پناه غوښتونکي په لومړي سر کې له دې امله په آلمان کې د پناه غوښتنه کوي چې یا په خپل هیواد کې له جګړو سره او یا هم له سیاسي تعقیب سره مخ دي. آلماني سياتوال کاودر غوښتنه کوي چي تقلب کوونکي مهاجر بايد ژر وایستل شي.
اعلان
هغه مهاجرین چې د آلمان په بیلابیلو ښارونو او ناحیو کې د دې له پاره چې ټولنیزې یا د «سوسیال» ډیرې مرستې ترلاسه کړي، ځانونه په مختلفو نومونو ثبتوي، باید د دې غیرقانوني کار پایلو ته انتظار وباسي.
د «بیلډ» ورځپاڼې د رپوټ په حواله، د آلمان دوه ګوندونه د مسیحي سوسیال اتحاد او د آلمان مسیحي دموکرات ګوندونه غواړي چې له مخکې څخه په ډیر جدیت سره د تقلب کونکو مهاجرینو پروړاندې اقدام وکړي. د آلمان په فدرالي پارلمان یا «بوندستاګ» کې د دې دواړو ګوندونو د ډلې مشر، فولکر کاودر یادې ورځپاڼې ته ویلي دي: «کله چې یو مهاجر د ټولنیزو مرستو په ترلاسه کولو کې په تقلب محکوم شوی وي، د پناه غوښتنه یې بیا په عادي حالت پرمخ نه ځي. هیڅ تبعه پر ورته کار تفاهم نه لري.»
له ټاکنو مخکې عملي کیدل؟
د هغه قانون په اساس چې تر اوسه هم اعتبار لري، هرکله چې یو پناه غوښتونکی د ټولنیزو مرستو په ترلاسه کولو کې د تقلب کولو له امله په درې کاله د بند سزا او یا هم ډیره موده باندې محکوم شي، د نوموړي د پناه غوښتنه لغوه کیږي. اوس فولکر کاودر غواړي چې دغه موده یو کال ته راټیټه کړي.
د «بیلډ» ورځپاڼې د رپوټ په حواله، د دموکرات مسیحي ګوند دغه سیاستوال د بهرنيانو د اخراج قانون د سختیدو سره دغه نوی تغیرات هم ضمیمه کول غواړي، او دا هم یې هم غوښتي چې دغه نوی قانون دې له ټاکنو مخکې په عمومي توګه د اجرا وړ وګرځي.
په خطرناکو مواردو کې دی یو کس عاجل ایستل
د مهاجرینو د اخراج په هکله دغه تشدید، باید ډیر ژر په برلین کې تر مشورې لاندې ونیول شي. د دموکرات مسیحي له ګوند څخه د آلمان صدر اعظمې انګلا مرکل دقیقاً یوه اونۍ مخکې د دې هیواد د ایالتونو له لومړي وزیرانو سره په دې هکله تفاهم کړی. د دې تفاهم په اساس په داسې حالت کې چې د یو دریم ګړي کس ژوند یا یو شي ته د یو رد شوي پناه غوښتونکي لخوا د ملاحظې وړ خطر رامنځ ته کیږي، د هغه موقت زنداني کیدل اسانه کوي.
د دې سربیره، د نوموړي کس اخراج باید د امکان تر حده پورې مستقیماً د هغه د لومړني استګونځي څخه صورت ومومي.
dw/ ml/qu (dpa, afp)/hm
پر ورته موضوع یو انځوريز البوم زموږ له آرشيف څخه (08.11.2016):
ښځې د آلمان په پوځ کې څه کوي؟
د آلمان د اساسي قانون د ېوې مادې له مخې ښځو نه شوای کولای چې د پوځ په جنګي برخو کې کار وکړي. یوې ۲۲ کلنې نجلۍ په دې اړه شکایت وکړ او دغه ماده له اساسي قانون څخه پاکه شوه. اوس ښځې د آلمان په پوځ کې څه کارونه کوي؟
انځور: AP
په دویمه نړیواله جګړه کې د آلمان تر ماتې وروسته، د څو کلونو له پاره دې هیواد د پوځ د جوړولو اجازه نه لرله. د آلمان د نوي پوځ له جوړیدو او په ناټو کې د هغه له شاملیدو سره، د دې هیواد د اساسي قانون A12 مادې د پوځ په جنګي څانګو کې د ښځو ګډون ممنوع کړی وو.
انځور: AP
د پوځ په جنګي څانګو کې د ښځو ګډون ممنوعیت د دې سبب نه شو چې هغوی د پوځ په نورو څانګو کې کار و نه کړي. د ۱۹۷۵ کې ښځو د آلمان پوځ په روغتیایي څانګه کې د حضور اجازه ترلاسه کړه. ښځو په دې مرحله کې یوازې د ډاکټرانو په توګه په پوځ کې د کار اجازه لرله.
انځور: picture alliance / dpa
د سړې جګړې پر مهال د لویدیځ آلمان ښځو د اساسي قانون د دې مادې پر ضد مظاهرې وکړې. انځور د هغه وخت پلازمینې، بن ښار څخه د ښځو د مظاهرو پر مهال اخیستل شوی دی.
انځور: picture-alliance/K. Rose
د آلمان په دیموکراتیک جمهوریت[شرقي آلمان] کې بیا ښځو د روغتیایي څانګي تر څنګ په جنګي برخو کې هم خدمت کوه. د دواړو آلمانونو له یوځای کیدو سره د دې هیواد هیواد پوځ هم له لویدیځ آلمان سره یوځای شو خو هغه ښځې چې د ختیځ آلمان په پوځ کې وې په پوځ کې شاملې نه شوای کړای.
انځور: picture-alliance/dpa/H. Wiedl
په ۱۹۹۶ کال کې د آلمان پوځ دتانیا کرایل، په پوځ کې د شاملیدو غوښتنلیک د قانون له مخې رد کړ. هغې د دې قانوي پر ضد د اروپا تر عالی دیوان پورې دعوا وکړه او بلاخره په ۱۹۹۹ کال کې هغې دغه دعوا وګټله. تر دې وروسته د آلمان د اساسي قانون A12 ماده له منځه ولاړه او په کې د ښځو حصور ته لار پرانیستل شوه.
انځور: picture-alliance/dpa
د سړې جګړې په پای کې د آلمان پوځ ۴۶۰ زره غړي لرل خو دغه شمیر د کلونو په جریان کې ۱۷۵ زرو ته راولوید. په ۲۰۱۱ کال کې د هلکانو له پاره د اجباري خدمت قانون هم له منځه ولاړ. له ۲۰۰۰ کال راهیسې د آلمان په پوځ کې د ښځو شمیر هم مخ په ډیریدو دی. او د دې هیواد د پوځ تر ۱۱ سنله ډیرې غړې ښځې دي.