نن سبا په کراچي ښار کې د څښاک د پاکو اوبو سخت کمښت دی. یو سړی چې په لاسونو کې یې دوه خالي بوتلان دي، تر یوه نل لاندې ولاړ دی.

د سختي گرمۍ له کبله بې سده شوي یا مړه شوي کسان د «ایدهي» خیریه مرکز رضاکاران په خپلو امبولانسونو کې نزدې روغتونونو ته لیږدوي او یا یې هغه ځایونو ته لیږدوي چې پکښې مړي په یخچالونو کې ساتل کیږي.

په مسجدونو کې تر لمانځه د مخه خلک اودسونه تازه کوي، خو نن سبا د سختي گرمۍ له کبله د چا زړه نه کیږي چې له اوبو څخه لیرې شي. چارواکي خلکو ته په کورونو کې د پاتېدو سپارښتنه کوي.

په کراچي کې د امنیت خوندي ساتلو په موخه ځای پر ځای شوي نیمه پوځې ملیشې هم خلکو ته لومړي طبي خدمات او نور آسانتیاوي برابروي. د ښار په بیلابیلو برخو کې یې روغتیايي کمپونه جوړ کړي دي چې خلکو ته پکښې اوبه هم ورکول کیږي.

دا انځور د جناح روغتیايي مرکز دی. په انځور کې لیدل کیږي چې یوه ښځه پر مخ اوبه اچوي. د جناح روغتون د یوه ډاکټر سیمي جمالي په وینا، ځیني خلک روغتون ته مړه رارسول شوي او ځینو یې دلته سا ورکړه. د مریضو لړۍ لا ختمه شوې نه ده.

درې تنه د اورگاډو په تم ځای کې پر یوه پلیټ فارم، باندي تر سیوري لاندي آرام کوي. په کراچۍ په عادي ډول د دوبي په موسم کې گرمي د سانتي گراد ۳۷ درجو ته رسیږي، خو په تیرو ورځو کې آن ۴۵ درجو ته رسیدلې وه.

په کراچي کې د گرمۍ له روانې څپې څخه د ساتلو له پاره تر اونو لاندې آرام کوي. په درو ورځو کې د ساه لنډۍ، د اوبو کمښت یا گرمۍ وهلو په سونو انسانان وژلي دي.

د سختې گرمۍ له کبله ډیر خلک د سمندر پر لور مخه کوي، څو په لامبو سره ځان له گرمۍ وساتي.

سپین ږيري او کمزوري خلک د گرمې له کبله له سختو ستونزو سره مخامخ دي. دغه ښار چې نفوس یې شل میلیونه ته رسیږي په ښار کې د بریښنا د پارچاو او د کمو روغتیايي آسانتیاوو له کبله پر ایالتي حکومت سختې نیوکې کوي.

په روژې میاشت کې په مسجدونو کې د خلکو شمېر بې له هغه هم ډیریږي، خو د سختې گرمۍ له کبله هم ډیر خلک په مسجدونو کې له گرمۍ څخه پټيږي.

دا انځور هم د یوه مسجد دی. یو ځوان پر خپل بدن اوبه اچوي، څو له گرمۍ څخه ځان وژغوري.

له گرمۍ څخه ویریدلي انسانانو د سمندر پر لور مخه کړې ده. د کراچي د یوې کورنۍ ښځې او ماشومان هم د کلفټن ساحل ته ورغلي دي، څو د اوبو له څپو خوند واخلي. د گرمۍ له کبله د بریښنا سیستم هم گډوډ شوی دی.