د رسنیو په حواله د چین پولیسو د انسانانو د قاچاق څو ډلي له منځه وړي دي او ۸۹ کوچنیان یې آزاد کړي دي. په دغو څو ورځنیو عملیاتو کي چي په نوو جوړو سوو ناحیو کي تر سره سول، ۳۵۵ شکمن کسان نیول سوي هم دي. کوچنیان لیلیو ته لېږدول سوي دي، او تر څو پوري چي یې مور او پلار پیداکیږي، هلته به یې سرپرستي کیږي. په چین کي تر ټولو دمخه کوچنیان او نوي ځوانان تښتول کیږي، او بیا په ډیره ګټه پر هغو کسانو باندي پلورل کيږي، چي نسي کولای اولادونه ولري.