تروريزم
چارواکي: په بغلان کې د طالبانو برید ۴۴ امنیتي ځواکونه وژلي
۱۳۹۷ مرداد ۲۴, چهارشنبهاعلان
د بغلان ولایت چارواکو ویلي دي چې په دې پیښه کې ۴۴ افغان پولیس او سرتیري وژل شوي. طالبانو په وروستیو وختونو کې پر افغان ځواکونو باندې خپلو بریدونو ته زور ورکړی دی.
لا تر اوسه پورې د افغانستان دفاع وزارت په دې اړه څه نه دي ویلي، خو ځايي چارواکو بیا ویلي دي چې په پیښه کې نهه پولیس او ۳۵ سرتیري وژل شوي دي.
په یوې بلې جلا پیښه کې طالبانو په زابل ولایت کې د چهارشنبې په سهار د پولیسو پر پوستو بریدونه کړي چې په پایله کې یې څلور پولیس وژل شوي او درې تنه نور ټپیان دي.
د زابل ولایت د پولیسو قوماندان مصطفي مایار، ویلي دي چې په دې سیمه کې جګړې د څو ساعتونو له پاره دوام وکړ چې په پایله کې یې همداراز اووه یاغیان وژل شوي او پنځه نور ټپیان دي.