په دغه نندارتون کي د پنځو عکاسانو له خوا اخيستل سوي تر ۱۳۰ څخه زيات عکسونه نندارې ته وړاندي کړل سوي دي. دغه عکسونه تاوتریخوالی نه بلکه د افغانانو طبيعت، فرهنګ او ورځنی ژوند انځوروي.

دغه عکس د عارف کريمي له خوا اخيستل سوی او ورته د «راځئ چي تول د مهاجرو ږغ سو» عنوان ورکول سوی دی.

په دغه نندارتون کي د کامران شفايي، رامين محبت، رضا شېرمحمدي، رادا اکبر او عارف کريمي له خوا اخيستل سوي انځورونه نندارې ته وړاندي سوي دي.

د يوې فرهنګي اونۍ په ترڅ کي نه یوازي د عکسونو نندارتون بلکه ورسره مل د موسيقۍ، کتاب ويلو او ازاد بحثونو پروګرامونه هم ترتيب سوي دي. دغه انځور د رادا اکبر دی چي په افغانستان کي د ښځينه ؤ ژوند انځوروي.

دغه نندارتون چي د Heusenstamm آلماني ښار کي د فرهنګي اونۍ په ترڅ کي جوړ سوی دی، يو مقصد يې په افغانستان کي د خبريالانو او رسنيو حالت ته انعکاس ورکول هم دی.

د کامران شفايي له عکسونو څخه يو

په تيرو کلونو کي زيات شمېر افغان ژورنالستان او عکاسان د تاوتريخوالي قرباني سوي دي. په دې ترڅ کي ذبيح الله تمنا په نوم يو مشهور افغان ژورنالست په هلمند کي ووژل سو.

د عارف کريمي له خوا اخيستل سوی انځور

په تيرو کلونو کي د افغان ژورنالستانو پر ضد د وسله والو ډلو ګواښونه زیات سوي دي.

د کامران شفايي له خوا اخيستل سوی يو انځور.

د انځورونه نندارتون د «راځئ چي ګډ د مهاجرو ږغ سو» تر عنوان لاندي جوړ سوی دی.

د رامين محبت له خوا اخيستل سوی يو انځور

د نندارتو یو داسي انځور چي پکښي يوه مهاجره افغانه کورنۍ انځور سوې ده.

د رضا شېرمحمدي له انځورونو څخه يو

دغه نندارتون د آلمان لوی ښار فرانکفورت ته نژدې پېل سو او د سپتامبر تر ۱۵ مې پوري يې دوام وکړ. دغه د رادا اکبر له خوا اخيستل سوی يو انځور دی.