د سوریې دیموکرات ځواکونو (اس دي اف) یوه ویاند طلال زیلو، د آلمان خبري آژانس ته ویلي دي چې د «اسلامي دولت» (داعش) ډلې په پخوانۍ غیر رسمي پلازمینه کې د دوی پوځي عملیات پای ته رسیدلي دي. د هغه په خبره اوس په دغه ښار کې چې ډیر سخت ویجاړ شوی دی د داعش د وروستیو مقاومت کوونکو او چاودیدونکو توکو لټه کیږي.
د ورکړل شوو رپوټونو له مخې په وروستیو ورځو کې یوازي د داعش په لسونو بهرنيو جنګالیو د رقه ښار په مرکز کې مقاومت کاوه. په زرونو ملکي کسان لا تر مخه په دې توانیدلي وو چې له دغه ښاره وتښتي.
د سه شنبې په ورځ د ملي روغتون او همداشان د نعیم میدان تر نیولو وروسته تندلاري یوازې د مرکز په ستیدیوم کې ول. په نعیم میدان کې به په اصطلاح «اسلامي دولت» ډلې اعدامونه تر سره کول.
په رقه کې په سونو ملکیان وژل شوي
د سوریې دیموکرات ځواکونو اتحاد د رقه ښار په جګړه کې د متحدو ایالاتو په مشرتوب نړیوال ائتلاف هوایي او همداشان د ځانګړو قطعاتو ځمکنی ملاتړ له ځانه سره لاره. خو په دغو هوایي بریدونو کې د سونو ملکیانو د وژل کیدو رپوټونه هم ورکول کیږي.
په تیرو میاشتو کې د دغه ښار بشري وضعیت له یوه ناورین سره برابر وو. په سونو زره کسان له جګړو څخه د مخه له دغه سیمې وتلي ول. د سوریې دیموکراتیک ځواک (اس دي اف) د کردي ولسي دفاعي واحدونو او همدشان له عرب جنګیالیو څخه جوړ دی.
دغو ځواکونو د تیرکال په نوامبر میاشت کې د رقه ښار د نیولو له پاره پوځي عملیات پیل کړل. کله چې ښار کلابند شو، نو د جون میاشتې په لومړیو کې د داعش پر دغه مرکز باندې هجوم وروړل شو.
په عین وخت کې لندن میشته د بشري حقونو د څار سوریایي سازمان ویلي دي چې په تیرو څلورو میاشتو کې په رقه کې د جګړې په ترڅ کې لږ تر لږه ۳۲۵۰ تنه وژل شوي دي چې تر یو پر دریمې برخه زیات یې ملکیان دي. د دغه سازمان په خبره له جون میاشتې راهیسې د پیل شوې جګړې په ترڅ کې په دغه ښار ۱۱۳۰ ملکي وګړي وژل شوي دي.
د داعش د «خلافت» د پای پیل؟
د رقه ښار له سقوط سره چې داعش په ۲۰۱۴م کال کې نیولی وو دغې تندلارې ډلې په سوریه کې خپل مهم مرکز له لاسه ورکړ. تر دې دمخه دغه ډله د عراق په شمال موصل ښار کې هم له ماتې سره مخامخ شوې ده. د فرات سیند پر غاړه پروت دغه ښار د تندلارو د بریدونو د پلانولو د مرکز په توګه انګیرل کیدی.
داعش په وروستیو څو میاشتو کې په عراق او سوریه کې تر خپل کنترول لاندې مهمې سیمې له لاسه ورکړي دي. په دغو سیمو کې یو وخت دوی خلافت اعلان کړی وو. کابو په ټولو جبهو کې تر ماتې خوړلو وروسته، دغې ډلې ته د پر شاتګ د ځای په توګه د لویو دښتو تر څنګ د سوریې او عراق پر پولې د فرات سیند پر غاړه یوازې د استوګني کوچني سیمي پاتې دي.
زموږ له ارشيف څخه:
«د داعش په پلازمېنه» کې د خلکو روزمره ژوند
د سوريې په رقه ښار کې چې د «اسلامي دولت» ډلې پلازمېنه بلل کیږي، د خلکو ورځنې ژوند څه ډول دی؟ ښځې باید بشپړ ححاب ولري. په سړکونو کې د اعدام او لاس پریکولو مراسم اجرا کیږي. روزه خور هم په دورو وهل کیږي. انځور: Reuters د داعش یو تن غړی د سوریې په رقه ښار کې د عطرو په دوکان کې ځان ته عطر لټوي. دغه انځور د ۲۰۱۴ کال د سپتمبر میاشتې په ۱۸ نیټه اخیستل شوی.
انځور: Reuters د سوریې په رقه ښار کې د ښځو د جامو یو دوکان. دغه انځور هم د ۲۰۱۴ کال د سپټمبر میاشتې په ۱۸ اخیستل شوی دی. د «اسلامي دولت» د قوانینو له مخې ښڅې یوازې کولی شي په بشپړ حجاب کې له خپل محرم سره له کوره د باندې ووزي.
انځور: Reuters د خبري آژانسونو د رپوټونو له مخې د«اسلامي دولت» تر کنترول لاندې ښارونو کې د جمعې په لمانځل کې ګډون اجباري دی او که څوک د جمعې لمانځه ته نه حاضریږي سزا ورکول کیږي.
انځور: Reuters ماشومان د سوریې په رقه ښار کې د نسکورې شوې الوتکې ویجاړې شوې پرزې یا کباړ را ټولوي.
انځور: Reuters د رقه ماشومان کیمیا، فزیک، ریاضي، تاریخ او فلسفې ته اړتیا نه لري. «اسلامي دولت» هم پوه او هم تاریخ له سره نوې لیکلي.
انځور: Reuters په دغه انځور کې د سوریې په رقه ښار کې د«اسلامي دولت» ډلې یو شمیر غړي په جماعت سره د لمونځ ادا کولو په حالت کې لیدل کیږي.
انځور: picture-alliance/AP Photo د رقه په ښار کې د«اسلامي دولت» ترهګرې ډلې یو شمیر غړي د اسوشیتد پرس خبري آژانس په حواله «اسلامي دولت» ډلې په رقه ښار کې د شریعیت مطابق سخت قوانین نافذ کړي دي. د غلو لاسونه په عام محضر کې پریکیږي او هره ورځ د سړک تر غاړې اعدامونه ترسره کیږي.
انځور: picture-alliance/AP Photo د «اسلامي دولت» ډلې تر کنترول لاندی ساحو ژوند د «اسلامي دولت» ډلې ځواکونو د «حسبه» په نوم دفترونه جوړ کړي دي، تر څو د اسلامي شریعیت د اجرا کیدو پروسه وڅاري. همدارنګه د «دعوا» په نوم دفترونه هم جوړ شوي دي، چې خلکو ته د دوی د ایډیالوژۍ مطابق دعوت او تبلیغ وکړي.
انځور: Reuters د داعش یا د «اسلامي دولت» ډلې تر کنترول لاندې سیمو کې یوه لویه ستونزه مزدورانو ته د هغوې د مزد د ورکړې بحران دی.
انځور: Reuters د دغې تندلارې اسلامپالې ډلې ځواکونو تر خپل کنترول لاندې سیمو کې د «اسلامي دولت» له اجازې پرته د سیمې د خلکو هر ډول تجارت او سوداګري منع کړی.
انځور: Reuters د «اسلامي دولت» ډلې تر کنترول لاندې سیمو کې د خلکو ورځنې ژوند.
انځور: Reuters د «اسلامي دولت» ډله په خپل کنترول لاندي سیمو کې د اسلامي قوانینو د عملي کولو په برخه کې تر نورو ټولو تندلارو اسلامي ډلو ځان مخکښ بولي. سنګسار، د لاسونو پریکول په درو وهل او داسې نور......
انځور: Reuters سړي تښتونه، په پرله پسې ډول د مخالفینو په دار زړول او عام وژنه د دغې ډلې هغه اقدامات دي چې د سوریې په شمال او ختیځ او د عراق په شمال او لویځو برخو کې یې دغه ډله ترسره کوي.
انځور: Reuters «اسلامي دولت» ډلې د موصل له ټولو عیسوي اوسیدونکو څخه وغوښتل چې یا خو دې اسلام راوړي یا جزیه ورکړي او یا دې هم له دې خاورې څخه ووزي.
انځور: Reuters وحشت، خونړۍ جګړې، ویجاړۍ، د داعش له ویرې د سلګونو زره خلکو مهاجرت، په عراق او سوریه کې د داعش یا «اسلامي دولت» ډلې د بریدونو پایله ده.
انځور: picture alliance/AP Photo د سوریې د بشري حقونو نړیوال سازمان وایې چې دغې ډلې د عراق له شمال څخه ایزیدي ښځې تښتولي او په زروه تر مسلمانولو وروسته یې بیا د خپلي ډلې پر جنګیالیو پلورلي دي.
انځور: Reuters
