چينایان د ډیرې پخوا زمانې څخه د پسرلي راتګ جشن نیسي. په چين کې کله چې د ژمني خوب یا وخت پای ته رسیږي، ښامار خپل سرپورته کوي. ښامار په چين کې د مخلوقاتو او د آب او هوا حاکم بلل کیږي. چينایان د ډیرې پخوا زمانې راهیسې په دې باور دي چې د پسرلي په پیل کې د ښامار ستایل په کروندو کې برکت راولي.

کروندګر د پسرلي په پيل کې ځمکې د کر له پاره تیاروي. د چين د کلیوالي سیمو خلکو له پاره د پسرلي موسم که له یوې خوا د کار د فشار وخت وي، له بلې خوا د دې فصل له تازه آب و هوا څخه خوند اخلي.

د چين د سویل میائو خلک د مانګائو یا د دوی په اصطلاح د«کوهستانونو خدای» په را څرګندیدو سره د پسرلي هرکلی کوي.

د پسرلي د خوښۍ احساس نه یوازې باید له انسانانو، بلکې له حیواناتو او مارغانو سره هم وویشو. یقيناً د پسرلي لومړۍ ګرمې ورځې نه یوازې د انسانانو، بلکې د الوتونکو مارغانو له پاره هم د ګلانو د غوړیدا پر وخت د روح او روان د تازه کیدو سبب کیږي.

د سړشمو ګلان چې د تیلو د تولید په موخه کرل کیږي، د چين پسرلي ته یوه ځانګړې ښکلاء وربخښې. چين په نړیواله کچه د دغو دانو(شړشمو) تر ټولو لوی تولیدونکی هیواد دی.

د کليوالي سیمو برخلاف د چين د ښارونو آب و هوا ډیره زیاته ککړه ده. د لویو ښارونو اوسیدونکي په دې موسم کې لیري پرتو سیمو ته زي، تر څو د غریزو سیمو له تازه هوا څخه خوند واخلي. د سیمې خلکو هم په یوه نوخت لاس پورې کړی دی او د غریزو سیمو تازه هوا په پلاستیکونو کې بندوي او پر خلکو یې پلوري.

د پسرلي تازه هوا، د چين په غریزو سیمو کې د رنګه رانګه ګلانو د غوړیدو او ښلاء ترکيب یوه ځانګړې فضاء رامنځته کوي.

دا انځور په لومړي نظر کې انسان ته هلمند ور په یادوي. خو دا هلمند نه دی. دا د چين پلازمېنه پیکنګ ته نږدې په غریزه سیمه شانګفنګ کې د دې هیواد تر ټولو لوی ملي پارک دی چې د بادي بریښنا د تولید پکي په کې نصب شوي دي او شاوخوا یې د ګلانو په زړه پورې منظرې لیدل کیږي.

تازه هوا، ښکلې منظرې او ښایسته سپین نوي غوړیدلي ګلان: په چين کې به له دې وطني ګلانو څخه څه شي ډیر په زړه پورې وي. دغه میرمنې د چين په چیانګ کینګ سیمه کې د پسرلي له دې فرصت څخه په استفادې خپل یادګاري سلفي عکسونه اخلي.