دغه افغانه، د جنوري مياشتي پر ۲۲مه نیټه له خپل زوی سره یوځای هغه مهال وتښتول شوه چې ناپیژاندو وسله والو یې موټر ودراوه. د هغې د موټروان جسد بیا په مارچ میاشت کې وموندل شو. موټروان هم افغان وو.

د افغانستان له پاره د ملګرو ملتونو د سرمنشي ځانګړي استازي مرستیال او د یوناما سرپرست مشر انګرید هایدن، ویلي دي: «موږ دغه له شرمه ډکه برمته کوونه، او زموږ د یوه همکار وژنه چې ښايي عمدي کار وو، غندو.»

په وروستیو وختونو کې په کابل او نورو ښارونو کې د پیسو ترلاسه کولو له پاره د برمته کووني پیښې ډیري شوي دي. ډیر وخت د دې جرم قربانیان پخپله افغانان وي، خو په ځینو مواردو کې بیا بهرنیان هم برمته نیول شوي دي.