په چین کې دولتي رسنیو ویلي چې نن چهارشنبه (د ۲۰۲۴م کال د مارچ ۱۳) په یوه رستورانت کې چاودنې دوه تنه وژلي او ۲۶ تنه یې ټپیان کړي دي. دا پیښه د چین په هيبۍ ولایت کې رامنځته شوې ده.
د چین دولتي رسنۍ سي سي ټي وي (CCTV) په خپل رپوټ کې ویلي دي چې دغه چاودنه په سیمه ایېز وخت ۸ بجې د »سانهي» په ښار کې چې له پلازمينې بيجينګ سره ۸۰ کیلومتره واټن لري، شوې ده.
ویجاړونکې چاودنه
وړاندې تر دې د لانګ فانګ ښار د اور وژنې سیمه ایېزې ادارې ویلي وو دوی سیمې ته ۳۶ موټر او ۱۵۴ کسان لیږلي او د اور د کنترولو هڅې روانې دي .
په ټولنیزې شبکې ویبو (Weibo) کې یوه خپره شوې ویډیو ښيي چې د اور نارنجي رنګه لمبې پورته کيږي او دودونه ورسره مله دي.
دغې ویډیو کې ویجاړه ودانۍ، زيانمن شوي موټرونه، په سړکونو کې ماتې ښیښې او ځيني شيان د سوځيدو په حال کې ليدل کيږي.
په چین کې وژونکې پیښې
په یاد هیواد کې د خوندیتوب وسایلو ته نه پاملرنه او په دغې برخه کې د قوانیونو نه پلي کیدل دغه ډول مرګونې پېښې عامې کړې دي.
تیره میاشت د دغه هیواد په نانجینګ ښار کې په یوه اپارتمان کې د اور لګیدنې له امله ۱۵ کسان ووژل شول او ۴۴ نور ټپیان شول.
په تیرې جنورې میاشت کې د شينيو په مرکزي ښار کې اور لګیدنې لسګونه کسان ووژل.
دغه چاودنه چې په یوې مغازه کې شوې وه او د «ژینهوا» خبري آژانس ویلي ول چې اور لګیدنه هغه مهال رامنځته شوه کله چې کاریګرو په ناقانونه ډول د مغازې په تکاوۍ کې اور بل کړی وو.
په همدې میاشت کې بیا له لسو ډیر کسان د چین په مرکز کېد یوه ښوونځې په ليليه کې د اور لګیدنې له امله ووژل شول.
انځورونه: اور په چين کې یوه سيمه په کنډواله واړوله
د چین په بندري ښار تیانجین کې اور او درنو چاودنو د صنعتي زون یوه لویه برخه ویجاړه کړه. د وژل شوو شمیر ۵۰ تنو ته او د ټپیانو بیا ۷۰۰ ته لوړ شوی دی. د یو شمیر ټپیانو وضعیت د اندیښنې وړ دی.
انځور: Reuters/China Dailyپه بندر کې د ولاړو سمندري بیړیو له کنتینرونو څخه لوگی پورته کیږي. ویل کیږي چې لومړی په یوه گودام کې اور لگیدلی وو او تر هغه وروسته څو سختي چاودني رامنځ ته شوې.
تر چاودنو وروسته آسمان ته د پورته کېدونو اور شغلې له څو کیلومتره وړاندي څخه هم لیدل کیدای شوای.
تر اوسه لا د اور لگیدنې او د چاودنو د رامنځ ته کیدو اصلي علت معلوم نه دی. د چاودنو ځای ته څیرمه د استوگنځایونو او دفترونو له پاره نوي ودانۍ جوړیدې.
ویل کیږي چې چاودنه دومره زوروره وه، چې خلکو فکر کاوه زلزله وشوه.
د اور د لمبو د لیدلو او د سختو چاودنو تر اورېدولو وروسته خلک د وارخطایي په حالت کې له خپلو کورونو څخه راووتل.
د تازه معلوماتو له مخې د وژل شوو کسانو شمیر ۵۰ تنو ته لوړ شوی دی. همداسې شا او خوا ۷۰۰ کسان روغتونونو ته وړل شوي دي چې پکښې د ځینو روغتیایي حالت د اندیښنې وړ دی.
په لویه کچه د اور لگیدنې او زورورو چاودنو په پایله کې ډیرو ودانیو ته هم زیان رسېدلی دی.
د چهارشنبې په ماسخوتن پر لگیدلي اور باندي د بلې ورځې تر سهاره هم کنترول نه وو ترلاسه شوی. د اور وژنې شاوخوا ۱۰۰۰ عمله سملاسه د پیښې ځای ته رسیدلي ول.
اوس کارپوهانو د دغي پیښي د رامنځ ته کیدو د علت په هکله پلټني پیل کړي دي.
د دغو چاودنو له کبله اغېزمنو شوو کسانو له پاره مؤقتي خیمې ودرول شوې.
د اور لگیدنې او چاودنو له کبله د موټرو په پارکنگ یا تم ځای کې ولاړ زر موټره هم وسوځیدل.
