د سره صلیب نړیوالې کمیټې په حواله د شنبې (د اکتوبر میاشتې ۲۱ نیټه) په ورځ یوازې د هیرو ټاپو ته په یوې لرګينې کښتۍ کې ۷۸۳ تنه پناه غوښتونکي رسیدلي دي. په دې لرګينې کښتۍ کې د رسیدلو مهاجرو شمیر یو نوی ریکورډ جوړ کړی دی.
تر دې مخکنې ریکورډ د یوې بلې کښتۍ وو چې د اکتوبر میاشتې په ۳ نیټه له ۲۷۱ کسانو سره د اِل هیرو ټاپو ته رسیدلې وه.
۹۸ نوي مهاجر د شنبې په ورځ تینیریفه او ۱۵۰ نور بیا ګران کاناریا، ته رسیدلي دي. د جنوري له لومړۍ نیټې څخه د اکتوبر تر ۱۵ پورې د قناري ټاپوګانو ته ۲۳۵۳۷ تنه مهاجر رسیدلي دي چې د تیر کال د همدې مودې په پرتله ۸۰ سلنه زیاتوالی ښيې.
د اتلانتیک ۷ ټاپوګان د سینیګال او نورو افریقایي هیوادونو د مهاجرو په اصلي هدف بدل شوی، کوم چې هڅه کوي ځانونه هسپانیا ته ورسوي. نور مهاجر کوښښ کوي چې له مدیترانې بحیرې څخه په تیریدو ځانونه د هسپانیې خاورې ته ورسوي.
د سمندر په څپو کې د مرګ هرکلی
د مديترانې سمندرګي له لارې مهاجرتونه تل خطرناکه وي. په ورستيو کې د لیبيا ساحلي ساتونکو په يوه عمليات کې مهاجر له اوبو راويستل شول. مرستندويه سازمانونه وايي چې د ليبيا بيړني حالت د مرستو په رسولو کې خنډونه ايجاد کړي دي.
انځور: Reuters/J. Medinaد دغې ماتې شوې پلاستيکي کشتۍ په منځ کې د يوې ښځې او ماشوم جسدونه ليدل کيږي. د ملګرو ملتونو نړيوال سازمان وياند فلاويو دې حيلاکومو، دا يو «ډير غمجن حالت» وباله.
يوه ښځه ژوندۍ پاتې ده. په سمندر کې د اسپانيا د «پرواکتیوا اوپن آرمس» غير دولتي مرستندوی سازمان مرستندويانو دغې ښځې ته نجات ورکړی. په احتمال سره دغه ښځه د لیبيا د ساحلي ساتونکو له خوا يوازې پريښودل شوې، ځکه چې هغې نه غوښتل بيرته ليبيا ته وګرځول شي.
کپيتان مارک رایګ کريوز او د عملياتو مديره انابل مانتس د ېوې بادي کښتۍ موقعيت موندلو کوښښ کوي. کيدای شي دغه کښتۍ د «پرواکتیوا اوپن آرمس» غير دولتي سازمان له پاره د مهاجرو يوه ليږدونکۍ کښتۍ وي.
استر کمپس پر يوه غټ دوربين په سمندر کې د هغو کسانو لټون کوي چې له بيړني حالت سره مخ شوي دي. مرستندويانو دغه اوښتلې پلاستکۍ کښتۍ د سه شنبې په ورځ وليدله. هغوي يوه ښځه وژغورله، خو د يوې بلې ښځې او يوه ماشوم له پاره د مرستې رسيدل نور ډير ناوخته وو.
په اوبو کې موندل شوي جسدونه
مرستندويانو دواړه جسدونه په پلاستيکونو کې وپيچل. د «پرو اکتيوا» بنسټ ګر اوسکار کمپس پر ټويتر ليکلي: «د ليبيا ساحلي ساتونکو وضاحت ورکړ چې په يوه کښتۍ کې د سپرو ۱۵۸ مهاجرو د سفر مخنيوی يې کړی دی.» هغه زياته کړې ده: «کوم څه چې هغوی نه دي ويلي دا دي چې هغوی يو ماشوم او يوه ښځه د کښتۍ يا قایق پر بام پرېښي ول او دغه کښتۍ په بل مخ واوښته. ځکه چې هغوی نه غوښتل د ليبيا په کښتۍ کې سپاره شي.»
د ژغورنې يو غمجن عمليات پای: د «پرو اکتيوا اوپن آرمس» مرستندوی سازمان «آسترال» کښتۍ د اسپانيا يوه بندر پر لور د حرکت په حال کې ده.
ليکونکی: نرمین اسماعیل/ فلوریان میایر/پ.ع /م. ک. ص
په سپټمبر، اکتوبر او ځینې وختونه په نومبر میاشتو کې په سمندر کې معتدل او آرام آب و هوا د دې باعث ګرځي چې د مهاجرو شمیر لوړ شي.
د اروپا د باندنیو سرحدونو د حفاظت آژانس «فرونټکس» په حواله په سینیګال کې سیاسي بې ثباتي د دې سبب شوی دی چې ډیر شمیر اتباع یې د لویدیځ افریقا د مسیر له لارې دغه هیواد ترک کړي.
هسپانیې په روان کال کې دغه هیواد ته د غیر قانوني مهاجرو شمیر د زیاتیدو په اړه انديښنه ښودلې وه. دغه اروپایي هیواد لادمخه ویلي وو چې د اروپايي اتحادیي د غړو هیوادونو له مرستې پرته نه شي کولی په یوازیتوب له دې وضعیت سره مقابله وکړي.
د قناري ټاپوګانو ته د اتلانتیک سمندر لار چې معمولاً د جنوب صحرایي هیوادونو د مهاجرو له خوا کارول کیږي، د نړۍ دمهاجرت له تر ټولو خطرناکو مسیرونو څخه شمیرل کیږي.
آژانسونه: ش.ن/ ا.و.ا
