ویل کیږي چې چینایي ساینسپوهانو داسې بې غږه توپک جوړ کړی دی چې تر یوه کیلومتره هدف په نخښه کولی شي. د دغي خطرناکې وسلې په واسطه د یوه کس کالي، جلد یا د تیلو زیرمي سوځول کیدای شي.
انځور: ZKZM-500,Handout
اعلان
د رپوټونو له مخې چینیاني ساینسپوهان پر دې توانیدلي دي چې ZKZM-500 نومې توپک، پر لیزر کلاشینکوف واړوي. په دغه توپک کې د مرمیو او بارودو پر ځای قوي بیټرۍ استعماليږي. د چین د مشهورې ورځپاڼې ساوت چاینا مارننګ پوسټ، د رپوټ له مخې له توپک څخه وتونکي لیزر شعاوې یا وړانګې په سترګو نه ښکاري او په څو ثانیو کې جامې سوځولی شي.
د آلمانۍ ورځپاڼې «دې ویلت» د رپوټ له مخې په ثانیو کې د یوه کس جامې اور اخیستی شي او له دې سره انسان هم سوځیدلی شي. ویل شوي دي چې دغه وسله د «شیان انستیتیوت آف آپټېکس اینډ پریسین میکینکس» د چین د ساینس د اکاډمۍ په مرسته جوړ کړې ده او تر اوسه یوازې په لومړنۍ بڼه کې ده. چینایي اخبار د دغه نوې وسلې نوم لیزر AK-47 یاد کړی دی.
د رسمې اعلامې له مخې دغه توپک «وژونکي وسله» نه ده، ځکه چې په خبره یې د دې موخه د کوم کس وژل نه دي، بلکې د هدف «غیر فعاله کول او یا د جګړې وړتیا یې له منځه وړل دي». د دغې وسلې وزن یوازې درې کیلوګرامه ښوول شوی دی او هرې دوې ثانیې وروسته تر زرو فیرونه کولای شي. له هغې وروسته یې بیټرۍ خلاصیږي او باید ورته نوې بیټرې واچول شي.
د رپوټ له مخې دغه کلاشینکوف، له یوه کیلومتره خپل هدف په نخښه کولی شي او لیزر شعاوې له حفاظتي ښيښو څخه هم تیریدلی شي. د چینایي اخبار د رپورټ له مخې د چین د ساینس اکاډمۍ هیڅ کوم چارواکې په دې هکله خبرو اترو ته چمتو نه وو، خو ځینو پوهانو د نوم د نه ښوولو په شرط ویلي دي چې دغه توپک غږ نه لري: «هیڅوک پر دې نه پوهیږي چې له کوم لوري حمله کیږي او دغه حمله به د یوې پیښې په څیر ښکاري.»
ویل شوي دي چې اوس به په لویه کچه د دغو وسلو د چمتو کولو چارې پیل شي. دغه لیزري وسلې به د پولیسو ځانګړو ځواکونو او همداشان د ترهګرۍ ضد ځواکونو ته ورکړل شي.
پاکستان د ۱۰۰ او ۱۲۰ تر منځ اتومي وسلو درلودونکې دی. کله چې پاکستان په ۱۹۹۸ کال کې اټوم بم جوړ کړ تر هغه وروسته د پاکستان او هند تر منځ کومه جگړه نه ده رامنځته شوې. مخکې تر دې د هند او پاکستان تر منځ دری جنگونه ترسره شوې دي. که څه هم پاکستان وایې چې د دوی اټومي وسلې د دفاعي مقاصدو له پاره دي، خو څارونکي ویره لري که د دغو دواړو هیوادونو تر منځ جگړه رامنځته شي، نو کیدای شي پر یوې اټومي جگړې واوړي.
انځور: picture-alliance/AP
هندوستان
په ۱۹۷۴ کال کې د لومړي ځل او په ۱۹۹۸ کال کې د دویم ځل له پاره د اټومي وسلو ازمیښت ترسره کونکی هیواد هندوستان له ۹۰ څخه تر ۱۱۰ پورې اوټوم بمونه لري. له چین او پاکستان سره د سرحدي پولو پر سر د شخړې سربیره هندوستان ژمنه کړی چې دغه هیواد به د اتوم بم د کارونې په برخه کې هیڅ کله هم لومړيتوب ونه کړي.
انځور: Reuters
اسرائیل
له ۱۹۴۸ څخه تر۱۹۷۳ کاله پورې له عربي هیوادونو سره دری واره جنگیدلې هیواد اسرائيل ۸۰ اټومي وسلې لري. د اسرائیلو د اټومي پروگرامو په برخه کې ډیر لږ معلومات موجود دي.
انځور: Reuters/B. Ratner
شمالي کوریا
د اټکلونو له مخې شمالي کوریا لږ ترلږه ۶ اټومي بمونه لري. که څه هم شمالي کوریا له جنوبي کوریا سره شخړه لري، خو د دغه هیواد اټومي پروگرامونو لویدیځ هیوادونه هم اندیښمن کړي دي. د ملگرو ملتونو له خوا د لگول شوو بندیزونو سربیره هم دغه کمونستي هیواد په ۲۰۰۶ کال کې د اټومي وسلو ازمیښت ترسره کړ.
