له هغه راهیسي چي په آلمان کي د کرونا له امله د ټولنیز واټن او له نورو انسانانو سره د اړیکو د محدودیدلو په اړه تدابیر رامنځته سوي، خلک له منزوي کیدو، دیپریشن او راتلونکي په اړه ناامیدي څخه شکایت کوي.
په آلمان کي د کرونا له امله لګول شوو ټولنيزو محدودیتونو له امله، خلک له منزوي کیدو، دیپریشن او ناامیدي څخه شکایت کويانځور: picture-alliance/dpa/Z. Scheurer
اعلان
په جرمني کي داسي تليفوني شمېرې سته چي سړی د رواني ستونزو په لرلو سره د روانپوهانو سره اړیکي نیولای سي. یوه له دغو راونپوهانو څخه انه ماري ده. د هغې په خبره د کرونا بحران په پیل کي به تر ټولو د مخه دا پوښتني له خلکو سره مطرح وې چي: زه له دریو ورځو راهیسي ټوخيږم، آیا لازمه ده چي د کرونا یو تست وکړم؟
د دغه ویروس خطر څومره ډیر دی؟
څنګه کولای سم له هغه څخه په سم ډول ځان وساتم؟
خو وروسته د مارچ مياشتي په پای کي بیا له نورو انسانانو سره د اړیکو د محدودولو او له هغوی څخه د واټن نیولو په هکله تدابیر وضعه سول چي په ټولنه کي د منزوي توب او دیپریشن سبب سول.
په دې هکله اندیښنې رامنځته سوي چي سړی نور نه سي کولای د مثال په ډول له خپل ګاونډي سره د ورځنیو مشکلاتو په هکله خبري وکړي او یا هم اجازه نه لري خپل زوړ او سخت ناروغه پلار د زاړه کسانو ساتنځای ته انتقال کړي. د انه ماري په خبره، هغوی ته زیاترو هغو کسانو زنګ واهه چي د کرونا د بحران دمخه لا په رواني ستونزو اخته او یا هم یوازي ول.
انه ماري زیاتوي د کرونا د پاندیمي له امله په ناڅاپي ډول محدودیتونو د هغو انسانانو ژوند لاپسي سخت کړ چي بې له هغه هم له کړواوونو سره مخامخ ول.
په آلمان کي ځينې خلک د کرونايي محدودیتونو له امله، د منزوي کیدو، دیپریشن او ناامیدي څخه شکایت کويانځور: Reuters/C. Mang
د انه په خبره، دیپیریشن، بیره، د ځان وژني فکرونه او په تیره بیا یوازیتوب هغه پوښتني وې چي په تیرو میاشتو کي هغه ورسره مخامخ سوې ول. په تیره بیا یوازي کسان په دا ډول یوه حالت کي د نورو انسانانو نژدیوالي ته اړتیا لري.
نه یوازي په هانوور کي د انه ماري مشورتي دفتر تیلیفون بیکاره نه وو، بلکي د آلمان په سطحه کلیساګانو ته هم په پرله پسې ډول زنګونه وهل کیدل.
په داسي حال کي چي د روان کال په فبرورۍ کي شاوخوا ۹۷ زره کسانو د روانپالانو مرکزونو ته زنګونه وهل، په مارچ کي د هغوی شمیر ۱۱۳ زرو او په اپریل کي د محدودیتونو تر وضعه کیدو وروسته څه د پاسه ۱۱۷ زرو ته ورسید.
انه ماري کله کله ټوله ورځ او یا هم ټوله شپه خپل په دفتر کي ناسته وي او خلکو ته مشورې ورکوي. د هغې په خبره تیلیفون یې پر له پسې زنګونه وهي، که څه هم دا ډیر سخت کار دی، خو بیا هم راضي ده چي خلک ورڅخه خوشاله دي. د هغې په خبره ځیني وخت ډیر کار نه کوم، فقط همدومره کافي وي چي د هغوی خبرو او ستونزو ته غوږ ونیسم.
دلته د کرونا پر موضوع يو انځوريز البوم هم کتلای سئ:
کرونایي شرایط، ماسکونه او مصروفیتونه
په دې انځوریز رپوټ کې د کرونا ویروس له امله د لګولو شویو بندیزونو پر مهال د ماسکونو کارونه او په دغو محدودیتونو کې تر نرمۍ راوستل کیدو ورسته وضعیت انځور شوی دی.
۲- کب نیونه د کرونا د بندیزونو پر مهال یو سالم مصروفیت دی
یو شمیر سرګرمیانې او سالم مصروفیتونه لکه کب نیونه د کرونا د دور له پاره مناسب ګڼل کیږي، ځکه د کب نیونې پر مهال هم حتی په غیر کرونایي شرایطو کې تاسې باید له هغه کس څخه لازمه فاصله ونیسئ چې له تاسې سره یوځای ماهیګري کوي. د اوبو آرامتیا او ښایسته منظر هغه وخت لا په زړه پورې کیږي چې کب ستاسې په جال او یا کنډه کې ونښلي.
انځور: picture-alliance/dpa/C. Charisius
۳- د میلان په فضاء کې سور، سپين او سره رنګونه
په ایټالیا کې د جمهوریت ورځې په مناسبت او همدرانګه د کرونا ویروس قربانیانو ته د درناوي مراتبو د وړاندې کولو په موخه ۹ الوتکو د ایټالیا د شمال د څو ښارونو پر فضاء الوتنه وکړه او د یوه نمایش په ترځ کې یې د میلان، ترنتو، کدګونو، تورين او آستا د ښارونو فضاء د دغه هیواد د بیرغ پر رنګ رنګینه کړه.
انځور: Reuters/F. Lo Scalzo
۴- وریجې د پلاستیکي کثافاتو له خوند او بوی سره؟
په داسې حال کې چې پلاستیکي کثافات په یوې لوې نړیوالې معضلې بدل شوی او د چاپیریال ساتنې فرهنګ هم لازم پرمختګ نه دی کړی په دې ورځو کې په ایران کې د شولی په کروندو کې د پلاستیکي کثافاتو جلا کول چندان جدي نه نیول کیږي.
انځور: Mizan
۵- د ماسک فیشن د ورځې مود
په برلین کې پلورنځیو او مغازو خپلو مشتریانو ته د ماسکونو تر ټولو نوي او شک ماډلونه وړاندې کړي دي. دا انځور د می میاشتې په ۲۲ نیټه اخیستل شوی دی.
انځور: Imago Images/S. Gudath
۶- امازون د کرونا په محاصره کې
امازون نور د طبعیت د خیرازۍ او پایدارۍ نښه نه ده. د می میاشتې په ۲۱ نیټه د کرونا د ویروس د قربانیانو یوه بله ډله هم د مانائوس په ځنګلي هدیره کې خاورو ته وسپارل شوه. تر دغې نیټې پورې د امازون سیمې ۱۰۵۰ تنو اوسیدونکو پر کووید-۱۹ د اخته کیدو په نتیجه کې خپل ژوند له لاسه ورکړی دی.
د عاج ساحل دیوالونه د رنګینو ګرافیتي انځورونو او نوښتونو له امله مشهور دي. د کرونا ویروس د خطرونو په اړه خبردارۍ او سپارښتنې د پلازمېنې ابیجان پر دیوالونو هم لیدل کیږي.
