د اوکراین جګړه چې ترد وهمې نړېوالې جګړې وروسته په اروپا کې تر ټولو خونړۍ جګړه بلل کيږي، خپلې لسمې مېاشتې ته داخله شوې ده.
د امریکا متحده ایالاتو د اروزونو پر اساس، د اوکراین په جګړه کې د دواړو خواو څخه په لسونو زره سرتيري وژل شوي او ټپیان شوي دي. پر اوکراین باندې د روسېې پوځي یرغل، د کیوبا تر بحران وروسته د مسکو او لوېديځ تر منځ تر ټولو ستره مقابله رامنځ ته کړې ده.
پوتين: اوسنۍ لسيزه د نړيوالي جگړې راهيسي تر ټولو خطرناکه ده
د رويټرز د رپوټ پر اساس، روسېې اوکراین ته د جګړې له پاره په سلونو زره عسکر استولي دي چې په هغو کې د قسمي بسیج يو شمیر ځواکونه هم شامل دي.
پوتين په سپتمبر میاشت کې د قسمي بسیج اعلان وکړ چې له مخې ېې ۳ لکه ریزرف ځواکونه د پوځ په ليکو کې استخداميږي.
کریملين په یوې اعلاميه کې ويلي دي چې «ولادیمیر پوتین به د مور ورځې په مراسمو کې چې په روسیه کې د نومبر مياشتې په وروستۍ جمعه لمانځل کيږي، د هغو عسکرو له میندو سره وګوري چې په ځانګړي پوځي عملیات کې ېې برخه اخیستې ده.»
پر اوکراین تازه درنې حملې؛ لس ميليونه خلک بې برېښنا شوي
کريملین زیاته کړې چې پوتین به همدارنګه جګړې ته د بلل شوو ریزرفي او مسلکي پوځيانو له مېندو سره هم وګوري. د پوتين د قسمي بسیج په پروګرام کې پخواني پوځيان چې مسلکي وړتياوې لري هم اخیستل کیږي.
پوتين ويلي دي چې دی د اوکراين خلاف جګړه باندې چې روسيه ورته د «ځانګړي پوځي عملیات» نوم ورکوي، پښيمانه نه دی. پوتين دغه جګړه د عطف نقطه ګڼي چې روسېه بلاخره وتوانېده په ۱۹۹۱م کال کې د پخواني شوروي د پاشل کېدو حقارت وروسته، د لويديځ د لسیزو برتري خواهۍ په مقابل کې په خپلو پښو درېدلې ده.
پنټاګون: په اوکراین کې تر ۸۰ زره روسانو ته مرګ ژوبله اوښتې
خو په مقابل کې ېې اوکراین او لوېديځ وايي چې پوتين د اوکراین جګړې له پاره هيڅ توجیه نه لري او دا د امپراتورۍ په بڼه يو اشغالي جنګ بولي. اوکراين ټينګار کوي چې دوی به تر هغه وخته چې ټول روسي عسکر ېې له خپلې خاورې وښکلي وي، جګړې ته ادامه ورکوي.
اوکراين تر اوسه په جګړه کې د خپلو تلفاتو ارقام نه دي خپاره کړي، خو روسېې په وروستي ځل د سپتمبر پر ۲۱مه د خپلو تلفاتو اعلان وکړ. هغه وخت د روسېې دفاع وزیر، سيرګي شيوګو وويل چې ۵۹۳۷ روسي عسکر وژل شوي دي. نړیوال بیا د تلفاتو دغه شمیر له واقعي هغه څخه ډير ښکته ارزوي.
امریکا متحده ايالاتو د نومبر مياشتي پر ۹مه وويل چې د اوکراين په جګړه کې د روسېې او اوکراين دواړو له لوري تر یو لک ډېر سرتيري وژل شوي او ټپيان شوي دي.
mks/nz(Reuters)
له آرشیف څخه یو انځوریز البوم:
په اوکراین کې د جګړې وروستي تحولات په انځورونو کې
د اوکراین جګړه له مياشتې واوښته. لا هم د سولې کوم څرګ نه ښکاري. رپوټونه وايي تر اوسه ۳ اعشاريه ۷ ميلیونه خلک ترې مهاجر شوي دي. د ملکي تلفاتو ارقام هم تر زرو پورته ښودل کيږي. انځور: AA/picture alliance د کاتولیک کلیسا روحاني مشر، پاپ فرانسیس د يکشنبې په ورځ (د مارچ ۲۷مه) د واتيکان په سن پيترو میدان کې خلکو ته په وینا کې د افسوس په ښکاره کولو سره په اوکراين کې جګړه یوه «ظالمه او بې معنی جګړه» وبلله. هغه یو ځل بیا د جګړې د ژر تر ژره پای غوښتونکی شو.
انځور: Gregorio Borgia/AP/picture alliance د يکشنبې په ورځ په ګرجستان کې يو شمیر خلکو په نڅاوو سره د جګړې ضد مظاهرې وکړې. دوی د روسيې د ولسمشر، ولادیمیر پوتین په څيره جوړه شوې نانځکې ته اور واچاوه.
انځور: AP/picture alliance ماریوپول ښار د اوکراین یو له هغو ښارونو څخه دی چې د روسي ځواکونو په بمباريو او بریدونو کې تر ټولو ډير ويجاړ شوی دی.
انځور: Alexander Ermochenko/REUTERS د ملګرو ملتونو سازمان وايي دوی د اوکراین په جګړه کې تر اوسه د ۱۱۱۹ ملکيانو وژنه او د ۱۷۹۰ ملکیان ټپي کیدل ثبت کړي دي. دغه خبره په ژنیف کې د ملګرو ملتونو سازمان د بشر حقونو د عالي کمشنرۍ دفتر د مارچ په ۲۷مه وکړه.
انځور: Alejandro Martinez/AA/picture alliance د ماريوپول ښار چارواکو د تيرې اوونۍ په پاې کې ادعا وکړه چې په دغه ښار کې تر ۲۰۰۰ ډير ملکيان په جګړو کې وژل شوي دي.
انځور: AA/picture alliance ماریوپل څخه د ملکیانو د ایستلو پروګرام فرانسه، ترکيه او یونان پر یو ګډ«بشري ماموریت» کار کوي تر څو په ماریوپول کې بند پاتې شوي ملکیان د امن کوریدورونو په رامنځ ته کولو سره راوباسي. دغه خبره د فرانسې ولسمشر، امانويل مکرون کړې ده. په ماریوپل کې شاوخوا ۱۷۰ زره ملکیان بند پاتې دي.
انځور: Maksim Blinov/SNA/IMAGO روسيې د يکشنبې په ورځ وويل چې د اوکراین په جګړه کې يې ۱۳۵۱ عسکر وژل شوي دي. په انځور کې په ماريوپل ښار کې يو سوځيدلی ټانک ښکاري. انځور د شنبې ورځې د مارچ ۲۶مې دی.
انځور: AA/picture alliance د اوکراین د اودیسه ښار پر یوه واټ، دغه ښار ته د روسيي ځواکونو د مخنيوي له پاره اوسپنیزې موانع اچول شوي دي.
انځور: Petros Giannakouris/AP Photo/picture alliance د اوکراین په ليویف ښار کې ځایي خلکو د روسيي ټانګونو پر وړاندې پر لارو د ټانګ ضد موانع لګوي. دوی وايي په دې کار سره غواړي د روسي ځواکونو د يرغل پر وړاندې د خپل ښار او د اوکراین د نورو ښارونو ساتنه وکړي.
انځور: Pavlo Palamarchuk/REUTERS په جګړه کې د ملکيانو برخه د اوکراین په اوديسه کې يو شمیر داوطلب ملکيان چې غواړي د روسي ځواکونو پر ضد وجنګیږي، د وسلو د استعمال زده کړه کوي.
انځور: Vladimir Shtanko/AA/picture alliance د بریتانیا دفاع وزارت د دوشنبې په ورځ ادعا وکړه چې روسي ځواکونو د تیرو ۲۴ ساعتونو په جریان کې هيڅ ډول پرمختګ نه دی کړی. دغه وزارت ويلي دي چې د روسي ځواکونو د ضعیف مورال او د امکاناتو د کمښت له وجې پرمختګ نه دی کړی. خو زیاته کړې ېې ده چې د ماريوپل ښار په اطرافو کې درنه جګړه ادامه لري.
انځور: Alexander Ermochenko/REUTERS «موږ د سولې په لټه کې يو» د اوکراین ولسمشر ولاديمیر زیلنسکي د دوشنبې شپې په وینا کې وويل چې روانه اوونۍ په ترکیه کې د اوکراین او روسيې د سولې په مذاکراتو کې به «ملي حاکمیت او ځمکنۍ بشپړتیا» د دوی لومړیتوب وي. هغه همدارنګه وويل: «موږ د سولې په لټه کې يو، په ريښتا، له ځنډ پرته.» زیلنسکي زیاته کړه چې په ترکيه کې د سولې مذاکرات د مخامخ خبرو له پاره یو ښه فرصت دی.
انځور: Ukrainian Presidential Press Office/AP/dpa/picture alliance
