د يونان د پولیسو له خوا په یوه خپرې شوې اعلاميه کې راغلي دي چې وژل شوی ماشوم د پیښې پر مهال په یوه کارتن کې وو چې لارې پرې تیره شوې ده.

د لارې موټر چلوونکي، چې ځايي دوکانونو ته یې مالونه لیږدول، د شا پر لور روان وو چې پر دې کارتن پورته شو. هغه نه پوهیده چې په کارتن کې څوک موجود دی.

پیښه د موریا کمپ ته نزدې رامنځ ته شوې ده. لا تر اوسه پورې روښانه نه ده چې دې ماشوم د پیښې پر مهال لوبې کولې او که په کارتن کې ویده وو.

ځايي چارواکي کاستاس ماوتزوریس، دا یوه تراژیدي بللې ده او د اسوشیتد پرس خبري آژانس ته یې ویلي دي: «دا روښانه ده چې وضعیت په دې شکل دوام نه شي کولی. اوس موږ له دې خواشینوونکې پیښې سره مخامخ شوي يوو چې په ترڅ کې یې یوې لارې چې له واټ څخه استفاده کوله یو وړوکي افغان ماشوم چې لوبې یې کولې، وژلی دی.»