نن نامعلومه وسله والو کسانو پیښور ته څیرمه د جمرود په سیمه کې د ناټو له پاره د وړونکي اکمالاتي لاریو پر کتار باندې برید کړی دئ. د پاکستان له لوري د ناټو پر وړاندې د اکمالاتي پولې د پرانیستلو وروسته دا لومړۍ پیښه ده. یوه ځایي دولتي چارواکي بختیار خان ویلي دي چې دوه وسله وال کسان چې په موټر سایکل سپاره ول پر یوې لارې برید کړی دئ چې په پایله کې د لارۍ چلوونکي وژل شوی او کلینر ئې ټپي شوی دئ.