د چین په ختیځ نانجینګ ښار کې سیمه ایزو چارواکو د شنبې په ورځ (د ۲۰۲۴ کال د فبرورۍ ۲۴نېټه) ویلي دي چې په دغې اور لګیدنه کې ۴۴ تنه نور ټپیان شوي دي چې د یوه تن وضعیت یې د انديښنې وړ دی.
د لومړنیو معلوماتو له مخې اورلګیدنه د جمعې ورځې په سهار د ودانۍ په لومړي پوړ کې هغه وخت رامنځته شوه چیرې چې د ودانۍ اوسیدونکو خپل برقي سکوټرونه چارجول.
اور وژونکې عمله وتوانیدله له غرمې مخکې اور تر کنترول لاندې راولي او تر ۵۰۰ ډیر کسان چې په ودانۍ کې میشت ول شاوخوا هوټلونو ته انتقال کړي.
انځورونه: اور په چين کې یوه سيمه په کنډواله واړوله
د چین په بندري ښار تیانجین کې اور او درنو چاودنو د صنعتي زون یوه لویه برخه ویجاړه کړه. د وژل شوو شمیر ۵۰ تنو ته او د ټپیانو بیا ۷۰۰ ته لوړ شوی دی. د یو شمیر ټپیانو وضعیت د اندیښنې وړ دی.
انځور: Reuters/China Dailyپه بندر کې د ولاړو سمندري بیړیو له کنتینرونو څخه لوگی پورته کیږي. ویل کیږي چې لومړی په یوه گودام کې اور لگیدلی وو او تر هغه وروسته څو سختي چاودني رامنځ ته شوې.
تر چاودنو وروسته آسمان ته د پورته کېدونو اور شغلې له څو کیلومتره وړاندي څخه هم لیدل کیدای شوای.
تر اوسه لا د اور لگیدنې او د چاودنو د رامنځ ته کیدو اصلي علت معلوم نه دی. د چاودنو ځای ته څیرمه د استوگنځایونو او دفترونو له پاره نوي ودانۍ جوړیدې.
ویل کیږي چې چاودنه دومره زوروره وه، چې خلکو فکر کاوه زلزله وشوه.
د اور د لمبو د لیدلو او د سختو چاودنو تر اورېدولو وروسته خلک د وارخطایي په حالت کې له خپلو کورونو څخه راووتل.
د تازه معلوماتو له مخې د وژل شوو کسانو شمیر ۵۰ تنو ته لوړ شوی دی. همداسې شا او خوا ۷۰۰ کسان روغتونونو ته وړل شوي دي چې پکښې د ځینو روغتیایي حالت د اندیښنې وړ دی.
په لویه کچه د اور لگیدنې او زورورو چاودنو په پایله کې ډیرو ودانیو ته هم زیان رسېدلی دی.
د چهارشنبې په ماسخوتن پر لگیدلي اور باندي د بلې ورځې تر سهاره هم کنترول نه وو ترلاسه شوی. د اور وژنې شاوخوا ۱۰۰۰ عمله سملاسه د پیښې ځای ته رسیدلي ول.
اوس کارپوهانو د دغي پیښي د رامنځ ته کیدو د علت په هکله پلټني پیل کړي دي.
د دغو چاودنو له کبله اغېزمنو شوو کسانو له پاره مؤقتي خیمې ودرول شوې.
د اور لگیدنې او چاودنو له کبله د موټرو په پارکنگ یا تم ځای کې ولاړ زر موټره هم وسوځیدل.
د جیانګسو ولایت مرکز نانجینګ ښار، څه دپاسه اته میلیونه نفوس لري او د شانګهای په لویدیځ شاوخوا ۲۷۰ کیلومترې کې موقعیت لري.
په چین کې د احتیاطي یا وقایوي معیارونو د نه مراعاتولو په دلیل په پرله پسې ډول د استوګنې په ودانیو کې د اورلګیدنې پيښې رامنځته کیږي چې اکثره یې د مرګ ژوبلې سبب کیږي. د روان کال د جنورۍ میاشتې په پای کې په جیانګشي ولایت کې د اوستوګنې په یوې ودانۍ کې د اورلګیدنې په پایله کې ۳۹ کسانو خپل ژوند له لاسه ورکړی وو.
آژانسونه:ش.ن/ ا.و.ا
