چين د امريکا د متحده آيالاتو د بهرنيو چارو د وزيرې، هيلري کلينټن، د څرګندونو په اړه چې د چين د لويديځ سمندر د ټاپوګانو په هکله يې کړې وې، «نارضايت» څرګند کړی دی. دغه خبر دولتي رسنيو ورکړی دی. د چين د بهرنيو چارو د وزارت وياند، چين ګنګ، د دولتي سينهوا خبري اژانس د راپور له مخې ويلي دي چې «د امريکا متحده آيالات دې د دياوو ټاپوګانو په اړه يو مسوولانه دريځ غوره کړي.» دغه ټاپوګانې د جاپان له خوا اداره کيږي.