په غزه کې په وژل شوو مرستندويانو کې د بریتانیا، پولنډ او استراليا اتباع شامل دي. پولنډ او استرالیا له اسرائيله د وضاحت غوښتنه کړې. اسرائيل وايي يوه خپلواکه ډله به تحقیقات وکړي. د غزې وضعیت له «فاجعې بدتره» ښودل شوی.
ډبليو سي کا په یوه اعلامیه کې ويلي دي چې د دوی کارکونکي د مرمۍ ضد موټرو کې چې دوو ېې د دغه سازمان لوګو درلودلې سفر کاوه چې بريد پرې وشوانځور: Mohammed Saber/EPA
اعلان
وژل شوو کسانو د ورلد سنټر کچن (ډبليو سي کې) په نوم مرستندوېې موسسې له پاره کار کاوه چې د دغه سازمان په خبره د دوشنبې په ورځ د غزې تړانګې په مرکز کې د اسرائيل په هوايي بريد کې وژل شوي دي.
د پولند د بهرنیو چارو وزارت یوه ویاند په پلازمينه وارسا کې وويل: «موږ د اسرائيل له سفارت، د اسرائيل له امنيتي ځواکونو او پوځ څخه د وضاحت غوښتنه کړې ده.» ویاند زیاته کړه: «موږ پوهيږو چې حمله د غزې تړانګې د شمال په مرکزي برخه کې شوې چې په وژل شوو کسانو کې يو پولنډی هم شامل دی.»
د وياند په خبره دغه وزارت حاضردمه د ورلد سنتر کچن (WCK) مرستندوی سازمان او رسنیو پر معلوماتو تکیه کوي او دا چې وزارت د قرباني له خپلوانو سره خپله غمشريکي ښودلې ده.
په غزه کې د مرستندويې موسسې (يو ان اف پي اې) مشر، دامنیک الین، وايي په غزه کې وضعیت «له فاجعې بد» دی او که جګړه دوام وکړي، نو څه به پېښ شيانځور: AFP/Getty Images
په وژل شوو کسانو کې د امریکا متحده ایالاتو او کاناډا دوه ګوني تابعیت لرونکي هم شامل دي. ډبليو سي کا په یوه اعلامیه کې ويلي دي چې د دوی کارکونکي د مرمۍ ضد موټرو کې چې دوو ېې د دغه سازمان لوګو درلودلې سفر کاوه چې بريد پرې وشو.
د اسرائيل پوځ د سه شنبې په ورځ (د اپرېل ۲مه) وويل چې یوه خپلواکه او مسلکي مجربه ډله به د «ډبليو سي کې» سازمان د ۷ تنو وژل شوو کارکوونکو د پېښې په هکله تحقیقات وکړي.
د اسرائيل د پوځ ویاند، دانیل هاګري، په یوه اعلاميه کې ويلي دي چې دغه پېښه به «د حقیقت موندنې او ارزونې میکانیزم» په چوکاټ کې ترسره شي. هاګري زیاته کړې چې د «ډبليو سي کا» له مشر، چیف خوزه اندریس سره ېې خبرې کړي او د پېښې په هکله ېې ورسره ژوره خواشينې شريکه کړې ده.
د ډبليو سي کې موسسې اجرائيوي مشرې، ايرین ګور ويلي: «دا یوازې پر ډبليو سي کا باندې حمله نه ده، دا پر ټولو بشري سازمانونو حمله ده. میرمن ګور زیاته کړه: «دا نه هېرېدونکې ده.»
رپوټونه وايي په غزه کې د ډبلیو سي کا مرستندویه موسسې موټرونه دوشبنه د اپریل دوهمه د اسرائيل هوايي ځواکونو له خوا په نخښه شولانځور: Ahmed Zakot/REUTERS
البانیزی د سه شنبې په ورځ یو خبري کنفرانس ته وويل: «دا یوه انساني تراژيدي ده چې باید هېڅ کله رامنځ ته شوې نه وی. دا په بشپړه توګه د نه منلو ده او استرالیا د پوره او موثرې حساب ورکونې په تعقیب کې ده.»
په دې منځ کې په غزه کې د مرستندويې موسسې (يو ان اف پي اې) مشر، دامنیک الین، ويلي دي چې هغه «وحشت وهلی» شوی. نوموړی وايي که په غزه کې جګړه لا پسې دوام وکړي، نو څه به پېښ شي. هغه د فرانسې خبري آژانس سره په خبرو کې وويل چې وضعیت له «فاجعې څخه هم اوښتی» دی. پر وینا ېې غزه کې ډنګر او له لوږې سره مخ خلک د خپلې ورځنۍ ډوډۍ له پاره هڅې کوي په داسې حال کې چې دارو درمل هم په شدت کم دي.
جان ایګلنډ د ناروې د کډوالو د شورا (NRC) عمومي منشي له CNN سره په مرکه کي خبرداری ورکړ، چي په غزه کي یو انساني ناورین سترګي په لار دی. «د بېلګي په ډول که چیري په روغتونونو کي د برېښنا د نشتوالي او لوږي له لاسه کوچنیان ومري، دا به جنګي جنایتونه وشمېرل سی.»
انځور: Mahmud Hams/AFP/Getty Images
یحیی سنوار، په غزه کي د حماس د سیاسي دفتر مشر
یحیی له ۲۰۱۷م کال راهیسي په غزه کي د حماس تروریستي ډلي مشر دی. هغه پر اسرائيل د برید له طراحانو څخه ګڼل کیږي. سنوار، چي د کډوالو په پنډغالي کي لوی سوی دی، ویلي دي: «موږ دا غوره ګڼو، چي شهیدان سوو، د دې پرځای، چي تر ظلم او سپکتیا لاندي ومروو.»
انځور: Mohammed Abed/AFP
د لوړي کچي فشار
د حماس ویاند خبري اژانسونو ته ویلي دي چي هر واري چي اسرائيل بیله خبرتیا پر غزه بمبار وکړي یو نیول سوی اسرائيلی به وژل کیږي. په داسي حال کي چی د اسرائيل د باندنیو چارو وزیر الی کوهن ګواښ وکړ چي دا ډول کړنی به هیڅ ونه بخښل سي. حماس پر اسرائيل باندی د برید پرمهال په لسهاوو اسرائيليان له ځان سره ژوندي بیولي دي.
