هندوستان په اګست میاشت کې تر خپل کنترول لاندې کشمیر کې مخابراتي خدمتونه د امنیتي اندیښنو له کبله بند کړي ول. اوس نو د کشمیر شاوخوا څلور میلیونه هغه کسان چې د تلفونونو قراردادونه لري کولی شي تلیفونونه وکړي او لنډ پیغامونه واستوي.

لا وختي په سیمه کې لین لرونکي تلیفونونو فعالیت پیل کړی وو. د هندوستان تر کنترول لاندې کشمیر کې تر هغه وروسته حالات ترینګلې شول چې نوي ډهلي د دې سیمې ځانګړی حالت له منځه یووړ او هغه یې د هندوستان تر قوانینو لاندې راوست.

لا وختي په سلهاو کشمیري سیاستوال، فعالان، وکیلان او نور له کوم رسمي تور برته زندان ته اچول شوي دي. په سلهاو نور کشمیریان هم په زندانونو کې دي چې پکې آن تر نهو کلونو پورې ماشومان هم شامل دي.

(ms/nz (AFP