غوړ کبان د زړه روغتیا له پاره د اومیګا ۳ غوړ اسیدونو سره غني خواړه دي. په اونۍ کې یو یا دوه ځله د کب خوړل هم حافظه ښه کوي.
کاکو، لوبیا د فلاونودیس بډایه سرچینه ده، کوم چې په ځانګړې توګه د (ال دی ال) کولیسټرول د زیاتوالي له امله د زیانونو مخنیوی، د شریانونو د استرونو ساتنه او د وینې د ټوټې کیدو مخنیوي کې مهم اغيز لري.
په کاکاو کې ارګینین هم شته، یو داسې مرکب چې د وینې رګونو پراخول زیاتوي. گورگوري، دماغ ته د وینې جریان زیاتوي، تمرکز او حافظه غښتلي کوي او د پودینې بوی هم حافظه ښه کوي.
دغه مېوې او حبوبات خوب ته ګټه رسوي
د خوراک رژیم مستقیم زموږ پر خوب اغېز کوي او خوب کولای سي چي ستړی انسان هوسا او ارام کړي، دلته د یوڅو داسي مېوو او حبوباتو بېلګي وړاندي کوو چي پر خوب ښه اغیز لري.
انځور: picture-alliance/dpa/A. Arnold
ګیلاس او الوبالو
ګیلاس او په ځانګړي ډول تریو الوبالو پر خوب ښه اغیزه کوي. هڅه وکړئ چي یوه اندازه ګیلاس او الوبالو وخورئ یا يې جوس وڅښي. څېړونو ښوولې ده، هغه کسان چي په ورځ کي دوه وخته د الوبالو جوس څښي، د هغو کسانو په پرتله چي درملو ته ورته پلاسبو څښي د شپې له خوا ښه خوب ورځي.
انځور: Hendrik Schmidt/dpa/picture alliance
ولي ګیلاس او الوبالو خوب ته ګټور دي؟
ځکه چي په ګيلاس او الوبالو کي ملاتونین سته. ملاتونین د خوب د جالونو په نامه پېژندل کېږي. د شپې له تیارې سره سم د انسان بدن په طبعي ډول ملاتونین تولیدوي، خو الوبالو او ګیلاس يې مقدار ثابت او زیاتوي، نو ځکه انسان ته ښه خوب ورځي. خو ښايي چي په دې مېوه کي ګډه بوره ستاسو خوب وځنډوي، ښه خبره داده چي تاسو يې د ورځي وخورئ.
انځور: Hendrik Schmidt/dpa/picture alliance
دال او نور حبوبات
دال، عدس او نور حبوبات د امینواسید تیپتوفان لرونکې ماده لري چي د انسان بدن يې په خپله تولیدوي. بدن له دغو امینواسید څخه د سروتونین د تولید له پاره ګټه اخلي. دغه کړنه تاسو د ورځي فعال اونورمال ساتي او کوم وخت چي هوا تیاره کیږي سروتین د خوب په ملاتونین بدلیږي. بدن د دغه کار د میتابولیزم له پاره ویټامین ډي او فولیک اسید ته اړتیا لري چي دواړه په عدس کي سته.
انځور: pa/Dinodia Photo Library
د عدس په خوړو کي پاملرنه
عدس همدارنګه پېچلي کاربوهایدریتونه لري، د عدس ډولونه کولای سي چي په وینه کي د ګلوکوز کچه راکښته کړي او انسان تر ډېره داسي انګیري، چي موړ دی. د عدس خوراک هم د ارام خوب له پاره اړین دی، خو هغه کسان چي معده يې باد او سوځي، نو د عدس له خوراک سره دي پام کوي.
انځور: Ildi Papp/PantherMedia/picture alliance
کېله
کیله په لوړه کچه تیپتوفان او یوه اندازه سروتونین لري. کېله همدارنګه د مکنیزیم او پوټاشیم منرالونه لري چي د بدن غړي او اعصاب د خوب پر مهال اراموي. په دې اړه یوه څېړنه ښيي چي کیله د مغزي سکتي په مخنیوي کي هم مرسته کوي.
انځور: Eva Usi/DW
ګټوري باکټریاوي
کېله د ګټورو باکټریاو له لرلو سره هم مرسته کوي. دغه مرسته کولای سي انسان د خوب له ګډوډۍ څخه وژغوري، خو په کېله کي د فاکټوز لوړه کچه د دې سبب کیږي چي په وینه کي د بوري کچه لوړه کړي. دا په دې معنی دی چاغ وګړي باید د شپې نه، بلکي د ورځي کېله وخوري.
انځور: DW/K. Tiassou
په خوراک کي نوښت مه هیروئ
باید په یاد مو وي چي غذايي رژیم یوازي په یوڅو خوراکونو پوري و نه تړو، بلکي په کار ده چي په خوراک کي تنوع د ځان عادت وګرځوو، چي بدن مو د بیلا بیلو ویټامینونو او ګټورو موادو په تر لاسه کولو سره د هري ناروغۍ او خوب خرابۍ په وړاندي غښتلی وي.
