د اجرائیه ریاست ویاند مجیب رحیمي له دویچه ویله سره په خبرو کې وویل چې ښاغلی عبدالله او یو ځيني نور سیاسي شخصیتونه د نښتې له ځایه راایستل شوي دي.

د هغه په خبره لا تر اوسه د احتمالي مرګ ژوبلې په هکله معلومات نه شته.

د فرانسې خبري آژانس د افغانستان د کورنیو چارو وزارت ویاند نصرت رحیمي، له قوله ویلي دي چې »ځانګړي افغان امنیتي ځواکونه او پولیس د پيښې ځای ته رسیدلي دي.

د افغانستان جمهور رئیس محمد اشرف غني، د تویتر په یوه پیغام کې کې دغه حمله «د بشریت او د افغانستان د ملي یووالي ضد یو جنایت» بللې ده. هغه ویلي دي چې د تلیفوني اړیکې له لارې یې د ډاکټر عبدالله او استاد خلیلي پوښتنه کړې ده.

طالبانو په یوه بیانیه کې په دغه برید کې لاس لرل رد کړي دي.

د افغانستان د کورنیو چارو وزارت په یوه بیانیه کې ویلي دي چې په دغه برید کې اتلس تنه ټپیان شوي دي.

نور جزئیات وروسته...