د آلمان د «اولم» پوهنتون د يوې څېړنې پايله ښيي چې د کرونا بشپړ واکسيناسيون د زکام په مقابل کې هم مصونيت رامنځته کوي او همدا راز د زکام شدت راکموي او ترې په رغيدو کې مرسته کوي.
انځور: Christin Klose/dpa-tmn/picture alliance
اعلان
په آلمان کې ترسره شوې يوه څېړنه ښيي چې د کرونا ويروس پر ضد بشپړ واکسيناسيون د عادي زکام څخه په ساتنه کې هم مرسته کولی شي.
زکام يا رېزش يوه ډېره عامه ناروغي ده چې وژونکې نه ده؛ تبه او لړزه، له پزي د اوبو بهېدل، د ستوني درد او د بدن ضعيفوالی یې علايم دي. زکام د ناروغ د بدني وضعيت پر اساس کله شديد او صعيف وي او ترې د ښه کیدو په موخه انسان د څو ورځو استراحت ته اړتيا لري.
اوس د آلمان په جنوب کې د «اولم» پوهنتون د کرونا واکسين په اړه يوې څېړنې ښوولې چې د کرونا دوه ځلي واکسين د انسان بدن د زکام په مقابل کې هم ساتي. په واکسين شويو کسانو کې ښايي د زکام علايم ډېر خفيف وي او ناروغي پرې ډېر آسانه او ژر تېره شي.
څېړونکو د تحقيقاتو په ترڅ کې يوه ۲۴ کسیزه ډله تر آزموينې لاندې نيولې وه او له دې کسانو څخه يې د استرازينکا او بيونتيک واکسينونو تر ترزيق مخکې او وروسته د وينې نمونې اخيستې وې چې ټول پروتین، اليکتروليت او انتي بادي پکې موجود وي.
د کرونا او زکام ويروسونه د پروتين د سپايک په جوړښت کې سره ورته دي او دا چې د استرازينکا او بيونتيک واکسينونه د « mRNA» پر اساس جوړ شوي، نو حجرې د دې پروتين د نفوذ په مقابل کې مجهزوي.
تر مقايسې وروسته مشخصه شوه چې د تر واکسيناسيون وروسته د بدن حجرو د بېلا بېلو ويروسونو پر وړاندې مصونيت پيدا کړی دی.
حتی هغه کسان چې يوازې يو ځل واکسين شوي ول، د کرونا د دوو ډولونو، زکام او د يوه بل ویروس په مقابل کې یې نسبتاً ضعيف معافيت ښوولی. دا تاثير بيا د واکسيناسيون تر بشپړيدو يعني تر دوو واکسينو وروسته له يو نیم تر څلور برابره زيات وو.
خو څېړونکي وايي امکان لري چې واکسيناسيون ونه شي کولی د موسمي زکام مخه په بشپړه توګه ونيسي او د بدن معافيت ناپايدار او د لنډې مودې له پاره وي. خو تر دې دمخه ترسره شوې څېړنې ښيي چې همدا ضعيف معافيت هم کولی شي په زکام د اخته کيدو خطر راکم، موده یې لنډه او شدت یې راکم کړي.
خو په دې اړه حتمي نتيجه ګیري البته لا ډېرو علمي څېړنو ته اړتيا لري.
ب. ص/ ن. ز (دويچه ويله فارسي)
زموږ له آرشيف څخه:
څنګه کولی شئ د کرونا پر مهال ځان له خفګان څخه وساتئ؟
د کرونا وبا یو وار بیا د نړۍ نظم ګډوډ کړی. دلته او هلته رخصتۍ او محدودیتونه حاکم دي، خو نور د خلکو زغم پاي ته رسیدلې او ډيري په ژورخفګان اخته دي. د څو ساده ټکو په مراعاتولو له ویرې او خفګان سره مقابله وکړئ.
انځور: Federico Gambarini/dpa/picture-alliance
قدم وهلو ته ولاړ شئ
په آزاده هوا کي پر پياده رو چټک ګرځيدل او حتي د کرنیزو ځمکو له لارې، د ويالو، ځنګلونو او پرغرنیو سیمو، د سیند پر غاړه ګرزیدل آرامښت بخښونکي وي. د څيړنو پايلې ښيې چې آلمانان د کرونا وبا څخه تر مخه د پخوا په پرتله زيات قدم وهي او پلي ګرځي.
انځور: Federico Gambarini/dpa/picture-alliance
نړۍ خپلې خونې ته راولئ!
د سيلانيانو او سیاحت په برخه کي وضع شوو محدوديتونو ته په کتولو سره خلک په هغه وخت پسې خفه دي چې خپل د سفر بکسونه وتړي او په بيړۍ يا الوتکه کي سفر وکړي. خو ډير شمير انټرنټ پاڼې د سياحت په زړه پورې ویدیويي فلمونه او موزيمونه نندارې ته وړاندي کوی، له هغي ګټه واخلئ او پرته له پيسو سفر وکړئ.
انځور: Colourbox/L. Dolgachov
پاڅيږه او روان شه!
خپل بایسکل راواخلئ يا په يو پارک کې په ځغاسته پيل وکړئ! په خپله خونه کي سپورټ او يوګا وکړئ! يا د بدن جوړولو په آنلاین کلاسونو کي برخه واخلئ چې په همدې موخه په لاره اچول شوي دي.
انځور: Getty Images/AFP/T. Akmen
خيالي ځایونو ته سفر وکړئ
زړه مو غواړي چې د يو سيالي خوښونکي په توګه د پيښو لټون وکړئ. ويديوې لوبې تاسی ته ډير ښه امکانات برابروي چې انديښنه له ځانه لري او ملاقات هير کړئ او بلې نړۍ ته ولاړ شئ. يا په انترنت کی نوي لوبغاړو سره ملاقات وکړئ.
د جاپانئ ښځې کتاب له لارښوونو څخه زده کړه او پاڅيږه! هغې په خپل کتاب کې د ژوند بل ډول کول د کور په ښه ډول نظم او ترتيبولو سره لارښوونه کړې ده. چې دغه سمون روح او روان ته سکون او آرامتیا وربخښې.
انځور: picture-alliance/dpa/Netflix/D. Crew
پخلې وکړئ!
د لنډ وخت له پاره هم چې وې له چمتو شوي خوړو څخه ډه ډه وکړئ! خپل خلاقيت په تازه خوړو چمتو کولو کي وکاروئ. بی دلیله نه ده چې د پخلي کلاسونو دومره مینه وال موندلي دي.
انځور: Fotolia/MK-Photo
له ګل او واښو سره ناسته وکړئ!
که له ګل او واښو سره علاقه ولرئ او که نه، خو په هر حال په خونه، انګړ او يا برنډه کي د ګلانو او واښو روزنه ارامونکي ده، له تاسی شترس لیري او ښه احساس درکوي.
انځور: picture-alliance/dpa
یوګا سپورت !
یوګا ورزش د ځان آرامه کولو ښه لار ده. ستاسی ذهن له ناآرمه کونکو فکرونو څخه لیرې کوي، بدن ته مو آرامي او سکون وربحښې. په انترنت کي د دې سپورت د زده کړې ډيرې ویډیوګانې شتون لري.
