه کوي.
انځور: picture-alliance/dpa/G. Breloer
د خوړو انتخاب
ځيني څېړونو ښوولې ده چې ترکاري، سلاد او د بوټو غوړ د وينو پر رګونو مثبت اغېز کوي. څومره چې يو سړی د فلج کيدو يا د زړه له مرضونو څخه خوندي وي، په هماغه اندازه یې په الزايمر د اخته کيدو خطر هم کم وي.
انځور: picture-alliance/dpa/F. May
وزرش تر ټولو ښه وسله
ځان ته حرکت ورکول او په منظم ډول وزرش کول له ډيرو ناروغيو څخه د انسان په ساتنه کې مرسته کوي چې د وينې فشار، شکر او فالج پکښې تر ټولو مخکې دي. په دې توګه وزرش د الزايمر پر وړاندي هم يوه ډيره ښه وسله ده. له وزرش سره د دماغ د تمرکز وړتيا زياتيږي او حافظه ښه کيږي.
انځور: picture-alliance/dpa
د سګريټو ناوړه اغېز
اوس له سګریټو ځان خلاصول د تير په پرتله ډير آسان شوي دي. په لويديځ کې په تقريباً ټولو عامه ځايونو کې د سګريټو پر څکلو په بندیز سره په سګريټو د اخته کيدونکو په شمير کې کمښت راغلی دی. په سګريټو کې د نيکوټين په نوم زهرجن مواد شتون لري. دغه مواد د وينې پر جريان هم ډيره ناوړه اغیز کوي.
انځور: picture-alliance/dpa/R. Bonß
الکول لکه زهر
د نکوتينو په څير الکول هم پر اعصابو ډير ناوړه اغیز کوي. په دې اړه تر سره شوې ټولي څيړنې ښيي چې د الکولو په زياته اندازه څکل پر دماغو نيخ په نيخ اغيز کوي.
انځور: picture-alliance/dpa/J. Büttner
د فکر مشغول ساتل
هر ډول فکري مصروفيت دماغ متحرک ساتي. د کتابونو لوستل، د شيانو ياد ساتل او يا نوري ذهني لوبې ډيري مهمې بلل شوي. خو ټولنیز تماسونه او له نورو سره ناسته ولاړه هم پر دماغ ډير مثبت اغیز کوي.
انځور: Reiner Wandler
نڅا يو بهترين حل
ويل کيږي چې موسيقي، له خلکو سره ليده کاته او نڅا انسان ځوان او روغ ساتي. د رقص او موسيقۍ په محفلونو کې په منظم ډول برخه اخيستنه د الزايمر تر ټولو ښه درمل دي. خو له دې ناروغۍ څخه د ساتل کيدو تضمين هيڅوک هم نه شي کولای او نه هم تر اوسه د دې علاج شته.