د فرانسې خبري آژانس د رپوټ پر اساس، د ژغورنې ټيمونو د ځمکې او هوا له لارې سيمې ته دانګلي دي، خو داسې ښکاري چې هوايي ډګر او د برېښنا سیستم ته اوښتو زیانونو ېې هڅې له خنډونو سره مخ کړي. دا په داسې حال کې ده چې دغه سیمه وار دمخه حتی د څښاک پاکو اوبو له یو مزمن کمښت له خطر سره مخ وه.
یوې امنيتي سرچينې د فرانسې خبري آژانس ته وویل چې د ۱۴ مړه شوي کسان په یو موقتي نوملړ کې ذکر شوي دي.
د مایوت ښاروال، امبدلواحدو سومیلا، وويل ۹ کسان چې ډېر شدید ټپيان شوي په روغتون کې له ژوندي پاتې کېدو سره مبارزه کوي، په داسې حال کې ۲۴۶ تنه نور هم سخت ټپیان شوي دي.
مایوت ټاپو د هند په سمندر کې د موزمبیق شرق ته په شاوخوا ۵۰۰ کیلومترۍ کې پروت دی. د مایوت په اطرافو کې د چیدو توپان له پيلېدو سره سم د هغو ۳۲۰زره اوسیدونکو ته په قرنطین کې د پاته کېدو سپارښتنه شوې وه.
د فرانسې د کورنيو چارو سرپرست وزیر وويل چې مایوت کې د تلفاتو د لوړېدو اندېښنې شته او د هغو نهايي شمېر معلومول به ېې څو ورځې وخت ونیسيانځور: Olivier Corsan/MAXPPP/dpa/picture alliance د فرانسې د کورنیو چارو سرپرست وزیر، برونو رتایو، د شنبې په ورځ ناوخته په پاریس کې د بحران تر یوې غونډې وروسته وویل چې د چیدو باد سرعت په یو ساعت کې ۲۲۶ کېلومتره دی چې د «قلمرو اکثره ښارګوټي ېې» په بشپړه توګه له منځه وړي دي.
زیاته شوې چې دغه توپان دومره ځواکمن دی چې د برېښنا پايې ېې غورځولي، ونې ېې له رېښو رااېستلي او د بامونو آهن پوښونه او دېوالونه ېې راغورځولي دي.
داخله وزیر د تلفاتو په هکله وويل چې د هغو بشپړ شمېر معلومول به «څو ورځې وخت ونیسي او موږ د ېې د لوړېدو اندېښنه لرو.»
د رتایو دفتر ويلي دي چې نوموړی به د دوشنبې په ورځ مایوت ته ولاړ شي. هغه سره به په دغه سفر کې ۱۶۰ عسکر او د اطفائيې پرسونل هم مله وي تر څو هلته د مخه ګمارل شوو ۱۱۰ تنه پرسونل سره مرسته وکړي.
له آرشیف څخه:
اقليمي بدلون؛ پاکستان کې تودوخه له ۵۰ درجو اوښتې
د پاکستان په يو شمير سيمو کې د حرارت درجه له ۵۰ سانتي ګراد اوښتې او مېندوارو ښځو، ماشومانو او د پاخه عمر کسانو ته د احتیاط سپارښتنه شوې. کارپوهان د تودوخې لوړې درجې، سېلابونو او نورو طبیعي پېښو یو لامل اقلیمي بدلون ښيي.
انځور: Shakeel Ahmad/AA/picture allianceد پاکستان هوا پيژندنې ادارې دوشنبه د ۲۰۲۴م کال د می ۲۷مه اعلان وکړ چې د سيند په موهنجو دارو کې چې د نړۍ له سترو لرغونو ښارونو څخه يو دی، د حرارت درجه د سانتیګراد په کچه ۵۳ ته پورته شوې ده.
مېندواره مېرمنو ته خبرداری
د پاکستان حکومت خبرداری ورکړی چې په نهایت ګرمې هوا کې مېندواره مېرمنې، ماشومان او زاړه افراد تر ټولو ډېر له خطر سره مخامخ وي.
د پاکستان حکومت د ګرمې هوا له کبله د ښوونځیو د تړلو او د آزموینو د تعویق ته اچولو امر کړی دی.
پاکستان همدارنګه په روغتونو کې بېړنی حالت اعلان کړی او په زرونو موقتي کمپونو يې چمتو کړي دي.
د نورو ګرمو څپو وړاندوینه
د پاکستان د اقليم بدلون وزارت په جون مېاشتې کې هم د تودښې دوو نورو څپو وړاندوينه کړې چې لا ډېرې سېمې به وځپي.
پاکستان په وروستیو کلونو کې سېلابونو هم سخت ځپلی دی. هرکال د پاکستان په سېلابونو کې په سلونو کسان خپل ژوند له لاسه ورکوي.
په دې وروستیو ورځو کې د افغانستان په مختلفو ولایتونو کې سېلابونو په سلهاوو کسان وژلي او درانه زیانونه ېې اړولي دي. بغلان، سرپل او غور ولایتونو کې تر ټولو ډېر زیانونه اوښتي.
هند او بنګله دیش کې سایکلون رمال
د ۲۰۲۴م کال د می ۲۷مې رپوټونو په حواله د رمال په نوم سايکلون يا طوفان په بنګله دیش کې ۱۶ کسان وژلي. دغه طوفان په مجموع کې ۳ اعشاریه ۷۵ میلیونه خلک اغیزمن کړي دي.
په لسونو زره کورونه تخریب شوي
د بنګله دیش حکومت اعلان ويلي چې دې طوفان یوازې په دغه هېواد کې ۳۵ زره او ۴۸۳ کورونه له منځه وړي او ۱۱۵زه او ۹۹۲ کورونه ېې تخریب کړي دی.
رپوټونه وايي په بنګله دیش کې د رمال سایکلون يا طوفان د سمندر څپې راپورته کړې چې له کبله ېې ښارونه سیلابونو لاندې کړي دي.
په هندوستان کې سایکلون رمال لږ تر لږه ۶ کسان وژلي. رپوټونه وايي طوفان د سمندر څپې راپورته کړې چې له کبله ېې ښارونه سیلابونو لاندې کړي دي. انځور د هندوستان د کلکتې ښار دی.
د ټایلند حکومت هم په وروستیو کې اعلان وکړ چې په ټولو سېمو کې د حرارت درجه لوړه شوې او په ځانګړې توګه ناروغانو ته ېې سپارښتنه کړې وه چې له کورونو بهر ونه وځي.
د ګرمې هوا نه علاوه په سړې هوا او ورښتونو کې هم بې نظمي ليدل کيږي. د روان کال د اپريل په ۲۱مه د آلمان په یو شمېر سيمو کې سړې څپې چلېدلې او په ځينو سېمو کې درنه واوره وورېده.
