د مارچ له ۲۳مې نېټي څخه د درو اونيو له پاره له کور څخه د نه وتلو سپارښتنه سوې ده.
انځور: Reuters/C. Recine
سويس
د مارچ له ۲۴ څخه امر سوی چي د اپريل تر ۱۹مې نېټي دي څوک له کوره نه وځي. ټول ريستورانتونه او چای خانې بندي سوي دي.
انځور: Getty Images/C. Stache
هسپانيه
د مارچ له ۱۴مې نيټي څخه په دغه هيواد کي بېړنی حالت اعلان سوی دی او نه دي ويل سوي چي تر کوم وخته به دوام وکړي.
انځور: Imago/L. Carnero
فرانسه
د مارچ له ۱۷مې نيټي څخه د لسو ورځو له پاره ګرځبنديز لګولی سوی ؤ چي د مارچ په ۲۷مه د اپريل تر ۱۵مې نېټي پوري وغځول سو.
انځور: Getty Images/G. Souvant
ايټاليا
ايټاليا په اروپا کي لومړی هيواد ؤ چي ګرځبنديز يې ولګوی. ويل سوي دغه بنديزونه به د وضعې تر بېرته کنټرول لاندي راتلو پوري دوام وکړي.
انځور: Imago Images/Zuma Wire
بلجيم
د مارچ له ۱۸مي څخه د اپريل تر ۵مې نېټي پوري بنديز اعلان سوی ؤ چي اوس د اپريل تر ۱۹مې پوري غځول سوی دی.
انځور: AFP/K. Tribouillard
ډنمارک
د اپريل تر ۱۳مې پوري بنديز لګول سوی او ښايي نور هم پسي وغځول سي.
انځور: Imago Images/Ritzau Scanpix
يونان
د مارچ له ۲۲مې ګرځبنديز لګول سوی دی. د کور څخه د وتلو پر وخت بايد څوک د ځان سره ځانګړی سند ولري.
انځور: Getty Images/AFP/L. Gouliamaki
ايرلند
د مارچ له ۲۷مې څخه د اپريل تر ۱۲مې پوري له کورونو څخه د نه وتلو سپارښتنه سوې.
انځور: picture-alliance/dpa/PA Wire/N. Carson
سويلي افريقا
د مارچ له ۲۷مې نيټي څخه تر درو اونيو پوري ګرځبنديز لګول سوی او عسکر د سړکونو او کوڅو څارنه کوي.
انځور: Getty Images/AFP/M. Spatari
نوی زيلند
د مارچ له ۲۶مي څخه ګرځبنديز پېل سوی دی.
انځور: picture-alliance/dpa/M. Baker
سعودي عرب
د سعودي په مکه مکرمه، مدينه او رياض ښارونو کي د ۲۱ ورځو له باره ګرځبنديز لګول سوی دی.
انځور: picture-alliance/AP Photo/A. Nabil
انځورونه1 | 14
آیا آلمان د سیلانیانو له پاره پرانیستی دی؟
په اوسنیو شرایطو کې د آلمان خاوره د هغو کسانو پر وړاندې تړلې ده چې غواړي دغه هیواد ته د سیل او چکر په موخه سفر وکړي. د آلمان د کورنیو چارو وزارت په حواله هغه غیر آلماني اتباع چې غواړي پرته له اساسي ضرورتونو دغه هیواد ته داخل شي، ښايي آلمان ته يې د داخلیدو مخه ونیول شي.
دغه محدودیتونه د څومره وخت له پاره ادامه پیدا کوي؟
د دې پوښتنې ځواب په لنډو کلماتو کې دا دی چې دغه راز محدودیتونه به تر هغې پورې پر خپل ځای پاتې وي، ترڅو پورې چې ورته اړتیا وي. خو بیا هم، د آلمان حکومت د اپریل میاشتې تر نیمايي پورې، په دې هیواد کې د عامه ځایونو تړل کیدل تمدید کړي دي، خو دا لا هم واضح ده چې د پولو کنټرول به تر کوم وخته پورې ادامه ولري.
د آلمان د کورنیو چارو وزارت په حواله، د آلمان د پولې ساتونکې چارواکي حق لري چې دغه هیواد ته د خلکو د داخلیدو او یا ممنوعیت پریکړه ونیسي او دغه اقدامات عملي کړي.
زموږ له آرشیف څخه:
د کرونا ویروس پر ضد کمپاین؛ راځئ په طبي سپارښتنو عمل وکړو
په پکتیکا کې د کرونا ویروس یوه مثبته پيښه ثبت شوې. د دغه ولایت د مختلفو سیمو په لسګونو مسافر له ایران او متحده عربي اماراتو څخه بیرته خپلو کورونو ته ستانه شوي. اوس په دې ولایت کې د عامه پوهاوي کمپاین پیل شوی.
انځور: DW/F. Zahir
که څه هم څو ورځې کیږي، چې د حکومت له لوري د پکتیکا مرکز ښرنې ښار د کرونا ناروغۍ د مخنیوي په موخه نیمه قرنطین شوی دی، خو لا هم د ښار په ځینو برخو کې ګڼه ګوڼه وي، خلک قرنطین نه عملي کوي او کرونا جدي نه نیسي.
انځور: DW/F. Zahir
بل لور ته له ګاونډي هیواد ایران او همدا رنګه متحده عربي اماراتو څخه په لسګونو مسافر د دې ولایت په لیرو پرتو سیمو کې بیرته خپلو کورونو ته ستانه شوي.
خو اوس د اکبر راحیل په مشرۍ د پکتیکا ولایت مدني فعالان لاس په کار شوي دي او د «راځئ په طبي سپارښتنو عمل وکړو او خپل ژوند وژغورو» شعار تر عنوان لاندې یي یو کمپاین په لاره اچولی دی.