د چین د بهرنیو چارو وزارت انتقاد کړی دی چې حقایق له پامه غورځول کیږي، څو په اصطلاح «د چین ګواښ» ډير لوی وښودلی شي. زیاته شوې ده چې «امریکا متحده ایالات د چین په کورنیو چارو کې مداخله کوي، د چین پر کمونیست ګوند تهمت پورې کوي او برید پرې کوي. دا د چین له پاره د یوه پارونکي جدي سیاست نښه ګڼل کیږي.»
چين د پوځ د ستروالي په برخه کي ترمخه لا امريکا متحده ايالات شاته پرې ايښي دي. دغه هيواد ۳۴۸ جنگي بېړۍ خو متحده ايالات ۲۹۶ جنگي بېړۍ لري. چين د روان عيسوي کال په جون مياشت کي د فوجيان ۳ ډوله نوې الوتکه وړونکې بېړۍ کار اخيستنې ته وسپارلې کومه چي چيني انجينرانو جوړي کړې دي.
انځور: Li Gang/Xinhua/picture alliance
ستره دفاعي بوديجه
چين تر امريکا متحده ايالاتو وروسته تر ټولو ډېره دفاعي بودجه لري. دغه هيواد په ۲۰۲۱م کال کې ۲۷۰ ميليارده ډالره او متحده ايالاتو ۷۶۸ ميليارده ډالره پر دفاعي بودجې ولگول. هند په ياد کال ۷۴ ميليارده ډالره دفاعي بودجه ولرله او په دې توگه پر دريم مقام دی.
انځور: Zhang Haofu/Xinhua/picture alliance
اټومي وسلې
د امريکا متحده ايالاتو د دفاع وزارت تېر کال د نوامبر په مياشت د چين د اټومي وسلو په هکله يو اټکل خپور کړ. د دغه اتکل له مخي به چين تر ۲۰۳۰م کال پوري تقريبا ۱۰۰۰ اټومي وسلې ولري. دا شمېر د امريکا تر ۵۵۵۰ اټومي وسلو کم دی. خو د چين د اټومي وسلو ډېرښت خورا چټک دی.
انځور: Liu Kun/Xinhua/picture alliance
د راتلونکي وسلې
زيات راپورونه وايي چي چين تر ږغ چټک داسي توغندي او وسلي جوړوي چي په هر ډول حالاتو کي د نړۍ په هر کونج کي نخښه ويشتلای شي. که څه هم چي چين دا ردوي چي تر ږغ چټک راکټونه جوړوي، خو کارپوهان وايي چي چين د دا ډول توغنديو دوې ازمويني لا کړي دي.
انځور: Hu Shanmin/Xinhua/picture alliance
سايبري بريدونه او مصنوعي ځيرکتيا
دا هغه ساحه ده چي چين پکښي په چټکۍ او زياته اندازه پانگونه کوي. دغه هيواد خپل پوځونه دې ته چمتو کوي چي په سايبري او د مصنوعي ځيرکتيا و راتلونکو جگړو ته تياری ولري. د امریکا متحده ايالاتو د دفاع وزارت په وينا چين په ممکنه توگه د روبوټي عسکرو په شان د نوي ټيکنالوژۍ څښتن دی.
