چينايي چارواکو د سه شنبې په ورځ د کرونا ويروس ۱۸۸۶ نويو قضيو د ثبتيدو خبره کړې ده چې دا په روانه مياشت کې په يوه ورځ کې په چين کې د نويو مثبتو پیښو تر ټولو ټيټ شمیر دی.
په هغه رپوټ کې چې د چين د ناروغيو د کنترول او وقایې د مرکز له خوا د دوشنبې په ورځ خپور شوی، ويل شوي چې په دې ویروس اخته شوي ۸۰ سلنه یې خفيف علايم ښيي خو د زړو او نارغانو له پاره بيا دغه ويروس د مرگ خطرلري.
د کوويد – ۱۹ له امله د مړينې کچه تقريباً دوه فيصده ده چې د سارس د ناروغۍ څخه ټيټه ده. يعني د سارس ناروغي یې په پرتله ډیره وژونکې وه. خو نوی کرونا ويروس چې د انفلونزا په څېر علايم لري، که د نورو ناروغتياو په پرتله ډېره خپره شي نو بيا ښایي ډېره وژونکې ثابته شي. موسمي انفلونزا ۰،۱ سلنه وژونکې ده خو هر کال له دې کبله چې په ميليونو خلک پرې اخته کيږي، په سلونو زره کسان وژني.
د مړو شمير تر ۱۸۰۰ اوښتی
د چين د روغتيا ملي کميسيون د سه شبنې په ورځ د نورو ۹۸ کسانو تر مړېنې وورسته د ويروس له کبله د دسمبر له پای راهيسې د مړو شويو کسانو تازه شمير ۱۸۶۸ وښود. چارواکو وویل چې د نويو پېښو په شمیر کې ثبات د دې ښکارندوي کوي چې د ويروس د مخنيوي په موخه په لاره اچول شوي تدابير اغیزمن ثابتيږي.
په ټوله نړۍ کې د کرونا ويروس د واکسينو د موندلو له پاره څيړنې روانې ديانځور: picture-alliance/dpa/A. Dedert د سه شنبې په ورځ يوې دولتي ورځپاڼې رپوت ورکړی چې چينايي چارواکي د کوويد – ۱۹ د واکسين او نويو درملو د جوړولو له پاره هلې ځلې کوي. په دې کې د وينې يوه داسې معاينه هم شامله ده چې نتیجه یې ژر معلوميږي.
«څه ويل به له وخت دمخه وي»
خو د روغتيا د نړيوال سازمان (WHO) مشر ديدروس ادهانوم غيبريسس د دوشنبې په ورځ وويل چې د ويروس د نويو پېښو د ثبات د تمایل سره «بايد ډېر محتاطانه چلن» وشي. هغه وويل چې دغه تمايل د نورو کسانو په دې ويروس تر اخته کيدو وروسته تغير کولی شي. دا به د وخته مخکې وي چې د نويو پېښو کمښت دې همداسې دوام پيدا کړي. اوس هم د هر ډول حالت سره مخامخ کيدلی شو.»
bs/sr (AP, Reuters, AFP)
زموږ له آرشيف څخه:
د ورځې انځور: شاهي ساتونکي هم ماسک اغوستو ته اړ سول
د دغو انځورونو ليدل مو په نړۍ کې له په زړه پورو پيښو او يا هم د ښکلو او بدو پيښو څخه خبروي. په دغه انځوريز البوم کې به د ورځنيو په زړه پورو پيښو علاوه، د ځينو هیوادونو د پخوانيو دوديزو جشنونو انځورونه هم وګورئ. انځور: Reuters/Heo Ran د کرونا وايروس ويره تر شاهي قصرونو پورې په دغه انځور کې د سويلي کوریا په پلازمينه سيول کې د دوک سونګ ماڼۍ ساتونکي ویني چې د کرونا ويروس له ويرې اړ شوي له ماسکونو څخه استفاده وکړي.
انځور: Reuters/Heo Ran انديښمنه مور او له حالاتو بې خبره ماشوم د چین په ټولو سرحدونو کې د مسافرو د معاینه کولو مرکزونه فعال شوي دي. دوی لويان او ماشومان ټوله معاینه کوي تر څو یې په بدن کې د کرونا ويروس شتون یا نشتون معلوم کړی وي.
انځور: AFP/Phyo Maung Maung د لمر سترګې تر ټولو نوی انځور د لمر د سترګي په سطحه کي د اور څخه جوړې دغه طلايي پوڼاکې تل د تغيير په حال کې وي. په انځور کې دغه ځای ډير کوچنی ښکاري، خو په اصل کې يې مساحت د ايران په څير د یوه هیواد یو په دريمه برخې په اندازه دی.
انځور: picture-alliance/dpa/NSO/AURA/NSF د سکاتلند په شتلند ټاپوګانو کې هر کال د «اور ۱۲» په نوم جشن لمانځي. د شتلند اوسیدونکي په دغه جشن کې د وایکنګرز کالي اوغوندي. په سکاتلند کې دغه دود له ۱۴۰ کلونو راپديخوا لمانځل کيږي. وایکنګر انګلیسي کلیمه ده چې معنی يې «سکندنيايی کشتي چلونکی» دی.
انځور: picture-alliance/PA Wire/A. Milligan د المپيک سمبول په آسمان کې د جاپان هوايي ځواکونو په یو جالب اقدام کې په هوا کې د المپيک پنځه حلقه يې سمبول رسم کړ. دوی دغه کار په ټوکيو کې د المپيک راتلونکو لوبو په وياړ کړی دی. دغه انځور د جنوري مياشتې په ۲۴مه اخیستل شوی دی.
انځور: picture-alliance/AP/Kyodo News/H. Asakawa د افريقا په شرق کې د وږو ملخانو يرغل د خلکو له پاره په يو سر خوږي اوښتی دی. پر افريقايانو دغه حالت په داسې وخت کې راغلی چې دوی د خپلې خيټې ډکولو له پاره کافي غذا ته لا هم سم لاسرسی نه لري.
انځور: picture alliance/dpa/AP/P. Ngugi دغه مرغان د هندوستان د یامونا سيند پر سر د پرواز په حال کې دي. د کال په اوسني موسم کې مهاجر مرغان ډلې ډلې د دغه سيند له سره د تيريدو په حال کې وي. په زړه پورې دا ده چې اوس مهال د هند په ښاري سيمو کې خلک پاکې هوا ته سم لاسرسی نه لري خو دغه مرغان پر داسي سیمو خپل پروازونه کوي چې ښه او پاکه هوا لري.
انځور: Getty Images/AFP/N. Cassanelli په امريکا کې به پخوا د جنوري ۲۱مه نيټه يې په زور په غيږ کې نيولو ورځ په توګه لمانځل کيده، اوس دغه ورځ نړيواله شوې ده. خو په روسيه کې يوه سازمان د کرونا ويروس څخه د ساتنې په برخه کې خلکو ته تازه سپارښتنې کړي چې يوه يې دا ده چې یو بل په غيږ کې مه نيسئ.
انځور: Imago/Westend61 د اندونيزيا په هغو کليوالي سيمو کې چې ډيرې اوبه لري په ژمي کې خلک د «پاکو» په نوم يو پخوانی جشن لمانځي. دوی د خپلو غوایانو سره د شولو د خټو ډکو پټيو کې په زړه پورې لوبې او حرکات اجرا کوي. پورتنی انځور د جنوري مياشتې په ۱۸مه اخیستل شوی دی.
انځور: picture-alliance/dpa/A. Fernando هندي تاميليان يو پخوانی دود لري چې يو کس وحشي غوايي په خپله غيږ کې رانيسي. له دغې دوديزې لوبې څخه په سلونو خلک ننداره کوي. کوم کس چې غوايي په غیږ کې ونيسي، د زړه ور کس په توګه پيژندل کيږي. دغه جشن هرکال په جنوري مياشتې کې ۴ ورځې وي.
انځور: Getty Images/AFP/A. Sankar دغه مجسمه چې يو سړی د چغو وهلو په حالت کې ښيي داسې پيغام ورکوي چې استراليا اوس هم د اور په لمبو کې سوځي. دغه مجسمه د اطفائيې يوه مامور جوړه کړې ده.
انځور: picture-alliance/dpa/AP/R. Rycroft کانادا، د قربانيانو يادښت د کانادا په تورنتو ښار کې د اوکرايني الوتکې د قربانيانو په یاد د شمعو لګول. په ايران کې د اوکراينی الوتکې د راغورځيدو په پيښه کې د وژل شوو ۱۷۶ کسانو له ډلې ۶۳ تنه يې کاناډايان ول.
انځور: picture-alliance/AP Images/A. Wyld د چین په هاربين ښار کې د دسمبر مياشتې له ۲۲ څخه د فبروری مياشتې تر پایه چې نژدې دوه نيمې مياشتی کيږي د يخ فستیوال ترسره کیږي. له یخ څخه جوړ ساختمانونه په شپه کې رنګه څراغونو په لګولو سره ډير ښایسته او په زړه پورې ښکاري. ددغه ځای څخه په لسونو زره سیلانيان ليدنه کوي.
انځور: Getty Images/Lintao Zhang د يخ په سر د کشتۍ ځغلولو سيالۍ د چین په شمال ختيخ کې يو پخوانی دود دی چې خلک د يخ په سر د کشتۍ ځغلونې سيالۍ تر سره کوي. د کشتۍ ځغلونې پر وخت ډولونه هم وهل کیږي. سربيره پر دې چې دغه جشن پخواني دودونه ژوندي ساتي، ډير جالبه هم دي. دغه جشن هر کال لمانځل کيږي.
انځور: AFP
