دغه څرگندونې د ډنمارک لومړي وزير فوگ رسموسن کابل کې د يوې کتنې په ترڅ کې وکړې. دغه تاريخي اثار چې يو څو کاله مخکې په ډنمارک کې نيول شوي وو د لومړۍ او دويمې ق م پېړۍ سکې دي او د زمرو او آسونو مجسمې. له ولسمشر کرزي سره يو ځای رسنيو ته د وينا پر مهال ښاغلي رسموسن زياته کړه چې «د غه لرغوني ميراث ساتنه د نړيوالې ټولنې گډ مسووليت دی». دا په داسې حال کې ده چې سويس دوې مياشتې وړاندې ملي موزيم ته 1400 لرغوني اثار بېرته ورکړي وو. له ډنمارک څخه په بېرته راوړل شويو اثارو کې د ډنمارک د لومړي وزير په اند داسې سکې شته چې ښيي افغانستان پخوا «د نړۍ څلور لاری« و.